Gjoba është vendosur për incidentet e ndodhura jashtë stadiumit “Air Albania” gjatë ndeshjes Shqipëri – Letoni, më 9 shtator 2025, në kuadër të eliminatoreve të Botërorit 2026.

Komisioni i Disiplinës i FIFA-s ka gjobitur Federatën Shqiptare të Futbollit me 10 mijë franga zvicerane (përafërsisht 10,600 euro).

Gjoba është vendosur për incidentet e ndodhura jashtë stadiumit “Air Albania” gjatë ndeshjes Shqipëri – Letoni, më 9 shtator 2025, në kuadër të eliminatoreve të Botërorit 2026.

FSHF bën me dije se do ta apelojë gjobën e FIFA-s në instancat përkatëse të FIFA-s dhe ka nisur procedurat ligjore.

Federata u bën thirrje tifozëve që në ndeshjet e ardhshme të tregojnë qytetari dhe të mbështesin Kombëtaren pa shkaktuar situata që dëmtojnë imazhin e saj.

Serbia do të përballet me Shqipërinë me 11 tetor, në ndeshjen e vlefshme për Kualifikueset e Botërorit.

Tekniku i serbëve, Dragan Stojkovic po mendon për lojtarët që do të ketë në dispozicion për këtë takim, me situatën te përfaqësuesja që nuk është dhe aq e mirë.

Lojtari i Leipzig, Kosta Nedeljkovic ka shfaqur probleme fizike dhe mund të mos grumbullohet. Ndërkaq, Milenkoviç dhe Lukiç mungojnë për shkak kartonësh.

Serbia ka grumbulluar 7 pikë deri tani në grup dhe është në vendin e 3-të.

KOSOVË- Gjatë këtyre pesë muajve, Kosova ka importuar nga Serbia mallra me vlerë totale prej 75 milionë euro, ndërsa nga Shqipëria 61 milionë euro. Përkundër marrëdhënieve të tensionuara politike mes Kosovës dhe Serbisë, kjo e fundit vazhdon të mbetet një prej burimeve kryesore të mallrave që hyjnë në tregun kosovar.

Të dhënat doganore për periudhën janar–maj 2025 tregojnë se Serbia e ka kaluar Shqipërinë për nga vlera e mallrave të importuara në Kosovë. Gjatë këtyre pesë muajve, Kosova ka importuar nga Serbia mallra me vlerë totale prej 75 milionë euro, ndërsa nga Shqipëria 61 milionë euro. Kjo ndodh në një kohë kur në diskursin politik, Serbia përmendet vazhdimisht si shtet armik, ndërsa Shqipëria si partner strategjik dhe komb vëlla.

Për ta bërë më të qartë kontrastin, vetëm në muajin mars, importet nga Serbia kapën vlerën e afro 19 milionë eurove, ndërsa nga Shqipëria 13.3 milionë euro. Madje, Serbia kishte vlerë më të lartë importi sesa Shqipëria në katër nga pesë muajt e parë të vitit.

Gjatë muajve të parë të vitit 2025, janë realizuar importe nga disa vende me regjimin IM4 dhe AL, në bazë të marrëveshjeve preferenciale CEFTA. Nga Maqedonia e Veriut (MK), në muajin janar, janë importuar mallra në sasi prej 18.99 milionë, me vlerë mbi 11.1 milionë euro dhe peshë neto mbi 24.1 milionë kg. Për këto importe nuk është paguar taksë doganore, por janë paguar 771 mijë euro akcizë dhe mbi 1.94 milionë euro TVSH.

Nga Bosnja dhe Hercegovina (BA), në të njëjtin muaj, janë importuar mallra në sasi më të vogël – 83,892 kg, me vlerë rreth 2.5 milionë euro dhe peshë neto mbi 3.3 milionë kg, me 392 mijë euro TVSH të paguar.

Importet nga Moldavia (MD) gjatë muajit janar arrijnë në 66,679 kg me vlerë rreth 67 mijë euro dhe rreth 12 mijë euro TVSH. Nga Serbia (XS), janë importuar në disa raste mallra me vlerë nga 4.5 milionë deri në 2.9 milionë euro, me TVSH të paguar që kalon 1.8 milionë euro, në disa raste edhe me akcizë mbi 123 mijë euro.

Në muajt vijues, Maqedonia e Veriut vazhdon të jetë ndër partnerët kryesorë tregtarë, me importe që arrijnë në 23.9 milionë kg në maj, dhe vlerë mallrash prej mbi 20.2 milionë euro, duke paguar 933 mijë euro akcizë dhe 3.44 milionë euro TVSH.

