TURQI- Një tërmet me magnitudë 4.6 ballë të shkallës Rihter ka ndodhur në veriperëndim të Turqisë, sipas një vlerësimi të Qendrës Sizmologjike Euro-Mesdhetare (EMSC).

Epiqendra e tërmetit ndodhet në afërsi të Kutahya. Tërmeti ra në orën 10:20 të mëngjesit të sotëm. Thellësia fokale vlerësohet në 12 kilometra. Deri më tani nuk ka raportime për dëme nga tërmeti.

Një tërmet me magnitudë 3.9 ballë të shkallës Rihter është regjistruar këtë të diel në afërsi të Napolit në jug të Italisë.

Epiqendra e tërmetit ishte në një thellësi prej 2 kilometrash në një kalderë vullkanike (një lloj krateri), 14 kilometra nga Napoli dhe u regjistrua në orën 15:30, shkruan ANSA.

Nuk pati raportime për të lënduar apo dëme në ndërtesa, por tërmeti trazoi banorët e Napolit dhe rajonit përreth.

Tërmetet janë të shpeshta në këtë pjesë të Italisë, pasi zona e Campi Flegrei (Fushat e Flegreit) është aktualisht nën ndikimin e bradyseizmit.

Bradyseizmi është ngritja ose ulja graduale e një pjese të sipërfaqes së Tokës, e shkaktuar nga mbushja ose zbrazja e dhomave nëntokësore të magmës ose nga aktiviteti hidrotermik, veçanërisht në kalderat vullkanike.

Ky proces mund të zgjasë për mijëvjeçarë ndërmjet shpërthimeve dhe çdo lëvizje e tokës zakonisht shoqërohet nga mijëra tërmete të vogla deri në mesatare.

Një tërmet me magnitudë 6.2 goditi pranë bregut të provincës Aceh në Indonezi të premten, sipas agjencisë gjeofizike të vendit.

Tërmeti kishte një thellësi prej 29 kilometrash dhe agjencia tha se nuk kishte mundësi për tsunami

Deri më tani, nuk është raportuar për viktima por vetëm dëme materiale.

Një tërmet është ndjerë në Kosovë para pak minutash.

Ky tërmet është ndjerë në afërsi të kufirit mes Kosovës dhe Maqedonisë së Veriut.

Epiqendra e tërmetit ishte 9 kilometra në juglindje të Kaçanikut, me një thellësi prej 8 kilometrash.

Lëkundjet kanë qenë të lehta, andaj nuk është raportuar për dëme nga ky tërmet.

Irani është goditur këtë të diel nga tërmeti. Sipas mediave iraniane tërmeti ishte me me magnitudë 4.8 gradë të shkallës Rihter.

Ai ka ndodhur në një thellësi prej 11 kilometrash.

Epiqendra e tërmetit ishte afër qytetit Garmsar, në provincën Semnan, por nuk raportohet për dëmtime.

Një tërmet me magnitudë 2.5 ballë të shkallës Rihter ka goditur këtë të shtunë verilindjen e Koresë së Veriut.

Ky tërmet ndodhi afër rrethit Kilyu, ku ndodhet vendi i testimit bërthamor, njoftoi Agjencia Meteorologjike e Koresë së Jugut, duke deklaruar se ishte një tërmet natyror.

Tërmeti ndodhi 37 kilometra në veriperëndim të qarkut Kilyu, në një thellësi prej 17 kilometrash.

Për momentin nuk ka informacione për të lënduar apo dëme të mundshme.

Një tërmet me magnitudë 5.7 ballë të shkallës Rihter goditi këtë të enjte qarkun Yilan në verilindje të ishullit kinez të Tajvanit, njoftoi shërbimi lokal meteorologjik.

Epiqendra e tërmetit ishte në një thellësi prej nëntë kilometrash dhe deri më tani nuk ka raportime për dëme.

Tërmeti është ndjerë edhe në kryeqytetin Taipei, ku janë lëkundur ndërtesat, raporton Reuters.

Tajvani ndodhet pranë kryqëzimit të dy pllakave tektonike dhe i përket zonave të tërmeteve.

Një tërmet me magnitudë 4.1 të shkallës Rihter ka ndodhur në Turqinë perëndimore, i cili është ndjerë edhe në ishujt e Egjeut verilindor.

Thellësia fokale ishte 18 kilometra. Deri më tani nuk raportohet për dëme.

Një tërmet ka goditur mbrëmjen e sotme ishullin e Kretës në Greqi. Tërmeti ka qenë me magnitudë 3.8.

Epiqendra e tërmetit ka qenë 38 kilometra nga Moires, ndërsa thellësia 5 kilometra.

Nuk raportohet për dëme materiale apo lëndime në njerëz.

Ndërkohë që gjatë ditës së sotme në Kretë ka patur disa lëkundje, por me magnitudë të vogël.

Të paktën tetë persona janë lënduar pas një tërmeti të fuqishëm me magnitudë 7.2 ballë që goditi brigjet e Perusë jugor.

Thellësia e tërmetit ishte prej 28 kilometrash, sipas Shërbimit Gjeologjik të Shteteve të Bashkuara (USGC). Tërmeti goditi 8 kilometra në perëndim të Atiquipa, rreth 600 kilometra në jug të kryeqytetit Lima.

Disa banorë të Atiquipa thanë në mediat sociale se ndjenë një tërmet shumë të fortë dhe të gjatë që shkaktoi lëkundjen e shtretërve të tyre.

Nga pamjet e publikuara në internet shihen llambat që lëkunden brenda shtëpive në Lima.