Një aksident i rëndë rrugor ka ndodhur mesditën e së hënës (18 gusht) në Greqi, ku një kamion u përplas me dy automjete të tjera, duke lene te vdekur tre shqiptarë dhe një tjetër u plagos. 

Sipas raportimeve mediave greke, kamioni goditi dy makina, fillimisht një automjet të ndalur përpara tij, i cili shpërtheu në flakë. Brenda tij ndodheshin katër shtetas shqiptarë, banues në Athinë, dy burra 59 dhe 61 vjeç dhe dy gram 57 dhe 49 vjeçe.

Tre të parët humbën jetën pasi u dogjen ne makinë, ndërsa 49-vjeçarja arriti të dilte vetë nga makina, shkruan Protothema.

Në automjetin tjetër ndodheshin katër shtetas grekë, gjithashtu banues në Athinë, shoferi 36-vjeçar, një pasagjere 28-vjeçare dhe dy fëmijë të mitur, 4 dhe 5 vjeç. Të gjithë u dërguan me plagë të lehta në spitalin e Komotinës.

Angli – Tre shtetas shqiptarë dhe një grua britanike janë arrestuar nga autoritetet britanike, nën akuzën për një seri vjedhjesh të organizuara në të gjithë Mbretërinë e Bashkuar, me një vlerë të përgjithshme që tejkalon 1 milion paund.

Të arrestuarit janë identifikuar si:

Endrit Nikolli, 27 vjeç

Kristian Gropcaj, 30 vjeç

George Pepa, 30 vjeç

Jade Tubb, 33 vjeçe (britanike)

Sipas hetimeve paraprake, katër të dyshuarit dyshohet se janë përfshirë në të paktën 37 raste vjedhjesh me dhunë, të kryera midis tetorit 2024 dhe marsit 2025. Vjedhjet kanë pasur në shënjestër sende me vlerë të lartë, si ora luksoze dhe çanta të markave të njohura, disa prej të cilave janë sekuestruar gjatë kontrolleve policore.

Arrestimet janë kryer në kuadër të një operacioni të zgjeruar policor, dhe të dyshuarit aktualisht ndodhen në paraburgim, në pritje të procedurave të mëtejshme ligjore.

Hetimet vijojnë për të zbuluar nëse grupi ka lidhje me rrjete të tjera kriminale aktive në vend apo jashtë tij.

Një bandë e dyshuar, që ka kryer dhjetëra vjedhje në kodrat e Torinos në Itali, është identifikuar dhe policia dha njoftimin e përfundimit të hetimeve për tetë persona, pothuajse të gjithë me origjinë shqiptare dhe disa tashmë në burg në Torino për krime të tjera.

Ata do të duhet të përgjigjen për bashkëpunim kriminal që synonte kryerjen e vjedhjeve me thyerje dhe marrjen e mallrave të vjedhura. Të tetë akuzohen për 68 episode, dhe të tjerë po shqyrtohen nga hetuesit, të kryera midis janarit 2024 dhe marsit 2025. Banda kishte një strukturë hierarkike, me disponueshmërinë e makinave mbuluese të regjistruara në emër të personave të tjerë për të qenë në gjendje të lëviznin dhe bashkëpunëtorëve të aftë për të ruajtur mallrat e vjedhura. Gjatë njërës prej grabitjeve të fundit një pjesë e bandës u kap dhe u arrestua nga Karabinierët e kompanisë Chieri.

Policia e Shtetit dhe Interpol Tirana kanë dorëzuar nën pranga 3 persona të kërkuar nga Italia për krime të ndryshme.

Operacioni i ekstradimeve është konfirmuar ditën e sotme (29 maj), duke dhënë edhe detajet për 3 personat e “implikuar në veprimtari në fushën e narkotikëve, individualisht ose si pjesë e organizatave kriminale”.

