Elbasan, 15 shtator 2025 – Në vijim të veprimeve të Policisë Rrugore për monitorimin dhe garantimin e sigurisë rrugore, Drejtoria Vendore e Policisë Elbasan bën me dije se, pas verifikimeve të kryera mbi tre video të postuara në rrjetet sociale, në të cilat shfaqen gjashtë automjete që kryejnë shkelje të rënda të rregullave të qarkullimit, janë marrë masat e mëposhtme administrative:

🔹 Në aksin Elbasan–Librazhd dhe Elbasan–Peqin, janë ndëshkuar dy drejtues automjetesh me masë administrative 10 000 lekë secili, bazuar në pikat 10 dhe 16 të nenit 146 të Kodit Rrugor, për parakalim të gabuar.

🔹 Në autostradën Tiranë–Elbasan, janë ndëshkuar katër drejtues mjetesh:

Tre drejtues automjetesh që kanë ndjekur ambulancën (e cila ishte me sinjalistikë pamore dhe zanore aktive) për të përfituar përparësi lëvizjeje, janë ndëshkuar secili me masë administrative 80 000 lekë, si dhe me zbritje prej 15 pikësh nga leja e drejtimit, bazuar në pikën 3 të nenit 175 të Kodit Rrugor;

Një drejtues automjeti është ndëshkuar me masë administrative 5 000 lekë, bazuar në pikën 2 të nenit 144 dhe pikën 15 të nenit 146 të Kodit Rrugor, për mosrespektim të sinjalistikës rrugore dhe parakalim të gabuar.

Drejtoria Vendore e Policisë Elbasan

📍Në lidhje me 3 video të postuara në rrjete sociale, në të cilat shfaqen 6 automjete që shkelin rregullat e qarkullimit rrugor, bëjmë me dije se:

Specialistët e Sektorit të Policisë Rrugore kanë kryer veprimet verifikuese dhe kanë ndëshkuar me masa administrative drejtuesit e automjeteve, si më poshtë:

✅Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin “Elbasan- Librazhd”;

✅Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin rrugor “Elbasan-Peqin”.

✅Për sa i përket 4 drejtuesve të automjeteve që kanë kryer shkelje të rregullave të qarkullimit rrugor, në autostradën “Tiranë-Elbasan”:

– janë ndëshkuar secili me masë admninistrative 80 000 lekë dhe me zbritje të 15 pikëve nga leja e drejtimit, bazuar në pikën 3 të nenit 175 të Kodit Rrugor, 3 shtetasit që kanë ndjekur nga pas me automjetet e tyre, ambulancën, e cila është ka përdorur mjetet e sinjalizimit pamor dhe zanor, për të shfrytëzuar përparësinë e lëvizjes;

– është ndëshkuar me masë administrative 5 000 lekë, bazuar në pikën 2 të nenit 144 dhe në pikën 15 të nenit 146 të Kodit Rrugor, drejtuesi i automjetit që nuk ka respektuar sinjalistikën rrugore dhe ka kryer parakalim të gabuar.

Drejtoria Vendore e Policisë Elbasan fton qytetarët që të denoncojnë çdo rast të shkeljes së rregullave të qarkullimit rrugor, në numrin pa pagesë 112, duke i garantuar se reagimi do të jetë i menjëhershëm dhe sipas ligjit.

Një aksident i rëndë ndodhi mbrëmjen e sotme në aksin Krumë-Golaj, ku dy automjete janë përplasur me njëra-tjetrën, duke lënë pas një viktimë dhe dy të plagosur.

Ngjarja ka ndodhur rreth orës 19:50, kur një automjet tip “Benz” i drejtuar nga shtetasi N. L., është përplasur me një tjetër “Benz” që drejtohej nga shtetasi N. S., me pasagjer Z. N.

Drejtuesi i mjetit të dytë, shtetasi N. S., ka ndërruar jetë në vendin e ngjarjes, ndërsa dy të tjerët, N. L. dhe Z. N., janë dërguar me urgjencë në spital ku po marrin ndihmën mjekësore. Fatmirësisht, ata ndodhen jashtë rrezikut për jetën.

Njoftimi i policisë:

Krumë/Informacion paraprak

Rreth orës 19:50, në aksin rrugor Krumë-Golaj, shtetasi N. L., duke drejtuar automjetin tip “Benz”, është përplasur me automjetin tip “Benz”, me drejtues shtetasin N. S., dhe pasagjer shtetasin Z. N.