Ndërkohë që fatmirësisht janë shkaktuar vetëm dëme materiale dhe jo në lëndime në njerëz. SHKODËR- Një banesë ka marrë flakë gjatë natës në Shkodër. Mësohet se banesa ka marrë flakë gjatë natës, duke u shkrumbuar. Ndërkohë që fatmirësisht janë shkaktuar vetëm dëme materiale dhe jo në lëndime në njerëz.

“Rreth orës 01:30, në lagjen “Ndoc Mazi”, dyshohet se, për shkak të një shkëndije elektrike, ka rënë zjarr në banesën e shtetasit Gj. Q. Si pasojë janë shkaktuar vetëm dëme materiale. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit,” thuhet në njoftimin e policisë.

Një ngjarje e rëndë ka ndodhur sot në Shkodër, ku një grua 78-vjeçare, H. A., dyshohet se i ka dhënë fund jetës duke u djegur me benzinë në oborrin prapa banesës së saj në lagjen “Ahmet Haxhija”.

Policia raporton se viktima mund të ketë vuajtur nga depresioni, ndërsa grupi hetimor po punon për të zbardhur plotësisht rrethanat e ngjarjes.

Nuk dihen ende rrethanat e qarta

Nje banese eshte djegur diten e sotme si pasoje e shkendijes elektrike. 

Shkodër/Informacion paraprak

Rreth orës 14:50, në fshatin Golem, dyshohet se për shkak të një shkëndije elektike, ka rënë zjarr në banesën e shtetasit N. R. Për pasojë është djegur kati i dytë i banesës.

Shërbimet e Policisë dhe të zjarrfikëses kanë shkuar menjëherë në vendin e ngjarjes dhe kanë shuar flakët.

Grupi hetimor po punon për zbardhjen e rrethanave të rastit

Shkodër, 9 qershor 2025 – Një ngjarje e rëndë është shënuar rreth orës 17:45 në fshatin Ura e Shtrejt, në njësinë administrative Postribë, ku dyshohet se një 57-vjeçar është vetëplagosur aksidentalisht me armë gjahu.

Sipas të dhënave paraprake, shtetasi F. V., 57 vjeç, është plagosur nga një armë gjahu të cilën e mbante me leje. Ai është transportuar menjëherë në Spitalin Rajonal Shkodër, ku ndodhet nën kujdesin e mjekëve.

Në vendin e ngjarjes kanë mbërritur forcat policore dhe grupi hetimor, të cilët po punojnë për zbardhjen e plotë të rrethanave dhe dokumentimin ligjor të rastit. Deri tani, nuk ka të dhëna për rrethana të tjera që mund të kenë ndikuar në incident.

Shkodër, 5 maj 2025 – Një aksident i rëndë rrugor ka ndodhur paraditen e sotme në aksin Shkodër–Velipojë, në zonën e Bërdicës, ku një këmbësor ka humbur jetën si pasojë e përplasjes nga një automjet.

Ngjarja ka ndodhur rreth orës 10:00, kur shtetasja Z. K., duke drejtuar një automjet, dyshohet se ka humbur kontrollin mbi mjetin dhe për pasojë ka përplasur shtetasin Gj. N., 76 vjeç, i cili ishte duke lëvizur në këmbë. Fatkeqësisht, i moshuari ka ndërruar jetë në vendngjarje.

Policia dhe grupi hetimor kanë mbërritur menjëherë në vendin e ngjarjes dhe po vijojnë punën për zbardhjen e rrethanave të aksidentit. Ndërkohë, me drejtuesen e mjetit po kryhen veprimet procedurale përkatëse.

Shkodër/Informacion paraprak

Rreth orës 10:00, në aksin rrugor “Shkodër-Velipojë”, shtetasja Z. K., duke drejtuar automjetin, dyshohet se ka humbur kontrollin mbi drejtimin e tij dhe për pasojë automjeti ka përplasur shtetasin Gj. N., 76 vjeç, këmbësor.

Shtetasi Gj. N. ka humbur jetën në vendgjarje.

