16 persona të zhdukur pas një shpërthimi të madh në një fabrikë municionesh në Tenesi të premten dyshohet të jenë të vdekur, sipas policisë.

Ekipet e shpëtimit kishin shpresuar të gjenin ndonjë nga të zhdukurit gjallë, por që nga mbrëmja e së shtunës “është e sigurt” të supozohet se ata kanë vdekur, tha Sherifi i Qarkut Humphreys, Chris Davis.

Autoritetet fillimisht kishin frikë se 18 persona kishin vdekur, por dy persona që besohet se ishin të pranishëm gjatë shpërthimit në fakt nuk ishin në vendngjarje dhe janë gjetur, sipas Davis.

Ende është e paqartë se çfarë e shkaktoi shpërthimin në uzinën e eksplozivëve në Bucksnort, Tennessee – afërsisht 90 km në jugperëndim të Nashville.

Një shpërthim i fuqishëm, i shkaktuar nga rrjedhje gazi, ka ndodhur sot në një bar në zonën Puente de Vallecas të Madridit, duke lënë të paktën 25 persona të plagosur, tre prej të cilëve në gjendje të rëndë.

Ngjarja ndodhi në rrugën Manuel Maroto dhe goditi si ndërtesën e banimit që ndodhej mbi lokalin, ashtu edhe barin “Mis Tesoros” ngjitur me të.

Menjëherë pas shpërthimit, në vendngjarje mbërritën ekipe të zjarrfikësve dhe ambulanca për të transportuar të plagosurit në spitalet më të afërta.

Policia ka rrethuar zonën dhe ka bllokuar qarkullimin në rrugët përreth, ndërsa zjarrfikësit vijojnë me pastrimin e rrënojave dhe hetimin për shkaqet e sakta të shpërthimit.

Autoritetet ruse kanë ngritur akuza për terrorizëm ndaj një personi që e përshkruajnë si “agjent të shërbimeve speciale ukrainase”, pas arrestimit të tij në lidhje me shpërthimin e makinës që vrau gjeneralin rus, Yaroslav Moskalik, të premten e kaluar në Balashikha, afër Moskës.

Raportohet se Kuzin është rekrutuar nga Shërbimi i Sigurisë së Ukrainës (SBU) dhe ka rrëfyer përfshirjen në atentatin ndaj gjeneral Moskalik. Sipas të njëjtave burime, ai do të shpërblehej me 18 mijë dollarë për misionin që dyshohet se është planifikuar që në shtator 2024.

Ky incident pason një tjetër atentat të profilit të lartë: vdekjen e gjenerallejtënant Igor Kirillov në dhjetor të vitit të kaluar, pasi një pajisje shpërthyese e vendosur në një skuter elektrik shpërtheu pranë banesës së tij. Gjenerali Yaroslav Moskalik ishte zëvendëskryetar i departamentit kryesor operacional në Shtabin e Përgjithshëm të Ushtrisë Ruse.

Ai humbi jetën pasi një mjet i llojit Volkswagen Golf shpërtheu në një zonë banimi në Balashikha, rreth 30 kilometra nga qendra e Moskës. Hetimet nga Komiteti Hetimor Rus janë ende në vijim për të përcaktuar rrethanat e plota të sulmit. Ndërkohë, autoritetet ukrainase nuk kanë komentuar mbi ngjarjen.

LEZHË- Lagjia “Besëlidhja” në Lezhë është tronditur në orët e para të ditës së sotme nga një shpërthim me eksploziv. Persona ende të paidentifikuar kanë hedhur lëndë plasëse para derës së lokalit të mbyllur të lokalit në pronësi të 47-vjeçarit, Ilir Markvukaj.

Fatmirësisht nuk ka pasur persona të lënduar, vetëm dëme materiale. Policia po punon për zbardhjen e rrethanave të ngjarjes, identifikimin dhe kapjen e autorit/ve.

“Rreth orës 03:00, të mëngjesit të sotëm, në qytetin e Lezhës, para derës së lokalit të mbyllur, të shtetasit I. M., 47 vjeç, është hedhur lëndë plasëse dhe për pasojë janë shkaktuar dëme materiale.

Grupi hetimor nën drejtimin e Prokurorisë vijon punën për zbardhjen e rrethanave të ngjarjes, identifikimin dhe kapjen e autorit/ve”, thuhet në njoftim.

