Një video e siguruar nga gazetarja e Top Channel, Bruna Kërçyku, tregon momentin kur banorët e fshatit Skënderbegas përballen me momente tmerri teksa zjarri u afrohej banesave.

Situata alarmoi edhe ekipet e zjarrfikësve.

“Hajde ikim, do digjemi”, shprehet një nga zjarrfikësit.

Ndërkohë, në zonë dëgjohen shpërthime predhash si pasojë e flakëve që përfshinë malin.

Situata në njësinë Skënderbegas të Gramshit vijon të jetë e rënduar si pasojë e zjarrit që kalon nga fshati në fshat.

39 banesa u shkrumbuan, sipërfaqe të mëdha me pyje e shkurre, por edhe dhjetëra bagëti që mbetën të rrethuara nga flakët.

Në mesditë flakët kanë hyrë në fshatin e tetë të kësaj njësie.

Për shuarjen e tij po punojnë më shumë se 350 efektivë të ndihmuar edhe nga ajri me helikopter.

Pas reshjeve të shiut, kushtet atmosferike në Paris kanë ndryshuar totalisht.

Autoritetet në kryeqytetin francez janë vënë në alarm, sepse temperaturat janë rritur, duke arritur deri në 36 gradë dhe kanë shkaktuar një valë të fort të nxehti.

Temperaturat kaq të larta rrezikojnë të ndikojnë në paraqitjen e atletëve më të mirë në botë, që po konkurrojnë në Lojërat Olimpike, por edhe te njerëzit në rrugët e Parisit.

Organizatorët e eventit njoftuan se janë ndërtuar 1,200 shatërvanë apo çezma nëpër qytet, për të ndihmuar spektatorët dhe turistët që të përballojnë sa më mirë të nxehtin dhe të qëndrojnë të hidratuar.

Përshkallëzohen tensionet në protestën para bashkisë.

Protestuesit kanë hedhur molotovë para derës së godinës, duke bërë që vendi të përfshihet nga flakët dhe tymi.

Më herët, policia njoftoi se ka vënë në pranga dy persona që ishin shpallur në kërkim në lidhje me protestën së opozitës javën e kaluar para bashkisë Tiranë.

Ata akuzohen për hedhjen e molotovëve.