Nga Shqipëria (AL), përmes regjimit AL-CEFTA, janë importuar mallra me vlerë të ndryshme, ku për shembull në muajin maj janë regjistruar 2.5 milionë kg mallra me vlerë mbi 13.3 milionë euro, me rreth 2.3 milionë euro TVSH.

Gjithashtu, janë regjistruar edhe importe nga Mali i Zi, me vlera të ndryshme nga 1.1 milionë deri në 2.8 milionë euro, dhe TVSH të paguar nga 134 mijë deri në 657 mijë euro.

Në raste të veçanta, disa rreshta kanë TVSH të paguar deri në 3 milionë euro, siç është rasti me importet nga Maqedonia apo Shqipëria në muajin maj. Kosova ka shënuar një rritje të theksuar të deficitit tregtar në muajin maj 2025, krahasuar me të njëjtën periudhë të vitit të kaluar.

Të dhënat nga tregtia e jashtme e mallrave në Kosovë tregojnë për një deficit tregtar prej 21,5% në muajin maj 2025, në raport me periudhën e njëjtët të vitit 2024, gjegjësisht në vlerë prej 523,4 milionë euro, krahasuar me deficitin prej 430,6 milionë euro në vitin 2024.

Kosova ka shënuar një rritje të theksuar të deficitit tregtar në muajin maj 2025, krahasuar me të njëjtën periudhë të vitit të kaluar. Sipas të dhënave zyrtare, deficiti tregtar ka arritur vlerën prej 523,4 milionë euro, që përfaqëson një rritje prej 21,5% krahasuar me majin e vitit 2024, kur deficiti ishte 430,6 milionë euro.

Gjatë këtij muaji, eksportet arritën vlerën 81,4 milionë euro, duke shënuar një rënie prej 0,5%, ndërsa importet u rritën me 17,1%, duke kapur vlerën 604,7 milionë euro. Si rezultat, mbulueshmëria e importit nga eksporti ishte vetëm 13,5%. Tregtia me BE-në dhe CEFTA-n

Kosova vazhdon të ketë shkëmbime më të mëdha tregtare me vendet e Bashkimit Evropian, ku eksportet në BE arritën 29,0 milionë euro (35,6% e eksporteve totale), me një rritje prej 2,3%. Partnerët kryesorë ishin:

Gjermania – 12,5%. Italia – 3,5%. Holanda – 3,1%. Imported nga BE-ja ishin 265,1 milionë euro (43,8% e importeve), me rritje prej 13,0%, kryesisht nga:

Gjermania – 14,6%. Italia – 5,1%. Polonia – 5,1% Ndërkohë, eksportet në vendet e CEFTA-s shënuan rënie prej 13,0%, duke arritur në 34,5 milionë euro, përkatësisht 42,5% të eksporteve totale. Partnerët kryesorë ishin:

Maqedonia e Veriut – 14,8%. Shqipëria – 13,6%. Mali i Zi – 6,5%. Serbia – 6,1%. Importet nga vendet e CEFTA-s arritën në 69,6 milionë euro, ose 11,5% të importeve të përgjithshme, me një rritje prej 3,3%. Vendet me pjesëmarrje më të lartë për import ishin: Maqedonia e Veriut (3,7%), Serbia (3,4%), Shqipëria (3,3%)./ Monitor

Tiranë, 24 qershor 2025 – Shqipëria është zgjuar sot nga disa lëkundje tërmeti që janë ndjerë kryesisht në zonat qendrore dhe jugore të vendit. Tërmeti më i fortë është regjistruar rreth orës 05:04 të mëngjesit me një magnitudë prej 4.5 ballësh të shkallës Rihter.

Sipas të dhënave paraprake, epiqendra e tërmetit ka qenë në afërsi të Kamzës dhe Krujës, ndërsa thellësia e tij raportohet të ketë qenë vetëm 5 kilometra, çka e ka bërë të ndjehet më fort në sipërfaqe.

Menjëherë pas tërmetit fillestar janë regjistruar edhe disa pasgoditje me magnituda që variojnë nga 2.2 deri në 3.5 ballë. Lëkundjet kanë shkaktuar shqetësim dhe panik te qytetarët, por fatmirësisht deri në këtë moment nuk raportohen dëme materiale apo të lënduar.

Autoritetet janë duke monitoruar situatën dhe u bëjnë thirrje qytetarëve të qëndrojnë të qetë dhe të ndjekin udhëzimet e emergjencës civile në rast përsëritjeje të lëkundjeve.

Tiranë- Shqipëria dhe Serbia masin forcat të shtunën në orën 20.45, në kuadër të ndeshjes kualifikuese të Botërorit.

Trajneri i kuqezinjve, Sylvinho doli në konferencë për shtyp, në prag të këtij takimi të rëndësishëm, ku preku tema të ndryshme.