I pari u ekstradua Albert Koni, 51 vjeç, pasi Gjykata e Torinos në vitin 2025, e ka dënuar me rreth 4 vjet e gjysmë burgim, për veprën penale “prodhimi dhe shitja e narkotikëve”. Gjatë vitit 2017, ai ka shitur lëndë narkotike kokainë, në ambiente publike, në zonat Arona dhe Novara.

Kurse R. A., 21 vjeç, Gjykata e Milanos në vitin 2024, i ka caktuar masën e sigurisë “arrest në burg”, për veprën penale “trafikimi i lëndëve narkotike”, kryer në kuadrin e organizatës kriminale. Ai akuzohet se gjatë periudhës 2022-2024, ka qenë pjesë e një organizate kriminale që ka trafikuar në Milano, sasi të mëdha lëndësh narkotike.

I fundit u ekstradua A. F., 39 vjeç, pasi Gjykata e Gjenovas, në vitin 2024, i ka caktuar masën e sigurisë “arrest në burg”, sepse akuzohet në kuadër të operacionit “COOK 2020” të Policisë italiane, për trafikim të lëndëve narkotike dhe armëmbajtje pa leje, të kryera në kuadrin e organizatës kriminale.

Udhëtimi i kthimit nga një festë familjare përfundon në tragjedi: një minibus në Gjermani përmbyset, duke vrarë tre pasagjerë dhe duke plagosur rëndë 6 të tjerë.

Medat gjermane kane zbardhur detaje nga ngjarja e rende ku tre sqiptare kane humbur jeten ne nje aksident ne Gjermani.

Tre persona humbën jetën në një aksident të rëndë me minibus në Autobahn 48 pranë qytetit Koblenz të Rheinland-Pfalz. Gjashtë persona të tjerë u plagosën, disa prej tyre rëndë, sipas policisë.

Gjatë kthimit nga një festë familjare në orët e para të mëngjesit, autobusi me gjithsej nëntë pasagjerë doli nga rruga në të djathtë për një arsye fillimisht të paqartë dhe u përmbys disa herë.

Sipas hetimit, personat që udhëtonin kishin qenë më parë në një festë familjare në Hesse. Nuk kishte indikacione se shoferi 22-vjeçar ishte i paaftë për të drejtuar për shkak të alkoolit ose drogës deri në mesditën e së dielës, shpjegoi policia.

“Është një aksident shumë, shumë i tmerrshëm”, tha një zëdhënës i policisë të dielën në mëngjes në Koblenz. Aksidenti ndodhi rreth orës 3:05 të mëngjesit në rrugën drejt Trier në zonën e Bassenheim (distrikti Mayen-Koblenz).

Dy gra dhe një burrë, të vdekur
Raportohet se viktimat janë një burrë 53-vjeçar dhe dy gra të moshës 47 dhe 65 vjeç. Gjashtë personat e tjerë thuhet se janë të moshës midis 20 dhe 66 vjeç. Ata nuk pësuan lëndime kërcënuese për jetën. Mjeti i përfshirë ishte një minibus me nëntë vende.

Asnjë automjet tjetër nuk ishte i përfshirë në aksident. Megjithatë, një makinë tjetër kishte kaluar mbi mbeturina menjëherë pas aksidentit dhe duhej të tërhiqej me rimorkio. Policia nuk dha detaje të mëtejshme të dielën. Një zëdhënës tha në mëngjes se në autobus kishte edhe shtetas të huaj.

Autostrada e mbyllur për orë të tëra
Autostrada u rihap në mëngjes pasi qëndroi e mbyllur për më shumë se katër orë, tha një zëdhënëse e policisë rrugore. Autostrada A48 kishte qenë më parë plotësisht e mbyllur midis kryqëzimeve Koblenz dhe Ochtendung ndërsa kryheshin punimet e rimëkëmbjes. Trafiku u devijua nëpërmjet A61.

