Një zjarr ka përfshirë paraditen e kësaj të mërkure një “Beach Bar” në zonën bregdetare të Radhimës, në Vlorë. Flakët janë përhapur me shpejtësi, duke shkaktuar dëme të mëdha materiale në ambientet e lokalit, i cili ndodhej buzë detit.

Nuk raportohet për të lënduar, ndërsa ndërhyrja në kohë e zjarrfikësve ka bërë të mundur vënien e flakëve nën kontroll dhe parandalimin e përhapjes së tyre në zonën përreth, ku ndodhen edhe biznese të tjera sezonale.

Grupi hetimor po punon për të zbardhur shkaqet e zjarrit, ndërsa paraprakisht nuk përjashtohet as ndonjë defekt elektrik apo ndonjë pakujdesi e mundshme.

Një tjetër automjet është përfshirë nga flakët në bypassin e Vlorës, në segmentin që lidh qytetin me Orikumin.

Mjeti, i cili po udhëtonte në drejtim të Orikumit, është përfshirë papritur nga zjarri dhe është djegur plotësisht.

Forcat zjarrfikëse kanë mbërritur menjëherë në vendngjarje, duke bërë të mundur shuarjen e flakëve. Fatmirësisht nuk raportohet për persona të lënduar.

Ndërkohë, grupi i ekspertëve ndodhet në terren dhe po punon për të përcaktuar shkaqet e zjarrit, që dyshohet të ketë nisur si pasojë e një defekti teknik në automjet.

GJIROKASTËR- Një automjet është përfshirë nga flakët pasditen e sotme pranë fshatit Dhoksat teksa po udhëtonte në drejtim të Gjirokastrës. Mjeti u përfshi nga flakët me shpejtësi teksa ishte në lëvizjae.

Sipas shoferit mjeti sapo u përfshi nga flakët, ato u përhapën me shpejtësi. Zjarrëfikëset ndërhynë menjëherë por flakët e shkrumbuan mjetin tip Ford. Fatmirësisht shoferi nuk ka marrë lëndime nga flakët pasi ka arritur të dalë në kohë nga mjetit. nga zjarri ka vetëm dëme materiale.

Belsh, 29 qershor 2025 – Një ngjarje e pazakontë është regjistruar këtë pasdite në pyllin e Dëshiranit, ku një automjet ka marrë flakë dhe është djegur plotësisht. Flakët janë përhapur edhe në bimësinë përreth, duke dëmtuar disa shkurre dhe pemë në zonë.

Zjarrfikësit dhe forcat e policisë kanë mbërritur me shpejtësi në vendngjarje, duke bërë të mundur izolimin e zjarrit dhe shmangien e përhapjes më tej të flakëve. Fatmirësisht, nuk raportohet për persona të lënduar.

Megjithatë, ngjarja mbetet e mbuluar me mister, pasi ende nuk dihet arsyeja pse automjeti ndodhej i vetëm në thellësi të pyllit dhe ku ndodhet pronari i tij. Policia ka nisur hetimet për të zbuluar identitetin e pronarit dhe rrethanat që çuan në djegien e makinës.

Një makinë është përfshirë nga flakët në rrugën e Mimiasit në fshatin Rroshnik në Berat. Ngjarja ka ndodhur në orë 20:30 minuta dhe makina është shkrumbuar plotëshisht.

Pas njoftimit të marrë, në vendngjarje kanë shkuar repartet zjarrëfikëse që në një kohë të shkurtër kanë bërë të mundur lokalizimin e flakëve, shuarjen e zjarrit dhe shmangien e përhapjes së flakëve drejt masivit me pisha dhe parcelave me ullinj.

Sipas zjarrëfikësve, shkak për zjarrin në makinën tip Peugeot që ishte në pronësi të shtetasit Vangjel Bitri, banues në Berat, mund të ketë qenë një defekt në qarkun elektrik.

