Detaje të reja mësohen nga operacioni policor që po zhvillohet këtë mbrëmje në zonën e Shkozetit në Durrës.

Aktualisht janë shoqëruar disa persona, të cilët konsiderohen si persona me rrezikshmëri të lartë. Ndërsa dy persona janë arrestuar pasi u është gjetur armë zjarri me vete.

Sipas burimeve policore, dy personat e ndaluar janë përsëritës të kësaj vepre penale dhe po hetohet nëse janë të përfshirë në ngjarje të tjera kriminale.

Në këtë aksion janë angazhuar një numër i madh efektivësh nga sektorë të ndryshëm të Drejtorisë së Policisë së Qarkut Durrës.

Disa persona janë arrestuar pasditen e sotme gjatë një operacioni të Policisë së Shtetit.

Aktualisht raportohet se në Shkozet ka një prani të madhe të policisë, ndërsa operacioni është duke vijuar.

Për momentin nuk dihet se kush ka qenë në shënjestër të bluve, ndërsa priten detaje të reja.

DURRËS- Një zjarr raportohet se ka rënë pasditen e sotme në një gomisteri në Shkozet të Durrësit. Mësohet se zjarri ka rënë në katin e parë të ndërtesës. Zjarri dhe flakët kanë alarmuar banorët dhe menjëherë janë njoftuar zjarrfikësit.

Flakët rrezikonin edhe katet e tjera të ndërtesës por edhe objektet e tjera rreth saj. Fatmirësisht ndërhyrja është bërë në kohë dhe zjarrfikësit kanë arritur te neutralizojnë flakët dhe e kanë shuar plotësisht atë. Nga zjarri nuk ka të lënduar vetëm dëme materiale.

Një aksident me pasojë vdekjen ka ndodhur këtë të mërkurë në aksin Plepa-Shkozet.

Sipas informacioneve, raportohet se një makinë ka përplasur një motor. Si pasojë, ka ndërruar jetë drejtuesi i këtij të fundit.

Ndërkohë, në vendngjarja ka mbërritur ambulanca dhe policia, të cilat po punojnë për zbardhjen e shkaqeve të aksidentit.

Shoferi i dehur shkakton aksident të shumëfishtë pranë mbikalimit të Shkozetit.

Nuk raportohet për dëme në njerëz, vetëm dëme materiale.

Personi i dehur është shoqëruar për në komisariat për të kryer procedurat përkatëse.

Si pasojë e përplasjes janë dëmtuar 4 makina të tjera ndërsa makina e aksidentit ka përfunduar mbi rrethrrotullimin e ish-kënetës.