“Mendimi për Kombëtaren e Serbisë- “ Mitroviç, Vlahoviç dhe Joviç, janë lojtarë të fortë fizikisht, Serbia është një skuadër e fortë. Por edhe ne kemi lojtarë të fortë, Brojën, Manaj, Uzunin, Nedim Bajramin për të cilët jam shumë krenar, presim një ndeshje shumë të bukur.

Dëgjova edhe trajnerin e Serbisë dhe të gjithë duan fitoren, rrugëtimi drejt Botërorit është shumë i shpejtë, por futemi në ndeshje për 3 pikët, shpresojmë të kemi një ndeshje të bukur nesër. Në 90 minuta mund të ndodh gjithçka, janë shumë të gjata.

Është e vërtetë, shumë trajner ankohen për lojtarët pas sezonit. Ka qenë kalendar i ngjeshur. Disa lojtarë kanë 10-15 ditë pushime. Kemi bërë 5-6 ditë rresht stërvitje. Nesër do iu bëj me dije formacionin, gjatë Andorrës kemi bërë ndryshime që kanë rezultuar mirë, por kjo është skuadër tjetër. Nesër e kam në mendjen 11-shen por pritet të shohim si do vendosim.

Nuk kemi gjë për të fshehur, ato kanë parë ndeshjet e fundit tona dhe ne, i kemi analizuar. Nuk mendoj se kanë kapur ndonjë element, shumica e gjërave nga aspekti strategjik bëhen në stërvitje. Të dyja kampet kanë lojtarë shumë të njohur në nivel botëror.

Dozat emocionale të ekipit dhe të trajnerit- “Është një ndeshje ndryshe, sot është ndryshe, dje ka qenë po ndryshe, dhe nesër po ashtu. Gjithmonë do të jetë ndryshe nga të dyja kampet, por shpresoj tju dhurojmë një ndeshje të bukur në aspektin sportiv, 90 minuta të bukura për ti shijuar, të dyja skuadrat kanë lojtarë të mirë po ashtu edhe trajnerë, mund ta fus edhe veten këtu, uroj që ta shijojmë, po ashtu edhe 22 mijë tifozët në stadium. Kam dëgjuar që ka pasur mbi 800 mijë kërkesa, janë me fat ata që janë nesër në stadium. Unë madje do të sillja edhe babin tim nga Brazili për ta parë ndeshjen, po ishte një rrugë shumë e gjatë. Të gjithë lojtarët janë gati dhe shpresoj të shijojmë një ndeshje të bukur nesër”, – tha ai.

Temperaturat e vjeshtës do ja lënë vendin atyre të dimrit këtë fundjavë dhe në vazhdim pasi pritet që të pësojnë rënie drastike. Në një lidhje direkte për Klan News, sinoptikanja Lajda Porja nga “MeteoAlb” thotë se duke filluar që nga mbrëmja e së shtunës do të kemi ndryshim të kushteve të motit pasi në vendin tonë do të depërtojnë masat e ftohta polare.

Lajda Porja: Na pret një fundjavë mjaft dinamike edhe pse dita e sotme duket si një ditë tipike vjeshte. Reshje të pakëta shiu në zonat qëndrore. Parashikohet që orët vijuese sjellin zhvillim të vranësirave duke sjellë reshje shiu në veri dhe në veri-perëndim. Reshje më të pakëta do të ketë qendra dhe jugu. Sot mbetet ngrohtë dhe era është kryesisht jugore dhe herë pas here forcohet. Duke filluar që nesër në mbrëmje do të kemi një ndryshim drastik të kushteve armosferike. Dita e shtunë do të sjellë depërtimin gradual të një mase të ftohtë polare, e cila do të zbresë drejt Gadishullit të Ballkanit dhe Shqipërisë duke sjellë menjëherë ndryshim të kushteve atmosferike. E shtuna do të ketë rënie me 2-3 gradë të temperaturave dhe nga vlerat mjaft të larta që kemi përjetuar pothuajse përgjatë gjithë javës deri në 18 apo 19 gradë, e shtuna do të ulë termometrin në 15 gradë.

