BERAT- Një aksident rrugor është regjistruar pasditen e sotme në rrugën hyrëse të Fier-Sheganit, në aksin nacional Lushnjë–Berat. Nga të dhënat e para, mësohet se një automjet tip “Toyota”, me drejtues A. G., rreth të 30-tave, ka dalë nga rruga në një kthesë për shkak të shpejtësisë së lartë.

Shoferi është nxjerrë nga automjeti dhe është transportuar me urgjencë në spitalin e Lushnjës, ku ndodhet nën kujdesin e mjekëve. Në vendngjarje kanë mbërritur forcat e Policisë Rrugore dhe zjarrfikësit e Lushnjës, megjithatë ndërhyrja e këtyre të fundit nuk ka qenë e nevojshme.

Policia ka nisur hetimet për zbardhjen e plotë të rrethanave të aksidentit dhe po punon për disiplinimin e trafikut në zonë.

“Një Shtetas që jetonte në Tiranë ndalohet sot në Qafën e Muzinës, pasi drejtonte mjetin në gjendje të dehur”

Shtetasi, identifikuar si A.R., banues në Tiranë, u kap në aksin rrugor Jorgucat – Qafa e Muzinës duke drejtuar makinën në gjendje të dehur.

Pasi iu bë testi i alkoolit, rezultoi se ky shtetas po ngiste makinën në gjendje të dehur. Policia e kaloi materialet në Prokurorinë e Gjirokastrës për veprime të mëtejshme.

POLICIA E SHTETIT 

Specialistët e Sektorit të Policisë Rrugore referuan materialet në Prokurori, ku nisi procedimi penal për shtetasin A. R., 68 vjeç, banues në Tiranë, pasi u kap në aksin rrugor “Jorgucat-Qafa e Muzinës”, duke drejtuar automjetin, në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Një automjet është përfshirë nga flakët në aksin rrugor Kuç-Qeparo.

Automjeti ka qenë në lëvizje në momentin që është përfshirë nga flakët, duke u djegur plotësisht.

Drejtuesi i mjetit është lënduar lehtë në dorë, dyshohet se shkak ka qenë një shkëndijë elektrike në motorin e makinës.

GREQI- Biznesmeni Bashkim Sulkaj, 66 vjec, lindur në Fier dhe banues në Tiranë dhe shoferi i tij Astrit Delilaj, 67 vjec, janë dy shqiptarët e arrestuar nga policia greke në një operacion të shtrirë në gjithë Greqinë kundër kontrabandës në naftës. Mediat fqinje shkruajnë se policia greke ka nisur bashkëpunimin edhe me autoritetet shqiptare për të zbuluar lidhjet e këtij rrjeti edhe në vendin tonë.

Biznesmeni Sulkaj rezulton pronar karburantesh në Maliq dhe Tiranë, ndërkohë që përmes dokumentave greke, është banues edhe në Selanik. Sipas dosjes hetimore, që nga fillimi i vitit 2025, greku Thomas Stefanakos, formoi dhe drejtoi një organizatë kriminale, të ndarë në dy nënsektorë, të drejtuar nga Bashkim Sulkaj dhe Mario Koutoula. Kjo organizatë bashkëpunonte me persona ende të paidentifikuar në Shqipëri, Bullgari e Poloni.

Nga kontrollet fizike dhe kontrollet e kryera në shtëpi, pika karburanti dhe automjete, në zona të ndryshme të territorit, ndër të tjera, u gjetën dhe sekuestruan:

• 154,037 litra naftë detare,

• 88,760 litra naftë,

• 3,500 litra naftë,

• 4,480 litra karburant të panjohur që do të identifikohen nga Laboratori Kimik Shtetëror,

• shuma prej 800,000 eurosh,

• softuer në stacionet e benzinës që ndërhynte në sistemin e hyrje-daljeve,

• 10 rezervuarë paletash,

• pistoletë dhe 46 fishekë,

• 5 makina private dhe 2 motoçikleta,

• furgon,

• 15 kamionë të madhësive të ndryshme,

• 10 rimorkio,

• numri i dokumenteve dhe

• një mori telefonash celularë.

Gjatë hetimit u zbulua se prej fillimit të vitit 2025, organizata ka fituar rreth 3.000.000 euro, duke marrë parasysh sasitë e karburantit të kontrabanduar dhe të falsifikuar dhe ndërhyrjen-ndryshimin e pajisjeve matëse në sistemin hyrës-dalës në një përqindje të zgjedhjes së tyre.

Sipas dosjes hetimore, mes të tjerash zbulohet edhe kontrabanda e karburantit përmes doganës së Kapshticës.