Sipas zjarrëfikësve, Bitri kishte shkuar në parcelën që ka në pronësi në Mimias dhe mjeti mori flakë rreth 40 minuta pasi ishte fikur dhe parkuar në rrugën e Mimiasit.

Një makinë është përfshirë nga flakët mbrëmjen e sotme në rrugën e Mimiasit, në fshatin Rroshnik të Beratit. Ngjarja ka ndodhur rreth orës 20:30 dhe automjeti është shkrumbuar plotësisht.

Pas njoftimit të marrë, në vendngjarje kanë mbërritur shërbimet zjarrfikëse, të cilat kanë bërë të mundur lokalizimin dhe shuarjen e zjarrit në një kohë të shkurtër, duke shmangur përhapjen e flakëve drejt masivit me pisha dhe parcelave me ullinj.

Sipas zjarrfikësve, dyshohet se shkak për zjarrin ka qenë një defekt në qarkun elektrik të mjetit tip “Peugeot”, që ishte në pronësi të shtetasit Vangjel Bitri, banues në Berat. Bitri kishte shkuar në parcelën që zotëron në Mimias, ndërsa mjeti mori flakë rreth 40 minuta pasi ishte fikur dhe parkuar në rrugë. Fatmirësisht, nuk raportohet për të lënduar.

Një automjet është përfshirë nga flakët ditën e sotme në aksin rrugor Fier–Roskovec, në vendin e njohur si “Kthesa e Marinzës”.

Ngjarja ndodhi rreth mesditës, duke shkaktuar panik tek drejtuesi i mjetit që udhëtonte në të. Sipas raportimeve paraprake automjeti është djegur totalisht, por nuk ka të lënduar.

Shërbimet zjarrfikëse mbërritën në vendngjarje menjëherë pas njoftimit dhe bënë të mundur neutralizimin e flakëve. Paraprakisht dyshohet se zjarri është shkaktuar nga një shkëndijë elektrike.

DURRËS- Një automjet është përfshirë nga flakët para disa çastesh në qytetin e Durrësit. Bëhet me dije se automjeti ishte i parkuar pranë stacionit të trenit në lagjen numër 4.

Mëohet se fatmirësisht nuk ka asnjë të lënduar nga kjo ngjarje por automjeti është shkrumbuar totalisht duke shkaktuar dëme të mëdha materiale. Për të shmangur përhapjen e flakëve, në vendngjarje kanë ndërhyrë menjëherë dy mjete zjarrfikëse duke bërë të mundur vënien në kontroll të situatës.

Ndërsa shkaqet e zjarrit ende nuk dihen, policia ka nisur hetimet për zbardhjen e ngjarjes.

Një automjet është përfshirë nga flakët ditën e djeshme dhe për pasojë mjeti është djegur plotësisht.

Ngjarja ka ndodhur në rrugën “Tre dëshmorët” në Tiranë dhe ishte në pronësi të 28-vjeçarit me iniciale D.H.

Dyshohet se shkak i zjarri ka qenë një shkëndije elektrike.

Njoftimi i policisë:

Më datë 19.04.2025, në rrugën “Tre dëshmorët”, dyshohet se si pasojë e një shkëndije elektrike, ka marrë flakë dhe është djegur plotësisht, automjeti në pronësi të shtetasit D. H., 28 vjeç.

Materialet i kaluan Prokurorisë, për vlerësim.

Një lokal është përfshirë nga flakët në Tiranë, ku për pasojë është shkrumbuar totalisht.

Mësohet se lokali është në pronësi të shtetasit E.A., ndërsa dyshohet se ka qenë një defekti teknik.

“Rreth orës 03:25, dyshohet se si pasojë një difekti teknik ka rënë zjarr në lokalin në pronësi të shtetasit E. A. Si pasojë lokali është djegur plotësisht. Punohet për sqarimin e plotë e rrethanave të rastit”, njofton policia.