Një 43-vjeçar është arrestuar në flagrancë pas kapjes së tij me dy qese që përmbanin lëndë narkotike kanabis, të cilat ai kishte për qëllim t’i shiste në doza.

Shërbimet e Komisariatit të Policisë Kurbin, në bashkëpunim me specialistët e Seksionit për Hetimin e Narkotikëve të DVP Lezhë, realizuan kontrollin në banesën e shtetasit Rasim Sela falë informacionit të siguruar nga qytetarët.

Gjatë këtij kontrolli, ata gjetën dhe sekuestruan në cilësinë e provës materiale dy qese plastike me lëndë narkotike kanabis.

Pas përfundimit të veprimeve procedurale, ai u arrestua për veprën penale “Prodhimi dhe shitja e lëndëve narkotike”.

Materialet e procedurës i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.

Një 46-vjeçar ka rënë në prangat e policisë në Tiranë, pasi ishte dënuar për prodhim dhe shitje droge.

Shtetasi Florian Buçka, banues në Tiranë, ishte shpallur në kërkim pas një vendimi të Gjykatës së Tiranës, e cila e ka dënuar me 7 vjet e 3 muaj burgim për veprat penale “Prodhim dhe shitje narkotikësh” dhe “Futja dhe mbajtja e sendeve të ndaluara në institucionin e ekzekutimit të vendimeve në burg”.

Operacioni policor i koduar “Ndalesa” u organizua nga shërbimet e Komisariatit të Policisë Nr. 1, në bashkëpunim me Seksionin e Narkotikëve, pas marrjes së informacionit në rrugë operative për vendndodhjen e tij.

Pas një operacioni të mirëorganizuar, Florian Buçka u kap në rrugën “Ali Demi” dhe u arrestua për t’u vënë para përgjegjësisë ligjore për veprat e kryera.

Po shiten më pak prona, por çmimet po rriten. Pasi ndali vitin e shkuar, shtrenjtimi i apartamenteve iu rikthye vrullit në harkun e muajve janar-qershor. Në raportin e fundit të vrojtimit të tregut të pasurive të paluajtshme Indeksi “Fischer”, me të cilin Banka e Shqipërisë analizon ndryshimin e çmimeve të banesave u rrit me 16.9 në rang vendi.

Edhe më e  fortë rezulton rritja e marrë veçmas për kryeqytetin. Në Tiranë ky tregues u rrit me 23.8 për qind krahasuar me janar-qershorin 2023.

Numri total i pronave të shitura ishte 928, në rënie nga një gjashtëmujor më parë, dhe numri mesatar i pronave të shitura për subjekt rezultoi po ashtu më i ulët, në 5, nga 7 periudhën e kaluar. Sipas subjekteve të intervistuara, situata e përgjithshme në tregun e pasurive të paluajtshme paraqitet optimiste në krahasim me gjashtëmujorin e kaluar”.

Edhe më i fortë bëhet paradoksi “rënie të shitjeve-rrije çmimesh”, veçanërisht në Tiranë. Koha mesatare e shitjes së një apartamenti u rrit në 9.7 muaj nga 8.3 muaj një vit më parë. E kundërta ka ndodhur me pronat në bregdet, koha mesatare e shitjes së tyre është gati përgjysmuar në raport me janar-qershorin e një viti më parë. Kjo ka ndikuar në reduktimin me 4 muaj të kohës mesatare të shitjes së pronave në rang vendi.

“Agjentët raportojnë numër të pandryshuar banesash të regjistruara në librat e tyre. Balanca neto mes atyre që raportojnë rritje të numrit të banesave të regjistruara dhe atyre që raportojnë rënie të numrit të tyre, ishte neutrale. Numri i pronave të pashitura, si për banesat, ashtu edhe për godinat tregtare, ka vijuar të shënojë rënie.”

Për shkak të çmimeve të kripura të qendrës, shumica e pronave të blera në Tiranë janë në periferi ose jashtë qytetit. Rreth 35 për qind e pronave të shitura ishin në zonat e preferuara brenda qytetit, 43 për qind ishin në periferi dhe 22 për qind ishin ndërtesa janë.

“Mbi 60% e agjentëve raportojnë se kanë realizuar shitje me çmim më të ulët se ai i kërkuar nga shitësi. Kjo vlerë është më e lartë se ajo e dy periudhave të mëparshme. Ndër këta, në rreth 2/3 e rasteve, shitja ka qenë me një ulje midis 5-20 për qind nga çmimi i kërkuar prej shitësit. Edhe ky tregues është më i lartë se ai i dy periudhave paraardhëse.”

Pak më shumë se gjysma pronave për banim dhe e atyre për përdorim tregtar të shitura prej agjentëve në gjysmën e parë të vitit janë blerë me hua bankare. Rreth 27 për qind e banesave të shitura janë raportuar të blera nga shtetas jo-rezidentë. Nga këta, rreth 61 për qind rezultojnë shtetas të vendeve të BE-së

Posedonte një sasi cannabisi, e gatshme për t’u ndarë në doza, me qëllim shitjen në qytet

Një 24-vjeçar ka rënë në prangat e policisë, pasi u kap me sasi kanabisi. Burime zyrtare nga policia bënë me dije se bëhet fjalë për Xhuljan Muçën.

NJOFTIMI I POLICISE

Procedohet penalisht drejtuesi i automjetit ku ishte pasagjer i arrestuari, pasi posedonte një fenelinë si të Policisë. Sekuestrohen lënda narkotike, automjeti tip “Volkswagen”dhe fenelina.

Në vijim të patrullimeve që kryhen 24/7, në të gjithë territorin e qarkut, me objektiva parandalimin dhe goditjen e paligjshmërive, shërbimet e Forcës së Posaçme “Shqiponja” dhe ato të Patrullës së Rendit të Policisë së Lezhës kanë ndaluar për kontrolle, automjetin me drejtues shtetasin E. Gj. dhe ku ishte pasagjer shtetasi Xh. M..

Nga kontrollet, shtetasit Xh. M. iu gjet një sasi lënde narkotike cannabis sativa, e gatshme për t’u ndarë në doza, me qëllim shitjen në lagje të ndryshme të qytetit, ndërsa në automjet u gjet një fenelinë si e Policisë, e cila mbahej ilegalisht nga drejtuesi i automjetit. Në përfundim të veprimeve procedurale, në kuadër të megaoperacionit “Tempulli 2”, u arrestua shtetasi Xh. M., 24 vjeç, banues në Elbasan, për veprën penale “Prodhimi dhe shitja e narkotikëve”. Gjithashtu, u referuan materialet në Prokurori, ku nisi procedimi në gjendje të lirë për shtetasin E. Gj., 25 vjeç, banues në Lezhë, për veprën penale “Mbajtja pa të drejtë e uniformës”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.