“Blerja – furnizimi sistematik i sasive të mëdha të benzinës pa plumb (gjithsej 38 raste furnizimi), ku që nga fillimi i vitit 2025, të paktën kur identifikohet aktiviteti i organizatës, sasia totale e tregtuar arriti në 1.338.809.5 litra të produktit të mësipërm, ndërsa më 02.09.2025 kishte gjithsej 5 deklarata eksporti të hapura dhe një sasi totale të benzinës pa plumb prej 176,849.89 litra (130,836 kilogramë) qoftë nga kompania rumune “ROMPETROL RAFINARE S.A.” qoftë nga kompania bullgare “SAKSA -OOD”, pa gjetur stoqet ekuivalente gjatë hetimeve të kryera më 02/09/2025 (duke përforcuar gjetjet se sasia e lartpërmendur ishte shpërndarë tashmë tek anëtarët e bërthamës qendrore të organizatës) transporti në vendin tonë duke përdorur automjete cisternë, të cilat ishin në pronësi, sipas rastit, të kompanisë vendase me emrin “AMELA DEVELOPMENT AND MANAGEMENT OF REAL ESTATE TRADE PETROLEUM S.A.”, me aktivitet transporti të produkteve të naftës me automjete cisternë, me një shofer jo-pronar të menaxhuar nga Bashkim Sulkaj, i cili është Presidenti dhe Drejtori Menaxhues i personit juridik të lartpërmendur), si dhe për një kompani shqiptare [rimorkio me targë AB2130J dhe rimorkio me targë AAR084 – autocisternë me karburant të lëngshëm me ngarkesë 32720], duke deklaruar në mënyrë të rreme në deklaratat e eksportit dhe në dokumentet shoqëruese (faturat dhe fletëngarkesat) tek autoritetet doganore rumune dhe bullgare [Dogana e Eksportit – Dogana e Sofjes]. (Sofje-Žapad) në Bullgari dhe Dogana Vama Veche (Vama Veche Negru Voda) në Rumani], si dhe autoriteteve doganore vendase (Dogana Dalëse – Dogana Krystallopigi (Kapshticë) – se destinacioni – marrësi i produkteve dyshohet se ishte një kompani shqiptare (“JAMB SH.A”), me të cilën u konstatua se personi i lartpërmendur ishte i lidhur. Koncepti i deklaratës së rreme konsiston në faktin se përfundimi i eksporteve është kryer me pretekst, pasi, në mënyrë metodike dhe sipas udhëzimeve të Bashkim Sulkaj, cisternat e përdorura për këtë qëllim, me shoferët e tyre Georgios Karakatsidi dhe Astrit Delilaj, kanë kaluar nëpër Doganën e Kristallopigisë (Kapshticë), të ngarkuara me produkte energjitike (ndoshta lëngje, me emrin “OLIO LUBRIFICANTE 70N” dhe numër tarifor 27101999″), pra të një kategorie dhe lloji tarifor të ndryshëm nga ngarkesa e deklaruar në deklaratën përkatëse të eksportit (këto janë produkte që nuk i nënshtrohen akcizës). Në veçanti, për mbylljen e eksporteve në lidhje me sasitë e benzinës pa plumb, në vend të eksportimit të sasisë së produktit të lartpërmendur të treguar në secilën deklaratë, janë eksportuar sasi lëngjesh (vajra nafte) që vinin nga një kompani furnizuese me seli në Itali, e cila dyshohet në mënyrë të arsyeshme të jetë “KAPPA GROUP SRL” dhe marrësi ishte kompania greke. “AMELA REAL ESTATE DEVELOPMENT AND MANAGEMENT PETROLEUM TRADE S.A.”.

Prandaj, megjithëse ngarkesat me lëngun e mësipërm ishin të destinuara për shpërndarje në tregun grek, ato në fund u transportuan në Shqipëri, duke deklaruar në mënyrë të rreme se ishte benzinë ​​pa plumb, ndërsa vlen të përmendet se kompania vendase e lartpërmendur nuk deklaroi pranë autoriteteve tatimore greke sasitë përkatëse të produkteve të blera nga kompania italiane, e aq më pak se ato do të eksportoheshin në Shqipëri.

Një aksident i frikshëm ka ndodhur mbrëmjen e sotme në zonën e Trenit në Tiranë.

Një automjet me targa të huaja ka humbur kontrollin dhe është përplasur me barrierat ndarëse të rrugës, duke marrë përpara edhe një pemë.

Pas aksidentit që dyshohet se është shkaktuar si pasojë e shpejtësisë së lartë, drejtuesi i mjetit është larguar nga vendi i ngjarjes, por policia e ka identifikuar pasi i ka rënë targa.

