Drejtori i Përgjithshëm i Policisë së Shtetit, Ilir Proda, i ka akorduar Certifikatën për Shërbime të Dalluara inspektorit të Policisë Rrugore, Klajdi Mustaj, për veprimin e tij të shpejtë dhe heroik në ndihmën e tre qytetarëve të plagosur pas një aksidenti në rrugën Levan-Fier.

Në një reagim zyrtar, Proda theksoi se “Veprimi i Inspektor Klajdi Mustaj tregon më së miri misionin e Policisë së Shtetit: të jemi aty ku qytetarët kanë më shumë nevojë për ne. Guximi, profesionalizmi dhe reagimi i shpejtë i punonjësit tonë në shpëtimin e tre bashkëqytetarëve është shembull frymëzues për të gjithë trupën policore. I shpreh mirënjohjen time dhe të gjithë Policisë së Shtetit për këtë akt human e profesional. Faleminderit për guximin dhe zemrën e madhe që tregove në shërbim të qytetarëve”.

Ngjarja ndodhi kur një makinë u përplas me një pishë anës rrugës, u përmbys dhe shpërtheu në flakë. Pa pritur mbërritjen e shërbimeve zjarrfikëse, inspektori Mustaj ndërhyri menjëherë dhe arriti të nxjerrë të plagosurit nga makina në flakë, duke shmangur një tragjedi të madhe.

Klajdi Mustaj është pjesë e Policisë së Shtetit që nga shkurti i vitit 2024, pasi përfundoi Kolegjin Profesional për Patrullë të Përgjithshme. Veprimi i tij është shembull i qartë i përkushtimit dhe gatishmërisë së policisë në mbrojtje të jetës dhe sigurisë së qytetarëve.

Dy ngjarje të rënda janë raportuar nga Policia e Tiranës, ku në njërën, një 54-vjeçar është hedhur nga kati i nëntë i pallatit ku banonte, ndërsa në tjetrën një 42-vjeçar ka kërcënuar se do të hidhej nga Piramida e kryeqytetit.

Sipas policisë së Tiranës, ngjarja e parë ka ndodhur në rrugën “Hamdi Sulçebe”, ku 54-vjeçari, sipas dyshimeve të para, është vetëhedhur nga kati i nëntë i pallatit ku banonte.

Ai është dërguar menjëherë në spital dhe aktualisht ndodhet nën kujdesin e mjekëve, por ende nuk bëhet e ditur gjendja e tij shëndetësore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një operacion i forcave RENEA në Shkodër, i realizuar për të gjetur dhe arrestuar Eljon Haton, ka dështuar përsëri.

Hato, i shpallur në kërkim që prej vitit 2023 në kuadër të dosjes “Metamorfoza”, nuk u gjet gjatë kontrollove të shumta që u kryen në zonën e rrethinave të Shkodrës gjatë orëve të mbrëmjes.

Gjatë operacionit janë shoqëruar 5-6 persona për t’u marrë në pyetje, përfshirë edhe vëllain e Eljon Hatos. Edhe më herët, RENEA ka realizuar operacione të ngjashme në Shkodër dhe Tiranë për të arrestuar Haton, por pa sukses. Nuk dihet ende nëse operacioni është dekonspiruar, apo nëse Hato nuk ka qenë në shtëpi gjatë kontrolleve.

Policia shpëton një të moshuar që u hodh nga ura në lumin Bunë për tu vetëmbytur në Shkodër.

Patrulla e Përgjithshme e Komisariatit të Policisë Shkodër gjatë patrullimit në territor, falë ndërhyrjes në kohë, ka shpëtuar një shtetas i cili u hodh nga ura e lumit Buna për tu vetëmbytur.

Punonjësit e Policisë kanë hyrë në lumin Buna dhe kanë nxjerrë shtetasin B. G, 75 vjeç, duke e dërguar në spitalin Rajonal Shkodër, për të marrë asistencën e nevojshme mjekësore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Njësia Policore Detare në Borsh i erdhi në ndihmë një turisti ukrainas, i cili rrezikonte pasi kishte shkuar shumë larg duke notuar.

Pas njoftimit të ardhur në Sallën Operative të DVP Vlorë, se një person i cili ishte duke notuar po rrezikohej në vendin e quajtur “Gjiri i Borshit”, Njësia Policore Detare u nis menjëherë drejt vendit të dhënë me mjetin lundrues Jetski dhe në bashkëpunim me një gomone peshkimi që ndodhej afër kësaj zone, ndihmuan shtetasin ukrainas dhe e nxorën në breg, në gjendje të mirë shëndetësore.

Turisti ukrainas falënderoi forcat e Policisë për reagimin e shpejtë dhe profesionalizmin e treguar.

Policia Kufitare dhe Njësia Policore Detare janë të angazhuara maksimalisht në shërbim të qytetarëve dhe turistëve, dhe ftojnë të gjithë qytetarët që të telefonojnë në numrin pa pagesë 112 në rast nevoje.

Një shtëpi banimi është përfshirë nga flakët në fshatin Larushk të Fushë-Krujës.

Gazetari i ABC News, Ahmet Zani, raporton se dy të mëshuar ishin në shtëpi në momentin e zjarrit, por fatmirësisht kanë shpëtuar pa lëndime. Aktualisht nuk dihen shkaqet e zjarrit.Ndërsa ekipet e zjarrfikësve kanë shkuar menjëherë në vendngjarje.