Për shkak të aktivitetit shpërthyes të vullkanit Etna, kompania e menaxhimit të aeroportit të Katanias njofton se ka urdhëruar mbylljen e hapësirave që korrespondojnë me renë ajrore të vullkanit deri në orën 19:30.

Për shkak të tymit vullkanik në atmosferë, aktivitetet e fluturimit që mbërrijnë në aeroportin e Katania janë pezulluar deri në orën 22:30.

Mediat e huaja raportojnë se se aeroporti Comiso është funksional pasi ishte i mbyllur për shkak të erërave të forta.

Ministrja e Ekonomisë e Kosovës, Artane Rizvanolli, tha të shtunën se është siguruar furnizimi i rregullt me energji elektrike për vendin dhe ngrohje qendrore për qytetarët e kryeqytetit, Prishtinë, pas sulmit ndaj kanalit të ujit të Ibër-Lepencit në veri të vendit.

Një shpërthim mbrëmjen e së premtes i shkaktoi dëme të konsiderueshme kanalit të ujit të Ibër-Lepencit në fshatin Varragë të komunës së Zubin Potokut, duke rrezikuar furnizimin me ujë dhe rrymë në vend.

Nga ky kanal furnizohen me ujë disa qytete të vendit përmes Liqenit të Ujmanit, si dhe Korporata Energjetike e Kosovës për ftohjen e termoelektranave të saj.

“Ibër-Lepenci, rreth orës 02:00 pas mesnate, në një afat rekord, ka vendosur gjashtë tuba të përkohshme me kapacitet të mjaftueshëm për të siguruar ujë për ftohjen e termocentralit ‘Kosova B’. Kësisoj, presim që furnizimi me energji elektrike të vazhdojë i pacenuar”, tha Rizvanolli në një postim në Facebook të shtunën në mëngjes.

Ajo tha se pas një mbledhjeje të jashtëzakonshme të Këshillit të Sigurisë së Kosovës, është marrë vendim po ashtu që autoritetet e vendit të bashkërendohen me Korporatën Energjetike të Shqipërisë për të siguruar energji shtesë për të evituar reduktime eventuale.

Rizvanolli shtoi se “nga ky akt terrorist” është ndikuar edhe furnizimi me ujë.

“Përderisa në Prishtinë furnizimi me ujë do të kompensohet nga Badovci dhe Batllava, furnizimi në Fushë Kosovë, Drenas dhe rajonin e Mitrovicës do të sigurohet përmes autobotëve, duke nisur nga mëngjesi i sotëm”, tregoi ajo.

Shpërthimi në Ibër-Lepenc nuk ka shkaktuar viktima, sipas autoriteteve të Kosovës.

Kryeministri i Kosovës, Albin Kurti, e ka akuzuar fqinjin verior të Kosovës, Serbinë, për “sulm kriminal dhe terrorist”, i cili, sipas tij, ka synuar “ta dëmtojë infrastrukturën mbase më të rëndësishme” të vendit.

Shpërthimi u dënua edhe nga përfaqësues ndërkombëtarë në Kosovë.

Sulmi ndaj Ibër-Lepencit ishte i treti brenda 72 orëve të fundit në veri të vendit, i banuar me shumicë serbe, pas shpërthimeve që ndodhën në një stacion policor dhe në ndërtesën e Komunës në Zveçan.

Pas këtyre sulmeve, Policia e Kosovës tha të premten se ka shtuar masat e sigurisë në Kosovë, përfshirë në pjesën veriore të shtetit, ku ditëve të fundit kanë ndodhur “disa sulme apo incidente serioze kriminale”./REL

Të gjitha fluturimet janë anuluar ose devijuar drejt aeroporteve të tjera në Siçili në festën e Ferragosto të Italisë.

Udhëtimi për në dhe nga ishulli italian i Siçilisë është aktualisht i ndërprerë për shkak të një shpërthimi vullkanik që ndodhi gjatë natës.

Aeroporti ndërkombëtar i Katanias mbetet i mbyllur të enjten më 15 gusht, me të gjitha mbërritjet dhe nisjet të pezulluara pasi mali Etna nxori tym në ajër. Hiri vullkanik ndikon në dukshmërinë e pilotëve.

Vlerësohet se operacionet do të rifillojnë rreth orës 18:00, por pasagjerët janë këshilluar të kontrollojnë statusin e tyre të fluturimit përpara se të largohen nga shtëpia.

