I pandehuri Xhuljan Hoxha reagoi përsëri nga kafazi i GJKKOsë gjatë seancës ku po dëshmonte Erion Alibej për bashkëpunimin mes tyre në ekzekutimin e Bujar Çelës më 2020 në Elbasan, me motiv hakmarrjeje ndaj të vëllait, Talo Çela.

Ai nuk ra dakord me dëshminë e Alibejt, që tha edhe se e kishte regjistruar bisedën me Hoxhën. Ky i fundit i kujtoi se bashkë njiheshin që fëmijë, kur hante fara te shkallët e pallatit dhe bënte xhiro me kuaj.

“Tregoja pak prokurores dhe gjykatës që kur njihet me mua? Sa kohë ka? Që në fëmijëri njihem me atë. Që kur kishte qejf të bente xhiro me kuaj dhe që kur hante fara te shkallët e pallatit. Tregoja o palaço”, tha i pandehuri.

Xhuljano Hoxha vijoi më tej kundërshtimet e tij në seancë, duke kërkuar edhe zbardhjen e bisedave mes tyre në SKY ECC:

“Do të lutem shumë, zbardhini bisedat e Enchro Chatit. Nuk keni nevojë as për Nuredinin, as për Erjonin. Për vrasjen e Bujar Çelës është një person tjetër. Policia dhe prokuroria nuk mori masa për të parandaluar ngjarjen, sepse ishte palë me Erjon Alibej. DVR e shtëpisë time e ke të regjistruar. Merrni pamjet, shiheni, kam qenë në shtëpi. Nuk kam lidhje fare. Ta dëgjojnë dhe gazetarët ketu, unë kam qen shok me atë, por tre vjet rresht këtu ka deklaruar që mua nuk më ka njohur. Nuk kam lidhje fare me Bujar Çelën. Zbardhni Enchro Chat. Nëse unë kam lidhje me këtë gjë, më jepni 300 vjet burg. Nuk kam lidhje me pisllqet e këtij. Ky ka qenë vet shok me ato që sot i ka kundërshtarë. Unë kam qenë dy muaj në burg kur ka ndodhur ajo ngjarje, ju mund ta vërtetoni kudo ketë. Nuk kam lidhje, ai po kerkon të më njollosë, të më fusë mua në hasmëri me miqtë e fëmijërisë.mua”, tha Hoxha nga salla e gjyqit, ku dha pretendimet e tij për dëshminë e bashkëpunëtorit të drejtësisë.

DURRËS- Një ngjarje e rëndë ka ndodhur mesditën e sotme në Durrës. Mësohet se 22-vjeçari Y.B, i cili ishte pjesëtar i ekuipazhit, ka rënë nga shkallët e anijes kur për pasojë ka humbur jetën në vend.

Vijon puna për zbardhjen e rrethanave të rastit.

Njoftimi i policisë:

Durrës/Informacion paraprak

Rreth orës 12:00, në Porto Romano, dyshohet se është rrëzuar aksidentalisht nga shkallët e një anijeje, shtetasi Y. B., 22 vjeç, pjesëtar i ekipazhit, i cili si pasojë ka humbur jetën.

Grupi hetimor po punon për zbardhjen e rrethanave të rastit.

Një e moshuar 82-vjeçare ka humbur jetën pasi është rrëzuar aksidentalisht në shkallët e banesës së saj. Mësohet se ngjarja ka ndodhur ditën e djeshme në qytetin e Vlorës. 

Në njoftimin e policisë bëhet me dije se janë arrestuar dy persona njëri pasi i është gjetu droge dhe tjetri sepse ka ushtruar dhunë ndaj prindërve të tij.

Njoftimi i policisë: 

Seksioni për Hetimin e Narkotikëve referoi materialet në Prokurori dhe nisi procedimi penal për shtetasin V. M., 23 vjeç, banues në Vlorë, pasi gjatë kontrollit fizik, shërbimet e Policisë i gjetën dhe sekuestruan një sasi lëndë narkotike cannabis sativa.

Komisariati i Policisë Vlorë arrestoi shtetasin I. V., 37 vjeç, banues në Vlorë, pasi dyshohet se ka ushtruar dhunë fizike ndaj prindërve të tij. Komisariati i Policisë Himarë referoi materialet në Prokurori, pasi ditën e djeshme, shtetasja K. Th., 82 vjeçe, dyshohet se aksidentalisht është rrëzuar në oborrin e banesës së saj, në fshatin Nivicë, dhe si pasojë ka humbur jetën.

F.Rroshi, një 41-vjeçar shqiptar që jetonte në Cologna Veneta, në Veneto të Italisë, humbi tragjikisht jetën si pasojë e një ngjarje aksidentale të ndodhur në shtëpi.

Siç raportojnë mediat lokale, Rroshi kishte zbritur në katin e poshtëm të shtëpisë së tij për të pirë cigaren e fundit përpara se të shtrihej, siç bënte zakonisht. Më pas u dëgjua një zhurmë që zgjoi bashkëshorten e tij. Duke menduar se kishte rënë një prej orendive të shtëpisë, ajo zbriti poshtë.

Por në fakt gjeti të shoqin në fund të shkallëve pa ndjenja. U përpoq t’i jepte ndihmën e parë, por pavarësisht përpjekjeve të saj dhe shërbimeve të emergjencës, për Rroshin nuk qe e mundur të bëhej asgjë.

Në Itali që prej vitit 2000, ai lë pas bashkëshorten dhe dy djemtë të moshës 14 dhe 10 vjeç. Dhjetorin e shkuar ata kishin marrë nënshtetësinë italiane.