Një burrë i moshuar takon një të ri, i cili e pyet:
– Më mban mend?

Plaku thotë:
– Jo.

I riu i thotë:
– Unë isha studenti yt.

Profesori e pyet:
– Oh, vërtet? Dhe çfarë bën tani?

I riu përgjigjet:
– Unë jam mësues.

Plaku thotë:
– Oh, sa bukur, si unë?

I riu thotë:
– Po. Në fakt, u bëra mësues sepse ti më frymëzove të jem si ti.

Plaku, i kuriozuar, i kërkon të riut:
– Më trego pse.

Dhe i riu fillon historinë:

– Një ditë, një shoku im, gjithashtu student, erdhi në shkollë me një orë të bukur e të re, dhe unë ia vodha.
– Pak më vonë, shoku im vuri re vjedhjen dhe menjëherë iu ankua mësuesit tonë, i cili ishe ti.
– Ti i the klasës: “Ora e shokut tuaj të klasës u vodh gjatë orës së mësimit sot. Kushdo që e mori, ju lutem ta kthejë.”
– Por unë nuk e ktheva, sepse më vinte turp.
– Atëherë ti mbylle derën dhe na the të gjithëve të ngriheshim në këmbë, sepse do të na kontrolloje xhepat një nga një.
– Por më parë, na the të mbyllnim sytë.
– Kështu vepruam. Ti kontrollove xhep pas xhepi, dhe kur arrite tek unë, gjete orën dhe e more.
– Pastaj vazhdove të kontrolloje xhepat e të gjithëve.
– Kur mbarove, the: “Hapni sytë. E gjeta orën.”
– Ti nuk më the kurrë asgjë dhe nuk e përmende më incidentin.
– Nuk e përmende kurrë personin që e vodhi.

– Atë ditë, ti më shpëtove përgjithmonë dinjitetin.
– Ishte dita më e turpshme e jetës sime.
– Ti nuk më the asnjë fjalë, nuk më qortove, nuk më bëre moral, por unë mora mesazhin qartë.
– Falë asaj, kuptova se kjo është ajo që duhet të bëjë një edukator i vërtetë.

I riu e pyet:
– A e mban mend këtë episod, Profesor?

Profesori përgjigjet:
– Mbaj mend situatën, orën e vjedhur, kontrollin e xhepave të të gjithëve…
– Por nuk të mbaja mend ty, sepse edhe unë i mbylla sytë ndërsa kërkoja.
– Ky është thelbi i mirësjelljes: nëse duhet të poshtërosh dikë për ta korrigjuar, atëherë nuk di si të mësosh.

Dy shqiptarë u hodhën në lumin Vesdre nga një ndërtesë e vendosur në 16B rue du Prince në Verviers në Belgjikë për t’i shpëtuar policisë.

Dy shqiptarët u hodhën nga dritarja për t’i shpëtuar një ndërhyrjeje të policisë federale, kërkim që synonte çmontimin e një plantacioni kanabisi.

Për largimin e bimëve të organizatës kanë ndërhyrë edhe oficerët e mbrojtjes civile.

“Si pjesë e një rasti nën hetim, policia gjyqësore federale e Lièges zbuloi mbetjet e një plantacioni në një hangar në rrugën de Droixhe në Liège dhe një plantacion marijuane me afërsisht 1000 bimë, në një magazinë në rrugën du Prince në Verviers, ku dy individë me kombësi shqiptare u hodhën në lumë”, shprehet zyra e prokurorit publik të Lièges. “Një individ me kombësi shqiptare ndodhej në rrugën de Droixhe, ku ishte i zënë me pastrimin e mbetjeve të plantacionit.”

Në total gjatë operacionit u arrestuan 5 persona.