Përveç rreth një duzine automjetesh të shërbimit të shpëtimit, në vendngjarje ishin edhe deri në shtatë makina patrullimi policie. Sipas komandantit të incidentit, departamenti i zjarrfikësve ishte gjithashtu në vendngjarje me pesë automjete. U njoftuan gjithashtu katër punonjës të kujdesit emergjent.

Katër shtetas shqiptarë janë prangosur nga policia angleze si të kërkuar nga drejtësia italiane për krime të ndryshme kryesisht në trafikun e drogës.

Për t’i shpëtuar përballjes me drejtësinë italiane ata kishin zgjedhur si vendfshehje Anglinë.

Përpara gjykatës të ekstradimeve City of Westminster Magistrate Court doli Fation Haskaj.

Nga dokumentet e parë prej Top Channel 41 vjeçari akuzohet për tentativë vrasje dhe plagosje.

Geraldo Beja është prangosur në zonën Cottage Grove të Londrës. 35 vjeçari Beja akuzohet për trafik droge dhe si pjesë e një organizate të krimit të organizuar.

Sipas medias italiane ai bashkë drejtonte këtë grup kriminal së bashku me një maroken. Ata janë përgjegjës për trafikun dhe shitjen e disa tonelata kanabis që transportohej nga Shqipëria.

Është prangosur për llogari të Italisë edhe Mariglen Qefalia 41 vjeç. Ndaj tij rëndojnë 14 akuza për trafik droge.

Ndërsa ndaj Fation Haskaj nisi procesi shqyrtimit të ekstradimit për akuzën e prokurorëve italianë lidhur me tentativë vrasje.

I kërkuari tjetër i drejtësisë italiane Gëzim Topalli është arrestuar në zonën e Harrow në Londër. Topalli 41 vjeç, ka llogari të hapura me drejtësinë italiane si i akuzuar me 10 akuza për trafik droge po aq akuza për grabitje të sendeve me vlerë.

Eftuar në “Live From Tirana” me Ronaldo Sharkën ka qenë Rea Shena, menaxhere artistësh dhe rekrutuese talentesh. Ajo ka folur më shumë mbi famën dhe koston e të qenurit VIP…

Pjesë nga intervista:

A i deklarojnë të ardhurat të gjithë VIP-at në Shqipëri, siç bëjnë të famshmit jashtë?

Ka edhe jashtë që funksionojnë në të zezë, por shumica e VIP-ave shqiptarë punojnë në të zezë. Ka edhe këtu VIP-a të rregulltë, që punojnë si biznes i rregullt. Këngëtarët po, sepse janë të detyruar, por ka dhe blogere dhe influencera që janë të rregulltë, sepse u është dashur të hapin dhe biznese prej blogerimit.

Unë mendoj se në Shqipëri, duhet të fillojmë të mos kemi kaq frikë nga rregullat, sepse jashtë shumë artistë të famshëm, janë të regjistuar si biznes, nuk janë të regjistruar vetëm si këngëtarë dhe si individ. Në momentin që ti je regjistruar si biznes dhe diçka ndodh në jetën tënde dhe ti falimenton, nuk mund të të vijnë ty si individ nga mbrapa.

Ti do japësh përgjegjësi vetëm për pjesën e biznesit dhe mund të thuash ‘unë falimetova dhe i lashë të gjitha aty’. Ndërkohë, gjërat që ti i ke kaluar në emrin tënd personal, nuk preken. Edhe në Shqipëri, duhet në jetë pak a shumë e njëjta gjë. Prandaj them që artistët, njerëzit e showbizit, të medias, nuk duhet të jenë kaq të trembur nga ligjet. Ne e dimë që ligjet janë bërë për t’u thyer, por duhet t’i njohësh ligjet shumë mirë për t’i thyer ato.

Një incident ka ndodhur mbrëmjen në zonën e Vardas të Ilias në Greqi, ku një shtetas shqiptar 17-vjeçar është sulmuar me thikë nga një 21-vjeçar shqiptar.

