Dy adoleshentë në Krujë, të cilët dyshohet se kanë qëlluar me armë në drejtim të një 27-vjeçari, janë shpallur në kërkim nga policia.

Ka qenë vetë 27-vjeçari, i cili kallëzoi në Policinë e Krujës se një 17-vjeçar dhe një 18-vjeçar qëlluan me armë zjarri në drejtim të tij pas një sherri. Por fatmirësisht nuk pati të dëmtuar nga kjo ngjarje.

Njoftimi i Policisë:

Specialistët për Hetimin e Krimeve të Komisariatit të Policisë Krujë shpallën në kërkim 2 shtetas të moshave 17 vjeç dhe 18 vjeç, pasi ka kallëzuar një 27-vjeçar, se për motive të dobëta, kanë qëlluar në drejtim të tij, me armë zjarri, por pa shkaktuar dëmtime.

Punohet për kapjen e 2 shtetasve, si dhe për verifikimin e kallëzimit dhe rrethanave të tjera të rastit.

Policia e Durrësit ka identifikuar dhe shpallur në kërkim dy persona në lidhje me atentatin ndaj 29 vjeçarit Ermir Dedja.

Burime nga grupi i hetimit konfirmojnë për mediat se hetimet po ecin në rrugën e duhur për zbardhjen e ngjarjes dhe identifikimin e personave të përfshirë në atentat.

Të njëjtat burime nga grupi i hetimit bëjnë me dije se dy personat e identifikuar dhe të shpallur në kërkim janë persona që kanë ndihmuar autorët për krijimin e infrastrukturës.

Mësohet se personat e shpallur në kërkim kanë siguruar automjetin dhe kanë bashkëpunuar ngushtë me ekzekutorët të cilët mendohet të kenë qenë dy persona të tjerë.

Ndërkohë, ekspertët e kriminalistikës kanë arritur të gjejnë prova dhe i kanë dërguar në laboratorin e kriminalistikës dhe presin rezultatet e analizave.

Për shkak të angazhimit intensiv të 29-vjecarit në aktivitete të ndryshme kriminale përgjatë viteve të fundit, policia ka ngritur disa pista hetimi të cilat janë bërë shkak për ekzekutimin e Ermir Dedjas, personazh i njohur jo vetëm për policine lokale.

Ermir Dedja u qëllua për vdekje në orët e vona të mbremjes së ditës së hënë, teksa ndodhej nën shoqërinë e dy personave të tjerë. Ai mori një plumb në gjoks çka i shkaktoi vdekjen e menjëhershme.

Gjykata Kushtetuese ka marrë sot vendimin për kërkesën e kreut të Partisë Demokratike Sali Berisha për shfuqizimin e masës së dhënë nga SPAK.

Gjykata Kushtetuese ka vendosur që të pranojë pjesërisht kërkesën e Berishës, duke shfuqizuar masën e SPAK për ndalim të daljes jashtë vendit, ndërsa ka lënë në fuqi masën e detyrimit me paraqitje.

Berisha kërkoi shpalljen antikushtetues të vendimit për masën e ndalimit ndaj tij, me pretendimin se SPAK kishte shmangur Kuvendin e Shqipërisë, për shkak se si deputeti ai gëzon imunitet.

Por sipas Gjykatës Kushtetuese, autorizimi i Prokurorisë së Posaçme nga Kuvendi nuk ka qenë i nevojshëm dhe nuk cënon të drejtat kushtetuese.

Kushtetuesja, megjithatë, shfuqizoi vendimin e GJKKO për “ndalimin e daljes jashtë vendit”, që ka të bëjë me sekuestrimin e pasaportës.

Kështu, Berisha do të vijojë të qëndrojë nën masën “arrest në shtëpi”.

Policia e Tiranës ka proceduar në gjendje të lirë disa persona, ndërsa ka shpallur në kërkim dy të rinj, të cilët akuzohen se janë përfshirë në një sherr të dhunshëm. Ngjarja ndodhi në rrugën “Çelo Ibraj”.

“U arrestua shtetasi E. (E.) L. (C.), 47 vjeç, u proceduan në gjendje të lirë shtetasit A. C., 33 vjeç, H. C., 61 vjeç, dhe K. E., 29 vjeç, dhe po punohet për kapjen e shtetasve A. C., 23 vjeç, dhe K. C., 26 vjeç, të gjithë banues në Tiranë.

Ministria e Punëve të Brendshme të Rusisë ka vendosur në listën e të kërkuarve, presidentin ukrainas Volodymyr Zelensky.

Sipas Ria Novosti, Zelensky është vënë në listën e të kërkuarve të Moskës sipas një neni të kodit penal.

Vepra për të cilën ai është në kërkim nuk është bërë ende e ditur.

Gjithashtu mësohet se në listën e të kërkuarve të ministrisë së brendshme të Rusisë, është dhe i

Përveç presidentit Volodymyr Zelenskyt, ministria e Brendshme ruse ka vendosur në listën e të kërkuarve edhe ish-presidentin ukrainas Petro Porshenko, bën me dije agjencia mediatike “Ria Novosti”.