Krujë/Vijon megaoperacioni policor i koduar “Tempulli”.about:blank

Evidentohet dhe goditet një rast i shitjes së lëndëve narkotike, në afërsi të një shkolle në Krujë, nga një grup i përbërë nga 3 shtetas. Dy prej tyre u vunë në pranga dhe një tjetër u procedua penalisht.

Sekuestrohen doza lënde narkotike kokainë e kanabis, gati për shitje, sasi municioni luftarak dhe 3 celularë.

Shërbimet e Komisariatit të Policisë Krujë, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli”, pasi kanë siguruar informacion se 3 shtetas shitnin lëndë narkotike kanabis, në afërsi të një shkolle në Krujë, kanë organizuar punën për kapjen dhe vënien e tyre përpara përgjegjësisë ligjore.

Si rezultat, në një qendër lojrash, në afërsi të një shkolle në Krujë, u kapën dhe arrestuan shtetasit , 20 vjeç, dhe ., 24 vjeç, të dy banues në Krujë. Gjithashtu u procedua penalisht në gjendje të lirë një 16-vjeçar.

Gjatë kontrolleve fizike të tre shtetasve, si dhe gjatë kontrollit të banesave të dy të arrestuarve, shërbimet e Policisë, gjetën sasi lënde të dyshuara narkotike kokainë e kanabis të ndarë në doza, sasi municioni luftarak, të cilat u sekuestruan në cilësinë e provës materiale, së bashku me 3 celularë.

Nga verifikimet e kryera ka rezultuar se këta shtetas e siguronin lëndën narkotike në sasi dhe pasi e ndanin në doza, i shitnin ato në afërsi të një shkolle në Krujë.about:blank

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Dy persona janë vënë në pranga për shpërndarje të drogës nëpër lagje të ndryshme të Lezhës dhe Shëngjinit.

Si rezultat i megaoperacionit “Tempulli”, në pranga u vu një 20-vjeçar E.P nga Lezha, pasi gjatë kontrollit fizik iu gjetën dhe iu sekuestruan në cilësinë e provës materiale, një sasi lënde narkotike kanabis, e ndarë në doza të gatshme për shitje, si dhe 2 grirëse të kësaj lënde.

Gjithashtu është arrestuar 24-vjeçari E. D., banues në Tiranë, pasi gjatë kontrolleve fizike dhe në automjetin ku ishte pasagjer, iu gjet dhe iu sekuestrua në cilësinë e provës materiale, një sasi lënde narkotike kanabis e ndarë në doza të gatshme për shitje. Gjithashtu, për këtë rast u referuan materialet në Prokurori, ku nisi procedimi në gjendje të lirë, për veprën penale “Mbajtja pa të drejtë e uniformës”, për shtetasin M. V., 25 vjeç, banues në Tiranë, sepse në automjetin ku udhëtonte së bashku me të arrestuarin, në Shëngjin, iu gjet një tabelë si ato të Policisë Rrugore.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Një 20 vjeçar është arrestuar nga policia e Shkodrës ndërsa tre të tjerë janë proceduar penalisht pasi shisnin drogë në afërsi të perimetrit të sigurisë të një gjimnazi. 20 vjeçari u kap në flagrancë nga policia duke shitur dozat e cannabis sativës në një lokal në afërsi të perimetrit të sigurisë të një gjimnazi.about:blank

Tre të tjerët, të moshës 16, 22 dhe 33 vjeç, dyshohet se janë të implikuar në veprimtaritë kriminale të përdorimit dhe shitjes së dozave të drogës në këtë lokal. Në cilësinë e provës materiale, u sekuestrua një sasi lënde narkotike e dyshuar narkotike, e ndarë në doza të gatshme për shitje./abcnews.al