Jo vetëm te produktet shqiptare mund të konstatohen problematika, por edhe tek ushqime të prodhuara në shtete që kanë një siguri të lartë ushqimore, siç është Franca. Një bakter tejet i rrezikshëm është zbuluar në djathin e butë francez “Französischer Weichkäse”, i cili prodhohet nga qumësht i pasterizuar.

Alarmin për praninë e bakterit “Listeria Monocytogenes” në djathë e kanë konfirmuar autoritetet gjermane pas analizave te  kryera. Bakteri Listeria është shumë i rrezikshëm për gratë shtatzëna, foshnjat , të moshuarit dhe personat me imunitet të dobësuar, pasi mund të shkaktojë infeksion në gjak, infeksion në tru dhe të palcës kurrizore.

Ndërsa simptomat tek personat e shëndetshëm janë: ethe, dhimbje muskujsh, lodhje e përgjithshme dhe diarre. Ky institucion na bën me dije se pas njoftimit të marrë nga autoritetet gjermane kanë dalë në terren për të bërë bllokimin e produktit dhe asgjësimin e tij. Inspektoret e AKU nuk kanë mundur të bllokojnë produktin, sepse e gjithë sasia e importuar në vendin tonë ka rezultuar e shitur.

Berlin- Shqiptarët nuk i kanë shpëtuar përpjekjeve të ekzekutivit të ri gjerman për të shtuar nivelin e riatdheshimeve.

Media e njohur gjermane, Welt citon Günter Krings, zëvendëskryetar i grupit parlamentar të CDU/CSU, të ketë bërë thirrje për zgjerimin e fluturimeve të tilla, ndërkohë që avioni më i fundit me shqiptarë të refuzuar, u nis nga Hanoveri.

“Ky është më shumë se një simbol”, mësohet të ketë thënë Krings. “Këto fluturime duhet të intensifikohen. Ne kemi nevojë për më shumë fluturime të tilla kthimi dhe masa dëbimi, sepse ligji i azilit ka dy anë: Ne duam t’u japim mbrojtje atyre që kanë nevojë për të – por edhe të dëbojmë ata që nuk kanë realisht nevojë, ose që e kanë humbur këtë të drejtë pasi kanë kryer akte të dhunshme”, kanë qenë komentet e tij.

Zyrtari i larte shtoi se ne gjithashtu duam t`ua bëjmë të qartë njerëzve se ata që duhet dhe mund të largohen nga vendi, nuk ka përse të presin të njëjtin nivel mbështetjeje nga shteti gjerman”.

Krings mbështeti sakaq “sistemin e paraburgimit në pritje të dëbimit për kriminelët dhe uljen e përfitimeve për të gjithë ata që duhet dhe mund të largohen nga Gjermania.

Një avion i nisur nga aeroporti Hannover-Langenhagen të hënën drejt Prishtinës dhe Tiranës, thuhet se transportonte rreth 70 persona të dëbuar, përfshirë dhe të dënuar për krime të ndryshme.Berlin- Shqiptarët nuk i kanë shpëtuar përpjekjeve të ekzekutivit të ri gjerman për të shtuar nivelin e riatdheshimeve.

Media e njohur gjermane, Welt citon Günter Krings, zëvendëskryetar i grupit parlamentar të CDU/CSU, të ketë bërë thirrje për zgjerimin e fluturimeve të tilla, ndërkohë që avioni më i fundit me shqiptarë të refuzuar, u nis nga Hanoveri.

“Ky është më shumë se një simbol”, mësohet të ketë thënë Krings. “Këto fluturime duhet të intensifikohen. Ne kemi nevojë për më shumë fluturime të tilla kthimi dhe masa dëbimi, sepse ligji i azilit ka dy anë: Ne duam t’u japim mbrojtje atyre që kanë nevojë për të – por edhe të dëbojmë ata që nuk kanë realisht nevojë, ose që e kanë humbur këtë të drejtë pasi kanë kryer akte të dhunshme”, kanë qenë komentet e tij.

Zyrtari i larte shtoi se ne gjithashtu duam t`ua bëjmë të qartë njerëzve se ata që duhet dhe mund të largohen nga vendi, nuk ka përse të presin të njëjtin nivel mbështetjeje nga shteti gjerman”.

Krings mbështeti sakaq “sistemin e paraburgimit në pritje të dëbimit për kriminelët dhe uljen e përfitimeve për të gjithë ata që duhet dhe mund të largohen nga Gjermania.

