Fituesi i reality show-t “Ferma VIP”, Dijonis Biba, është kthyer në qendër të vëmendjes pasi fitoi një shumë të madhe parash nga basti i vënë për fitoren historike të Kombëtares Shqiptare kundër Serbisë.

Mbrëmjen e ndeshjes Serbi-Shqipëri, Dijonis Biba shpërndau në InstaStory një skedinë ku shfaqej një bast i vendosur prej 10,000 euro për fitoren e kuqezinjve.

Edhe pse ai pyeti me ironi “Kush e ka fut ket bilet more?”, lajmi bëri bujë për shkak të shumës së madhe të vënë në rrezik.

GJILBRALTAR – Shqipëria zhvilloi ndeshjen miqësore në Gjilbraltar si një test për atë zyrtaren që do të luhet të marten përballë Letonisë në Tiranë e vlefshme për kualifikueset e Botërorit të 2026-s.

Kuqezinjtë fituan minimalisht 0-1 falë një penalltie të shndërruare në gol nga Asani në minutën e 68-të. Pjesa e parçë ishte e vakët dhe me shumë pak raste nga skuadra jonë e cila ishte e përbërë nga një pjesë e madhe debutuesisht të cilëve Sylvinho i dha shansin për të luajtur. Ndërkohë në të dytën me zëvendësimet e bëra loja ndryshoi por pa shumë efikasitet.

Goli erdhi vetëm pas një penalltie të shndërruar në gol nga Asani në minutën e 68-të dhe ai mbeti goli i vetëm i këtij takimi.

Tashmë kuqezinjtë do të kthehen në Tiranë ku do të përgatisin ndeshjen e tyre ndaj Letonisë si shansi ndoshta i fundit për të mbajtur shpresat gjallë për një kualifikim të mundshëm për në finalet e Botërorit.

Pas një performance energjike në natën e parë të Festivalit Sunny Hill, që këtë vit mblodhi yje dhe adhurues të muzikës nga e gjithë bota, Dua Lipa ka zgjedhur të kalojë pushimet në jugun piktoresk të Shqipërisë.

Lajmin e ka bërë të ditur vetë këngëtarja me famë botërore përmes një postimi në llogarinë e saj në Instagram, ku ndau me miliona ndjekës një fotografi mahnitëse të bregdetit shqiptar.

Në imazh shfaqej një peizazh i mrekullueshëm me ujëra të kristalta dhe një perëndim dielli magjepsës, që pasqyron qetësinë dhe bukurinë natyrore të rivierës shqiptare.

Dua i bashkëngjiti fotos një përshkrim të shkurtër, por plot emocion:

“Arrita në shtëpi me kohë për këtë perëndim të mrekullueshëm të diellit”, shkroi artistja.

Këngëtarja me prejardhje shqiptare ka qenë prej vitesh një ambasadore e jashtëzakonshme kulturore për Shqipërinë dhe Kosovën. Përmes pranisë së saj ndërkombëtare, intervistave në media botërore dhe angazhimit të saj artistik, ajo ka promovuar vazhdimisht trashëgiminë, kulturën dhe bukuritë natyrore të vendit të saj.

Jo vetëm që ka folur shqip në emisione televizive ndërkombëtare, por edhe ka përfaqësuar me krenari identitetin e saj në çdo hap të karrierës.

Dua Lipa së fundmi mori shtetësinë e Kosovës me dekret presidencial, ajo gjithashtu ka shtetësinë e Shqipërisë dhe të Britanisë

Dinamo ka fituar Kupën e Shqipërisë për herë të 14 në historinë e saj, 22 vite pas herës së fundit kur kishte ngritur këtë trofe. Skuadra e Ilir Dajës mposhti vetëm falë penalltive Egnatian, e cila u ndal pas dy edicioneve në të cilat kishte bërë të sajin trofeun.

Ndeshja mes dy skuadrave ishte shumë interesante dhe dramatike, me Dinamon cinike që shfrytëzoi maksimalisht rastet që krijoi duke e parë veten në secilën pjesë loje në avantazh, e arritur më pas nga rrogozhinasit në minutat shtesë të secilës pjesë.

Kjo bëri që finalja të shkonte në shtesa, ku nuk kishte ndryshim rezultati, e më pas te penalltitë. Aty rezultuan vendimtare dy pritje të Teqjes kundrejt një të Dajsinanit, duke i dhuruar trofeun Dinamos, që merr kështu edhe një shtysë të rëndësishme morali për “Final Four”.

EGNATIA-DINAMO 2-2 45’+3′ Guindo, 90’+5′ Bakajoko / 17′, 61′ Mandela

PENALLTITË (VIDEO)

EGNATIA-DINAMO 4-5

Gjuan Jahaja, pret Teqja! Egnatia-Dinamo 4-5

Gjuan Dita, shënon! Egnatia-Dinamo 4-5

Gjuan Xhemajli, shënon! Egnatia-Dinamo 4-4

Gjuan Zabërgja, shënon! Egnatia-Dinamo 3-4

Gjuan Zejnullai, shënon! Egnatia-Dinamo 3-3

Gjuan Teqja, shënon! Egnatia-Dinamo 2-3

Gjuan Ujka, shënon! Egnatia-Dinamo 2-2

Gjuan Meksi, pret Dajsinani! Egnatia-Dinamo 1-2

Gjuan Bakajoko, shënon! Egnatia-Dinamo 1-2

Gjuan Qardaku, shënon! Egnatia-Dinamo 0-2

Gjuan Aleksi, pret Teqja! Egnatia-Dinamo 0-1

Gjuan Aliji, shënon! Egnatia-Dinamo 0-1

Reshjet e dëborës kanë zbardhur zonat malore të Shqipërisë.