Ditën e dielë parashikohet që temperaturat të pësojnë një rënie me 6 apo 7 gradë për shkak të masës së ftohtë. E diela do të jetë me reshje shiu dhe dëborë pothuajse në të gjithë territorin e vendit. Ndërkohë, dëbora pritet që të zbresë deri pranë zonës së ulët, kryesisht në atë të Mbishkodrës.
Lajda Porja: Dita e dielë do të jetë ajo që do të bëjë ndryshimin drastik ku presin 6 deri në 7 gradë rënie për shkak të masës së ftohtë, e cila depërton në territorin shqiptar. Dita e dielë me reshje shiu dhe reshje të dendura dëbore pothuajse në të gjithë zonën veriore dhe veri-lindore dhe në zonat jug-lindore, rrebeshe shiu në pjesën tjetër të territorit. Parashikohet që reshjet e dëborës të zbresin deri pranë zonës së ulët, kryesisht në zonat e Mbishkodrës, megjithatë reshje më të pakëta do të ketë jugu i vendit. Temperaturat e ajrit do të pësojnë ndryshim drastik duke filluar që nga dita e dielë dhe do të na shoqërojnë përgjatë gjithë javës ku termometri do të zbresë të paktën të dielën në -2 dhe maksimalet ditën e dielë do të jenë jo më shumë se 11 gradë. Reshjet e dëborës më të dendura parashikohen ditën e dielë dhe më të pakëta do të jenë gjatë ditës së shtunë.

Nga dita e dielë dhe në vijim do të përjetojmë ditë tipike dimri.

Një tërmet me magnitudë 4 ballë të shkallë Rihter është regjistruar në Fier

Presidenti turk Rexhep Taip Erdogan do të vizitojë Shqipërinë gjatë kësaj jave

Sipas informacioneve të siguruara nga gazetarja e Euonews Albania, Eksiola Shehu, gjatë vizitës në Tiranë të enjten e 10 tetorit presidenti turk, Rexhep Taip Erdogan pritet që të bëj inaugurimin e xhamisë e Namazgjasë.

Gjithashtu, gjatë qëndrimit në Tiranë, Erdogan pritet të ketë edhe një konferencë me kryeministrin Rama në godinën e qeverisë.

Presidenti turk do të jetë vetëm disa orë në Tiranë e me pas do të largohet drejt Serbisë.

Ditën e sotme, disa qytete të vendit janë përfshirë nga reshje të dendura shiu. Në disa zona është kriujuar trafik i rënduar, përfshirë edhe kryeqytetin, pasi makinat qarkullojnë me vështirësi nga reshjet e dendura të shiut.

Prej orëve të mesditës dhe deri në orët e mbrëmjes reshjet e shiut pritet të jenë me intensitet mesatar dhe të lartë në formën e rrebesheve dhe stuhive shoqëruar me shkarkesa të forta elektrike.

Në orët e vona të mbrëmjes, sipas Shërbimit Ushtarak Meteorologjik, në pjesën më të madhe të vendit, intensiteti i reshjeve bie duke mbetur prezente të herëpashershme me intensitet të ulët deri mesatar.

Ish-kryeministri Sali Berisha ka reaguar mbrëmjen e sotme nga ballkoni i shtëpisë së tij në lidhje me ngjarjen e sotme brenda Kuvendit. Ai ka mbajtur një fjalim duke thënë se kjo betejë do të përfundojë me një fitore nga ana e tyre.

“Mirëmbrëma dhe përshëndetjet më të përzemërta, mirënjohjen më të pakufishme ju, guximtareve dhe guximtarëve, qëndrestareve dhe qëndrestarëve të kauzës së drejtë të çdo shqiptari. Luftëtarëve të paepur kundër mafias më të rrezikshme të kontinentit Europian dhe mafias ndërkombëtare. Një përshëndetje të përzemërt oratorëve të kësaj platforme që me guxim shpërndajnë të vërteta në të 4 anët e vendit. Një përshëndetje të zjarrtë deputetëve të Partisë Demokratike, që nisën sot në sallën e parlamentit të mafias dhe krimit, betejën e fitores, betejën e pandalshme, që i dha përgjigjen më të merituar Edi Ramës, këtij kryemafiozi të Shqipërisë dhe Europës, që burgosi deputetin Ervin Salianji, sepse ai denoncoi Geronin e vëllazërisë Xhafa, që fshihej dhe si kriminel, shpërndante drogë, helm në Shqipëri, në Itali dhe Europë.

Të dashur miq! Sot deputetët e PD-së, nisën betejën, betejën e cila ndalet vetëm me fitoren e opozitës. Ajo betejë duhet të frymëzojë çdo demokrate, demokrat, çdo qytetare e qytetar të këtij vendi, për tu ngritur në një betejë në mosbindje civile më te gjitha mjetet e saj. Për shpëtimin e Shqipërisë nga krimit, mafia, vjedhja. Qeveri teknike, zgjedhje të lira. Rotacionin, fitoren e opozitës. Deputetët e opozitës sot u thanë kriminelëve me pushtet, Edi Ramës në parlament, në qeveri në prokurori dhe gjykata e kudo që janë, se është radha jonë dhe se forcë në botë nuk ka që të na ndalë ne pa realizuar qëllimet tona,” tha Berisha.