Një i ri shqiptar, Erald Kamberi, është dënuar me 10 vite burg nga një gjykatë në Angli, pasi shkaktoi një aksident të rëndë ku humbi jetën një burrë 34-vjeçar.

Ngjarja ndodhi më 1 gusht 2025 në qytetin Ware, në Hertfordshire. Kamberi, i cili nuk kishte patentë, sigurim dhe as adresë banimi të qëndrueshme, po ngiste makinën me shpejtësi të madhe kur u përplas me një motorçikletë. Nga përplasja humbi jetën Phillip Bruce, i cili vdiq në vendngjarje.

Pas aksidentit, Kamberi u largua nga vendi, por policia e arrestoi ditën tjetër.

Në gjykatë, ai pranoi fajin për:

Shkaktim të vdekjes nga drejtimi i rrezikshëm

Drejtim pa siguracion

Gjykatësi e përshkroi drejtimin e tij si “të çmendur” dhe pa asnjë përgjegjësi. Kamberi ishte duke ngarë në anën e gabuar të rrugës dhe po tentonte të shmangte policinë.

Përveç burgut, ai nuk do të lejohet të ngasë automjete për 15 vjet, dhe pas daljes nga burgu do t’i nënshtrohet një testi të posaçëm për të marrë patentën.

Autoritetet do të shqyrtojnë gjithashtu deportimin e tij pasi të ketë vuajtur dënimin.

Policia tha se ky ishte një rast shumë i rëndë dhe theksoi dhimbjen që familja e viktimës po përjeton.

19-vjeçari shqiptar që mbeti i plagosur nga aksidenti i rëndë i ndodhur një ditë më parë në Bologna të Italisë, teksa bashkë me shokun e tij 18-vjeçar Valjero Maksuti, i cili vdiq në vendngjarje, po tentonte t’i ikte policisë me automjetin tip Audi të vjedhur, është vënë në prangat e policisë italiane.

Sipas mediave italiane, ai është arrestuar për vrasje me makinë, mallra të vjedhura si dhe rezistencë ndaj arrestimit pasi automjeti me të cilën udëhtonin u raportua e vjedhur në Bolonja natën midis 8 dhe 9 shtatorit. Dëshmitarët kanë deklaruar se makina ishte shpejt dhe aksidenti u duk si një shpërthim.

Një kamera ka kapur të gjithë skenën. Audi i gjelbër po ecte me shpejtësi drejt kryqëzimit, por humbi kontrollin dhe goditi goditi një shtyllë ndriçimi. U nda në dysh: metali, gomat dhe madje edhe motori doli nga makina. Brenda rrënojave të Audit, u gjet një çekiç për thyerjen e xhamit dhe mjete për vjedhje.

Rindërtimi i policisë: Nuk kishte kontakt midis dy makinave

Dy të rinjtë po i iknin makinës së policisë, e cila e kishte ndaluar Audin në një semafor të kuq në Via Tolmino. Makina ishte e shtrenjtë, dhe dy shoferët ishin shumë të rinj. Oficerët urdhëruan kontroll, por kur semafori u bë jeshil, 19-vjeçari u largua me shpejtësi. Pasoi një ndjekje, me Audin që po udhëtonte me shpejtësi të madhe, ku më pas humbi kontrollin dhe u përplas me një shtyllë ndriçimi. Makina e patrullës, e cila e kishte humbur nga sytë Audin për një pjesë të rrugës, mbërriti menjëherë pas aksidentit.

Hetimi është ende në hapat e parë dhe është shumë herët për të thënë se ku po shkonin dy djemtë ose çfarë kishin ndërmend të bënin. Gjithashtu, është e paqartë se kush e vodhi makinën, ka të ngjarë që të mos kenë qenë dy të rinjtë shqiptarë që e kanë vjedhur automjetin, por dikush tjetër.

Elbasan, 7 maj 2025 – Një 32-vjeçar është arrestuar në flagrancë nga Policia e Qarkullimit Rrugor në Elbasan, pas një aksidenti të rëndë të ndodhur dje në aksin “Elbasan–Librazhd”. Shtetasi N. D., drejtues i një automjeti, u përplas me makinën që drejtohej nga 66-vjeçari A. F., duke shkaktuar vdekjen e pasagjerit F. A., 68 vjeç. Si pasojë e aksidentit u plagosën edhe të dy drejtuesit e automjeteve si dhe tre pasagjerë të tjerë.

Policia po vijon hetimet për zbardhjen e plotë të rrethanave të ngjarjes.

Një 27-vjeçar është arrestuar pasditen e djeshme, pasi dyshohet se ka shkaktuar një aksident që ka rezultuar në vdekjen e një shtetaseje dhe është larguar nga vendi i ngjarjes. Shtetasi G. M., banues në Dërsnik, Korçë, akuzohet për aksidentimin e shtetases S. Q., 65 vjeçe, në aksin rrugor “Maliq-Korçë”, rreth orës 17:40. Pas aksidentit, ai është larguar nga vendi i ngjarjes me automjetin që drejtonte.

Policia ka ndaluar shtetasin G. M., dhe ka gjetur automjetin e tij të fshehur në garazhin e banesës së tij. Tashmë, materiali është dorëzuar në Prokurori për hetime të mëtejshme për akuzat e “Largimit nga vendi i aksidentit” dhe “Shkelja e rregullave të qarkullimit rrugor”.

Personat në foton e mësipërme janë autori dhe dy viktimat e ngjarjes së rëndë në Roskovec.

Altin Kuka ka qëlluar për vdekje me kallashnikov xhaxha e nip, Ladimir Kurtaj dhe Gramoz Kurtaj.

Drejtori i policisë së Fierit, Shpëtim Hasanaliaj: Në fshatin Kurjan ka ndodhur një ngjarje e rëndë kriminale, ku Altin Kuka ka vrarë xhaxha dhe nip, autori u vetëdorëzua në polici.

Dy viktimat kanë ndërruar jetë në vendin e ngjarjes.

Dyshohet se ka ndodhur për motive të dobëta, për shkak të një konflikti që ka pasur djali i tij me dy viktimat.

Njoftimi i policisë:

Rreth orës 14:00, në fshatin Kurjan, dyshohet se shtetasi A. K., 49 vjeç, ka vrarë me armë zjarri, shtetasit L. K. dhe G. K. Shtetasi A. K. është shoqëruar në Komisariat, për kryerjen e veprimeve procedurale.

Arma e zjarrit është sekuestruar në cilësinë e provës materiale. Grupi hetimor po punon për sqarimin e plotë të rrethanave të rastit.