Reshje kanë rënë edhe në lartësinë 500 m mbi nivelin e detit.

Aktualisht nuk ka vështirësi në rrugë, megjithatë policia bën thirrje drejtueseve të automjeteve të kenë kujdes.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Greqia do ta mbështesë Shqipërinë në përpjekjet e saj dhjetëvjeçare për t’u anëtarësuar në Bashkimin Evropian, por me kusht që ajo t’i respektojë të drejtat e pakicës greke në vend, tha të mërkurën kryeministri Kyriakos Mitsotakis, raporton Reuters.

Marrëdhëniet mes Athinës dhe Tiranës u përkeqësuan pasi Shqipëria e arrestoi politikanin e pakicës greke, Alfred Beleri, gjatë një fushate për zgjedhjet lokale në qytetin e tij të Himarës vitin e kaluar dhe e burgosi atë për blerje votash.

Beleri u lirua këtë vit pasi fitoi një vend në Parlamentin Evropian si kandidat i partisë konservatore të Mitsotakisit, Demokracia e Re.

Duke folur në nënshkrimin e një kontrate për një rrugë të re që lidh qytetin veriperëndimor grek të Janinës me fshatin shqiptar Kakavijë, Mitsotakis tha se Greqia gjithmonë ka ruajtur marrëdhënie të mira me fqinjën e saj në Adriatik.

Por, mbështetja e saj për përpjekjet e Shqipërisë për anëtarësim në BE varet nga shpejtësia e përmbushjes së detyrimeve të kahershme që lidhen me pronësinë dhe të drejtat e tjera të pakicës greke në Shqipëri, e cila është më e madhja në vend.

“Ekziston një rrugë e vazhdueshme e kushteve drejt Bashkimit Evropian, ku ne jemi në thelb rregullatorët e shpejtësisë me të cilën Shqipëria do të ecë drejt Evropës”, tha Mitsotakis para se të udhëtonte për në Bruksel për samitin BE-Ballkan Perëndimor.

Shqipërisë, së bashku me Bosnjën, Kosovën, Malin e Zi, Maqedoninë e Veriut dhe Serbinë, u është premtuar anëtarësimi në BE vite më parë dhe ato janë në bisedime me BE-në për mënyrën se si të përshpejtojnë reformat e nevojshme, të cilat do t’i ndihmojnë përfundimisht të bëhen pjesë e bllokut me 27 vende.

Por, procesi ka ngecur, kryesisht për shkak të përparimit të ngadaltë në reforma dhe gjithashtu për shkak të mungesës së dëshirës nga shtetet anëtare të BE-së për zgjerim të mëtejshëm.

Shqipëria e hapi kapitullin e parë të negociatave për anëtarësim me Bashkimin Evropian në tetor, 15 vjet pasi kishte aplikuar për anëtarësim.

Ndërkohë, të mërkurën, pas një takimi me homologun e tij serb, Marko Gjuriq, në Athinë, ministri i Jashtëm grek, George Gerapetritis, tha se Greqia gjithashtu mbështet përpjekjet e Serbisë për t’u anëtarësuar në BE.

“Anëtarësimi i Serbisë në Bashkimin Evropian është një domosdoshmëri gjeopolitike”, tha Gerapetritis.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Zbulohet ndeshja e parë, Shqipëria e nis rrugëtimin e kualifikueseve të Botërorit, me Anglinë në transfertë më 21 mars, ndërsa përballja e dytë është në shtëpi me një prej ekipeve si Letonia ose Andorra.

Ndërkohë përballja e parë me Serbinë, ajo e cila ka dhe më shumë interes nga spordashësit do të luhet në 7 qershor në Tiranë.

Superkupa e Shqipërisë, Egnatia – Kukësi, do të luhet më 26 dhjetor, në orën 19:00. Dueli i fundit për këtë vit dhe trofeu i parë sezonal do të vendoset në stadiumin “Arena Kombëtare”.

Një ndeshje interesante pritet mes dy ekipeve që do të kërkojnë me çdo kusht trofeun e Superkupës. Egnatia vjen në këtë sfidë si kampione e Shqipërisë dhe fituese e Kupës, ndërsa Kukësi si finalisti i Kupës së Shqipërisë.

Në ditët në vijim, FSHF do të nxjerrë në shitje edhe biletat për këtë takim.

Një tërmet me magnitudë 4.2 Rihter është regjistruar në orët e para të mëngjesit në rajonin e Kozencës në Itali. Tërmeti ka qenë i fuqishëm dhe ka zgjatur për disa sekonda duke shkaktuar panik te banorët e zonës, një pjesë e të cilëve e kaluan natën jashtë.

Paraprakisht nuk raportohen të lënduar apo dëme, teksa vijojnë verifikimet nga autoritetet lokale në terren.

Kanë përfunduar ndeshjet e fazës 1/16 të Kupës së Shqipërisë 2024-2025 dhe janë përcaktuar çiftet e fazës 1/8.

Nga sfidat e ditës së sotme u kualifikuan më tej AF Elbasani, Apolonia, Bylis, Erzeni, Besa, Kastrioti, Kukësi dhe Vora. Në fazën 1/8 do të garojnë edhe ekipet e renditura nga vendi i parë e deri në vendin e tetë në “Abissnet Superiore” për sezonin 2023-2024.

Faza 1/8 ka përcaktuar këto takime: Dinamo City – Erzeni, Teuta – AF Elbasani, Vllaznia – Besa, Partizani – Apolonia, Laçi – Kukësi, Tirana – Bylis, Skënderbeu – Vora, Egnatia – Kastrioti. Ndeshjet e kësaj faze do të luhen më 15 janar 2025.

Më poshtë rezultatet e ndeshjeve të fazës 1/16 të Kupës së Shqipërisë dhe çiftet e fazës 1/8.