Për fat të mirë nuk ka pasur të lënduar, ndërsa zona ku ka ndodhur aksidenti ka qenë fare pranë vijave të bardha e po ashtu me lëvizje të lartë automjetesh.

lbasan, 2 qershor 2025 – Drejtoria Vendore e Policisë Elbasan ka reaguar pas publikimit të një videoje në rrjetet sociale, ku një automjet shfaqet duke kryer një parakalim të rrezikshëm në kushte me fushëpamje të kufizuar, si dhe duke injoruar sinjalin ndalues të semaforit në aksin rrugor “Librazhd-Elbasan”.

Pas verifikimeve, specialistët e Sektorit të Policisë Rrugore kanë identifikuar drejtuesin e mjetit, shtetasin A. L., ndaj të cilit është vendosur një masë administrative në vlerën 35 000 lekë të rinj. Masa është vendosur në bazë të pikave 16 dhe 10 të nenit 146, pikës 3 të nenit 144, dhe pikës 5 të nenit 198 të Kodit Rrugor.

Policia e Elbasanit ka përsëritur thirrjen për qytetarët që të denoncojnë çdo shkelje të rregullave të qarkullimit rrugor në numrin 112 apo përmes Komisariatit Dixhital, duke garantuar ndërhyrje të menjëhershme dhe konform ligjit për rritjen e sigurisë rrugore.

Reagim i Drejtorisë Vendore të Policisë Elbasan

Në lidhje me një video të postuar në rrjete sociale, ku shfaqet 1 automjet i cili kryen parakalim të gabuar në kushtet e fushëpamjes së kufizuar dhe vazhdon lëvizjen ndonëse sinjali i semaforit i’a ndalon këtë lëvizje, në aksin rrugor “Librazhd-Elbasan”, ju informojmë se:

Specialistët e Sektorit të Policisë Rrugore kanë identifikuar drejtuesin e automjetit shtetasin, A. L., dhe kanë vendosur ndaj tij, masën administrative 35 000 lekë të rinj, bazuar në pikat 16 dhe 10 të nenit 146, në pikën 3 të nenit 144 dhe në pikën 5 të nenit 198 të Kodit Rrugor.

Drejtoria Vendore e Policisë Elbasan fton qytetarët që të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.

Një automjet është përfshirë nga flakët pasditen e sotme në afërsi të Torrës Veneciane, në qytetin e Durrësit.

Ngjarja ka ndodhur rreth orës 17:15, ndërsa mjeti ishte në lëvizje. Sipas burimeve nga vendngjarja, automjeti ishte i pajisur me sistem benzinë-gaz dhe dyshohet se zjarri është shkaktuar nga një defekt teknik.

Drejtuesi i mjetit ka arritur të largohet në kohë nga automjeti, ku më pas ka marrë edhe ndihmën e parë mjekësore sepse pati disa djegie të lehta. Në vendngjarje kanë ndërhyrë forcat zjarrfikëse dhe Policia Bashkiake, të cilat kanë vendosur perimetrin e sigurisë dhe kanë bërë të mundur shuarjen e flakëve.

Një aksident mes dy automjeteve në lagjen 13, Plazhi i Durrësit, ka përfunduar në një përleshje të dhunshme.

Një Audi me targa gjermane, ku ndodhej një familje shqiptare emigrante, është përplasur me një Volkswagen me targa shqiptare. Pas debatit mes drejtuesve të mjeteve, situata ka dalë jashtë kontrollit, kur një grup të rinjsh kanë ndërhyrë dhe kanë sulmuar shoferin e Audi-t

Një aksident ka ndodhur në Maliq në afërsi të fshatit Libonik, kur drejtuesi i një automjeti ka humbur kontrollin dhe ka përfunduar në një kanal pranë aksit nacional Korçë-Maliq.

Në momentin e aksidentit, në mjetin tip Volkswagen ishin dhe dy pasagjerë, të cilët janë lënduar si pasojë e përplasjes.

Policia, zjarrfikësja dhe grupi hetimor kanë mbërritur menjëherë në vendin e ngjarjes për të ofruar ndihmën e nevojshme dhe për të hetuar shkaqet e aksidentit.

Një aksident është shënuar pasditen e sotme në rrugën në segmentin Qafë e Buallit-Vajkal në vendin e quajtur mbikalimi që lidh dy lagjet e qytetit të Bulqizës, ku një drejtuesi i makinës tip Tuaran ka humbur kontrollin duke u përplasur në kolonën e urës.

Si pasojë e përplasjes drejtuesi i mjetit ka marrë plagë të rënda.

Menjëherë në vendngjarje ka shkuar policia dhe ambulanca, të cilët kanë bërë te mundur dërgimin e të plagosurit drejt spitalit të Bulqizës i cili po merr mjekim.

Ndërkohë, policia ka nisur hetimet rreth shkaqeve të aksidentit.

Paraprakisht mendohet se shkak i aksidenti dyshohet shpejtësia, por jo vetëm, pasi një pistë tjetër është edhe ngricat në rrugë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.