Një avion i nisur nga aeroporti Hannover-Langenhagen të hënën drejt Prishtinës dhe Tiranës, thuhet se transportonte rreth 70 persona të dëbuar, përfshirë dhe të dënuar për krime të ndryshme.

GREQI- Autoritetet greke kanë vënë në pranga një 30 -vjeçar shqiptar dhe nënën e tij. Arrestimi i tyre ka ardhur pasi u kapën duke trafikuar kokaine në Rodos. Pas arrestimit, i riu u la në paraburgim, ndërsa nëna e tij u lirua me kusht.

Hetimi filloi pas një informacioni anonim të marrë nga Nëndrejtoria e Prokurorisë dhe Hetimit të Krimeve në Rodos, sipas të cilit 30-vjeçari, i njohur për autoritetet nga një rast i mëparshëm trafikimi droge për të cilin ai ishte lënë më parë në paraburgim dhe ishte liruar me kushte kufizuese, ishte rikthyer në trafikimin aktiv të kokainës.

Siç u vërtetua që në ditët e para të mbikëqyrjes, i riu shqiptar mbante një apartament në katin përdhes në një pallat në Ialyssos, ndërsa për udhëtimet e tij përdorte një automjet që i përkiste një personi tjetër, pikërisht për të shmangur identifikimin nga autoritetet.

Aktiviteti i tij ishte shumë i dyshimtë: kryesisht në orët e pasdites dhe të natës, 30-vjeçari dilte nga shtëpia dhe hipte në automjet, duke kryer manovra të shumta kundërvëzhgimi, ndryshime të papritura drejtimi, kthesa në rrugë me një drejtim, me sa duket duke u përpjekur të dallonte çdo oficer policie që e ndiqte. Pavarësisht vështirësive, autoritetet arritën ta gjurmonin atë.

Operacioni i kapjes

Mëngjesin e 26 prillit 2025, u organizua një operacion policor. Në orën 09:10, 30-vjeçari u pa duke dalë nga shtëpia e tij. Nën mbikëqyrjen e autoritetit gjyqësor, u krye një kontroll trupor pa gjetur asgjë dhe më pas u krye një kontroll në banesën e tij, gjithashtu pa rezultate të menjëhershme.

Për shkak të indikacioneve, policia kontrolloi edhe apartamentin në katin e sipërm, ku jetonte nëna e tij, me të cilën 30-vjeçari kishte akses dhe çelësa çdo ditë. Atje, me ndihmën e një qeni të trajnuar posaçërisht për zbulimin e drogës nga policia, një qese plastike që përmbante 12 pako kokainë me një peshë totale bruto prej 882.6 gramësh u gjet në dollapin e një dhome gjum . Në të njëjtën kohë, u gjet edhe një peshore elektronike precize.

Hetimi policor zbuloi se përfitimi financiar i paligjshëm që 30-vjeçari mund të kishte nxjerrë nga trafikimi i sasisë së sekuestruar të kokainës arrinte në afërsisht 88,260 euro, duke marrë parasysh se çmimi i shitjes në Rodos është rreth 100 euro për gram.

Duke dhënë një dëshmi para hetuesit, ai mori përgjegjësinë, duke thënë se kishte një borxh prej rreth 18,000 eurosh ndaj një rrjeti trafikimi kokaine nga një rast i mëparshëm i posedimit të 220 gramëve për të cilin ishte ndaluar përkohësisht, dhe se iu kërkua urgjentisht të shlyente borxhin pas lirimit të tij, dhe për këtë arsye ai mori përsipër sasinë specifike pa dijeninë e nënës së tij. Nëna e tij, nga ana tjetër, deklaroi se nuk e kishte idenë për aktivitretin kriminal të të birit.

Teksa Kombëtarja shqiptare po përgatitet për debutimin e saj në Kualifikueset e Botërorit 2026, tifozët kuqezi kanë pushtuar rrugët e Londrës me daulle, këngë dhe valle.

Në një atmosferë të zjarrtë, shqiptarët kanë festuar në kryeqytetin anglez, duke krijuar një spektakël të veçantë para sfidës kundër Anglisë. Disa tifozë anglezë janë bashkuar në valle me shqiptarët, duke treguar një frymë miqësore dhe festive.

Ndeshja do të startojë në orën 20:45.

Dy shqiptarë, një 21-vjeçar dhe një 19-vjeçar, janë arrestuar në Perugia, Itali, nën akuzën e shitjes së drogës. Ngjarja ka ndodhur pas një kontrolli të policisë, e cila i vuri re të rinjtë duke tentuar të largoheshin me makinë. Gjatë kontrollit, në dorezën e makinës u gjetën katër pako kokainë dhe gati 300 euro. Pas kësaj, policia kryen një kontroll edhe në ambientet e akomodimit të të dyve, ku u zbuluan edhe 700 euro cash, një peshore precize dhe një sasi tjetër kokaine.