Ndërprerja vjen në një nga ditët më të ngarkuara për udhëtime pasi Italia feston festën e saj më të madhe kombëtare, Ferragosto .

Qytetet aty pranë janë mbuluar gjithashtu nga hiri i zi vullkanik pasi krateri Voragine filloi të shpërthejë mbrëmë. Një shpërthim i mëparshëm ndodhi dy javë më parë më 4 gusht.

Catania ndodhet në bregun lindor të Siçilisë dhe rrëzë malit Etna, vullkani më aktiv i Evropës.

Policia ka identifikuar një prej autorëve të hedhjes së tritolit në derën e banesës së Robert Gera dhe Erdi Kraja në Shkodër, ngjarje e ndodhur në orët e para të mëngjesit të së dielës.

Përmes një njoftimi, policia thotë se po vijon punën për kapjen e tij.

Grupi hetimor në bashkëpunim me Prokurorinë është duke punuar intensivisht për zbardhjen e plotë dhe dokumentimin ligjor të këtij rasti si dhe për identifikimin dhe kapjen e personave të tjerë të përfshirë në këtë ngjarje.

Sipas informacioneve të para, është hedhur një sasi e vogël lëndë plasëse duke shkaktuar vetëm dëme materiale.

Njoftimi i Policisë:

Policia identifikon dhe vijon punën për kapjen e njërit prej autorëve të dyshuar të hedhjes se një sasie të vogël lëndë plasëse pranë derës së banesës të shtetasit R. G, në orët e para të mëngjesit të sotëm.

Në lidhje me ngjarjen e ndodhur në orët e para të mengjesit ku shtetas të paidentifikuar, hodhën në derën e banesës se një shtetasi një sasi të vogël lëndë plasëse dhe si pasojë ka shkaktuar vetëm dëme materiale, grupi hetimor nën drejtimin e Prokurorisë ka vijuar intensivisht hetimet me qëllim zbardhjen e ngjarjes, identifikimin dhe kapjen e autorve.

Si rezultat i veprimeve të shpejta hetimore Policia ka bërë të mundur identifikimin e njërit prej autorëve të dyshuar të kësaj ngjarje, konkretisht shtetasin L. M., dhe vijon puna për kapjen e tij.

Grupi hetimor në bashkëpunim me Prokurorinë është duke punuar intensivisht për zbardhjen e plotë dhe dokumentimin ligjor të këtij rasti si dhe për identifikimin dhe kapjen e personave të tjerë të përfshirë në këtë ngjarje.

Shpërthimi me tritol në derën e banesës sipas motrave Nikolli është bërë me urdhër të Nuredin Dumanit. Nga shpërthimi mbeti i plagosur rëndë fqinji i tyre, Enea Thomarai, që aktualisht ndodhet në gjendje kome. SPAK tërheq dosjen e shpërthimit të kryer në banesën ku jetonin me qira dy motrat Alda dhe Xhovana Nikolli.

Sipas burimeve të siguruara nga gazetarja Anila Hoxha çështja që ishte regjistruar pranë Prokurorisë së Elbasanit për plagosje të rëndë, posedim eksplozivi etj., do t’i bashkohet të njëjtit hetim ku i penduar është Nuredin Dumani.

Alda Nikolli deklaroi në SPAK se kishte lidhje me Nuredin Dumanin prej disa kohësh, duke treguar se kishin komunikim të vazhdueshëm online nga qelia, e po ashtu ka rrëfyer edhe të tjera detaje që i dënuari i drejtësisë i ka thënë në komunikimet private, sipas pretendimeve të saj. Shpërthimi me tritol në derën e banesës sipas motrave Nikolli është bërë me urdhër të Nuredin Dumanit. Nga shpërthimi mbeti i plagosur rëndë fqinji i tyre, Enea Thomarai, që aktualisht ndodhet në gjendje kome

Shpërthimi i cili ndodhur ditën e stome në Gramsh ku dyshohet se një tritol shpërtheu një makinë ku ishin dy vëllezër që janë drejt Traumës, është ndjenë edhe në zonën përreth.

Gjitjashtu shpërthimi ka qenë i fortë dhe ka dëmtuar xhama banesash dhe xhamat e makinave që kanë qenë pranë. Sakq policia po heton për shkaqet e shpërthimit.