Me drejtuesen e automjetit po kryhen veprimet procedurale.

Një banesë në Shkodër, në lagjen “Ahmet Haxhija”, është përfshirë nga flakët. Dyshohet se shkak është bërë një shkëndijë elektrike. Nga zjarri ka vetëm dëme materiale, ndërsa ka nisur puna për përcaktimin e shkakut.

Njoftimi i policisë:

Rreth orës 12:15, në lagjen “Ahmet Haxhija”, dyshohet se për shkak të një shkëndije elektrike, ka rënë zjarr në banesën e shtetasit N. K. Si pasojë janë shkaktuar vetëm dëme materiale. Grupi hetimor në vendngjarje po punon për përcaktimin e shkakut të rënies së zjarrit.

20-vjeçari gjendet i vrarë me armë zjarri në fshatin “Guci e Re” Shkodër – Një ngjarje e rëndë ka tronditur sot fshatin “Guci e Re” në Shkodër, ku një i ri është gjetur i pajetë, i dyshuar se është vrarë me armë zjarri.

Sipas informacioneve paraprake, viktima është identifikuar si shtetasi Pavlin Preka, rreth 20 vjeç.

Trupi i tij është gjetur rreth orës 14:50, pranë shkollës së fshatit, ndërsa ende nuk ka detaje të plota mbi rrethanat e ngjarjes dhe autorin/ët e mundshëm.

Pak pas njoftimit, forcat e Policisë dhe grupet speciale të Forcës Kombëtare të Sigurisë kanë mbërritur në vendngjarje, duke nisur hetimet për të zbardhur dinamikën e krimit.

Një grup i posaçëm hetimor, nën drejtimin e Prokurorisë, po punon intensivisht për të mbledhur prova, për të kryer ekspertizën e nevojshme dhe për të identifikuar përgjegjësit e kësaj vrasjeje.

Autoritetet po analizojnë të gjitha pistat e mundshme, ndërsa po shqyrtohen dëshmitë e banorëve dhe pamjet nga kamerat e sigurisë, nëse ka të tilla në zonë.

Ngjarja ka sjellë një ndjenjë pasigurie dhe shqetësimi te banorët e fshatit dhe zonave përreth.

Policia ka intensifikuar kontrollet dhe po bashkëpunon me strukturat e tjera të sigurisë për të ndaluar autorët e mundshëm.

Hetimet vijojnë, ndërsa priten zhvillime të reja mbi këtë ngjarje të rëndë.

Në foto është Ramazan Mataj 33-vjeç i cili u ekzekutua mbrëmjen e kaluar në fshatin Dragoç në Shkodër.

Ai është vrarë me armë zjarri brenda makinës. “Rreth orës 07:15 në fshatin Dragoç, në rrugë është qëlluar me armë zjarri në drejtim të automjetit tip Benz me drejtues Ramazan Mataj 33 vjeç, banues në Dragoç, Shkodër, i cili ka humbur jetën” njofton policia.

Ishin banorët që kanë parë personin e pajetë brenda automjetit dhe kanë lajmëruar policinë, e cila ka mbërritur në vendngjarje. Në vendngjarje kanë shkuar shërbime të shumta të Policisë dhe Forca Kombëtare e Sigurisë, Njësia Shkodër. Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.

Të shtëna me armë zjarri janë regjistruar mbrëmjen e sotme në lagjen Kiras, në qytetin e Shkodrës.

Raportohet se është qëlluar 4 herë me armë zjarri drejt një mjeti të parkuar.

Nuk raportohet për persona të lënduar.

Policia dhe grupi hetimor shkuan në vendin e ngjarjes.

Një banesë private në afërsi të shkollës pyjore në Shkodër është përfshirë nga flakët. Shërbimi zjarrfikës ka mbërritur menjëherë në vendngjarje dhe ka nisur punën për shuarjen e zjarrit, për të parandaluar përhapjen e flakëve në zona të tjera.

Ende nuk janë bërë të ditura shkaqet e rënies së zjarrit, ndërsa fatmirësisht nuk ka raporte për të lënduar.