Në kuadër të operacionit “Siguria Detare”, Policia Kufitare dhe Njësia Policore Detare kanë kryer kontrolle intensive ndaj 473 mjeteve lundruese në gjithë hapësirën ujore nga Ksamili në Koman.

Si rezultat gjatë kësaj jave, janë bllookuar 34 mjete lundruese, përfshirë 22 jet ski, 4 skafe, 4 gomone dhe 4 varka metalike me motor uji të instaluar. 15 prej tyre po lundronin brenda perimetrit të sigurisë, duke rrezikuar jetën e pushuesve. Si rezultat i këtij operacioni 19 shtetas (shqiptarë dhe të huaj) janë shpëtuar në det, falë ndërhyrjes së Policisë Kufitare dhe Njësisë Policore Detare.

Njoftimi i plotë:

Njësia Policore Detare dhe Policia Kufitare po kryejnë monitorim intensiv me qëllim rritjen e parametrave të sigurisë detare..Si rezultat i monitorimit dhe kontrolleve, nga Ksamili në Koman, janë bllokuar 34 mjete lundruese, prej të cilave 15 për shkelje të perimetrit të sigurisë.

Gjithashtu, 19 shtetas (shqiptarë dhe të huaj) janë shpëtuar në det, falë ndërhyrjes së Policisë Kufitare dhe Njësisë Policore Detare. Nga Policia Kufitare e Sarandës, në bashkëpunim me homologët grekë, është lokalizuar dhe bllokuar, në vendin e quajtur Kanali i Vivarit, pranë grykëderdhjes së kanalit të Butrintit, një gomone e vjedhur në zonën Plataria–Igumenicë, Greqi. Vijon puna për identifikimin dhe kapjen e autorëve.

Dy adoleshentë që ndihmuan dhjetëra njerëz të arratiseshin nga një sallë koncertesh që ishte shënjestër e një sulmi terrorist, ku humbën jetën 140 njerëz u nderuan sot nga shkolla e tyre.

Islam Khalilov dhe 15-vjeçari Artyom Donskov, shokë shkolle, morën laptopë si shpërblim për heroizmin e tyre. Teksa ndodheshin në dhomat e zhveshjes së Crocus City Hall, ata treguan gjakftohtësi, duke ndihmuar spektatorët deri në dalje.

Pamjet tregojnë Islam Khalilov duke vrapuar në drejtim të kundërt nga një linjë me dhjetëra njerëz të panikuar.

“Të gjithë jashtë!” bërtet ai.

Kur terroristët filluan të qëllonin pa dallim, një grup i madh spektatorësh u larguan nga salla, por ata nuk dinin ku të shkonin. Dhe ka qenë 15-vjeçari që ka drejtuar turmën në panik drejt daljes, sipas një videoje.

“Të them të vërtetën, unë u frikësova shumë”, tha ai.

Shoku i tij i klasës Artyom Donskov ndihmoi një grup tjetër njerëzish që po kërkonin një rrugë shpëtimi, ndërsa salla kishte marrë flakë. Një tjetër hero është një spektator që kishte shkuar në koncert me gruan e tij. Burri, i cili nuk deshi të përmendet emri, tha për mediat ruse se ai së bashku me një burrë tjetër goditën një nga sulmuesit në kokë, teksa po bëhej gati të qëllonte.