Siç raporton patrisnews.com, pas ngjarjes, 17-vjeçari u dërgua në Infermierinë e Pirgos ku iu nënshtrua një operacioni të gjatë, i cili përfundoi me sukses.

Gjendja shëndetësore e të plagosurit pas operacionit është e qëndrueshme dhe duket se i riu nuk është më në rrezik për jetën, raporton gazetari i Top Channel, Artur Bibe.

Lidhur me shkaqet e ngjarjes, viktima 17-vjeçare dhe i dyshuari 21-vjeçar janë takuar për të zgjidhur një çështje personale lidhur me mosmarrëveshjet financiare.

Gjatë takimit 21-vjeçari ka nxjerrë thikën që kishte në posedim, duke e goditur në pjesë të barkut 17-vjeçarin.

21-vjeçari është arrestuar menjëherë nga zyrtarët e Policisë së Vuprasisë.

Dy shqiptarë u hodhën në lumin Vesdre nga një ndërtesë e vendosur në 16B rue du Prince në Verviers në Belgjikë për t’i shpëtuar policisë.

Dy shqiptarët u hodhën nga dritarja për t’i shpëtuar një ndërhyrjeje të policisë federale, kërkim që synonte çmontimin e një plantacioni kanabisi.

Për largimin e bimëve të organizatës kanë ndërhyrë edhe oficerët e mbrojtjes civile.

“Si pjesë e një rasti nën hetim, policia gjyqësore federale e Lièges zbuloi mbetjet e një plantacioni në një hangar në rrugën de Droixhe në Liège dhe një plantacion marijuane me afërsisht 1000 bimë, në një magazinë në rrugën du Prince në Verviers, ku dy individë me kombësi shqiptare u hodhën në lumë”, shprehet zyra e prokurorit publik të Lièges. “Një individ me kombësi shqiptare ndodhej në rrugën de Droixhe, ku ishte i zënë me pastrimin e mbetjeve të plantacionit.”

Në total gjatë operacionit u arrestuan 5 persona.

SPANJË- Policia spanjolle ka goditur një bandë shqiptare që akuzohet se ka realizuar disa grabitje në vila në provincën e Valencias. Mediat vendase bëjnë të ditur se personat e arrestuar të gjithë shtetas shqiptarë, janë pjesë e një organizate kriminale që grabiti vila, disa prej tyre luksoze, në zonat e banuara të Betera, Paterna, Ribarroja, l’Eliana dhe San Antonio de Benageber, mes qyteteve të tjera në provincën e Valencias.

Tre hajdutët vodhën para dhe bizhuteri në pak minuta dhe hoqën sende të mëdha me vlerë, telefona celularë dhe pajisje të tjera elektronike me sisteme gjeolokimi që mund t’i jepnin ato. Ata vepronin si natën ashtu edhe ditën me shpejtësi, mjeshtëri dhe pa dhunë ndaj njerëzve. Ata preferuan të grabisnin shtëpi të pabanuara pasi ishin siguruar që ishin larguar. Një ose dy individë hynin në shtëpi, ndërsa një tjetër anëtar i bandës ruante.

Ata gjithashtu ndanë grabitjet dhe madje zëvendësuan anëtarët e grupit që kryenin grabitjet për të penguar një hetim të mundshëm të policisë. Hajdutët u arrestuan në lagjen Valenciane të La Torre dhe në qytetin Silla. Hajdutët zakonisht vepronin midis orës 7 dhe 22:00, kështu që Garda Civile me rroba civile kryente operacione vëzhgimi gjatë asaj kohe. Hetuesit përdorën mjete teknologjike për të gjetur dhe gjurmuar kriminelët, gjë që ka çuar në zbardhjen e një numri të madh grabitjesh në të paktën pesë vendndodhje në provincën e Valencias. Vende të tjera ku operoi banda janë Monte Alcedo, Les Teules, Colinas de San Antonio, Montesano dhe San Vicente.