Të rinjtë u arrestuan dhe janë izoluar në paraburgim, duke pritur masën e sigurisë në gjykatë dhe hetime të mëtejshme për veprat e tyre.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Tre shqiptarë janë dënuar në Agli pasi janë kapur në një “shtëpi bari”. Mediat vendase kanë raportuar se kjo ndërtesë e përshtatur për prodhimin e lëndëve narkotike të llojit kannabis, është zbuluar nga drone të policisë.

Teksa autoritetet kanë mbërritur në vendgjarje për të bërë të mundur dhe arrestimin e autorëve, ata kanë tentuar të arratisen duke përdorur disa shkallë për të hipur lart në çati, por janë pikasur nga dronët policorë dhe nuk kanë mundur t’i shpëtojnë prangave.

Këta persona janë Ronaldo Pasha, 24 vjeç, Elvis Shira, 33 vjeç dhe Bledar Zeqo, 40 vjeç, të cilët kanë deklaruar se ishin të detyruar për të punuar në këtë aktivitet të paligjshëm pasi ishin në borxh me perosnat që i kishin ndihmuar për tu futur në rrugë ilegale në Angli. Këta persona nuk kanë precedentë të mëparshme penale dhe janë dënuar nga shteti anglez me 45 muaj burg.

Në këtë ndërtesë polciia ka sekuestruar më shumë se 5000 bimë kannabisi të kultivuara në dhoma të përshtatura për rritjen e tyre ku vlera e tyre arrin deti në 2.8 milionë paund.

Gazetari i njohur i kronikës, Jul Kasapi ka ndarë një video nga burgu i sigurisë së lartë në Kretë, ku shishet sesi të burgosurit shqiptarë qëndrojnë 6 veta në një qeli dhe nuk kanë as kushtet më minimale, pasi flenë në tokë me batanije.

Ai thotë se shteti grek dhe gardianët e burgut “Hania Kreta 1” nuk u japin as ushqim shqiptarëve të dënuar.

Madje, edhe për çdo ankesë ndaj punonjësve të sigurisë në burg, u shtohet gjashtë muaj dënim.

“Çdo i dënuar shqiptar në burgjet Greke përballet me kushte çnjerëzore. Pas historive të cilat kanë përfunduar në tragjedi me gardianë grekë burgjesh, pas trajtimeve makabre të cilat edhe janë filmuar në paraburgimet Greke e kur Greqia zyrtare tallet me gazetarët shqiptarë e kryeministri shkon e bën paradë muzikore, në burgjet e fqinjëve jeta e shqiptarëve është bërë lojë gardianësh. Pavarësisht se video më poshtë do të shërbejë si dënim mbi dënim duhet treguar se shqiptarëve nuk u jepet bukë, mbi 6 persona në një dhomë, po i the gardianit “mos më ofendo” ke për taksirat 6 muaj burg plus, nëse shteti ka për detyrë të paguajë ushqimin paratë shkojnë tek drejtori. Pamjet tregojnë burgun e sigurisë së lartë Hania Kreta 1”, shkruan Jul Kasapi.

Gazetari kujton dhe një reagim të pak kohe më parë të Kombeve të Bashkuara, të cilat i kërkuan Izraelit hetim për një shtetas palestinez që vdiq në qeli, dhe shpreson se edhe qeveria shqiptare do të ketë kurajo të kërkojë trajtim dinjitoz për shqiptarët që përballen me masa fashiste në burgjet greke.

Pas më shumë se 24 orë kërkimesh, forcat e kërkim-shpëtimit kanë arritur të gjejnë trupin e pajetë të shtetasit L.A, 30 vjeç, i cili një ditë më parë kishte rënë në një humnerë në vendin e quajtur “Maja e Thatë”.
Shërbimet e Policisë Tropojë dhe ekipi i kërkim-shpëtimit kanë nxjerrë dhe tre shtetas të tjerë kosovarë të cilët kishin mbetur të bllokuar dhe ishin në gjendje të mirë shëndetësore.

Gjiknuri u shpreh se opozita e kushtëzoi reformën me disa propozime të pandershme duke e futur në ngërç.

Sipas tij, paketa e mazhorancës nuk është reformë zgjedhore, por adresimi i 2 çështjeve që vijnë nga vakumi i krijuar nga vendimi i Gjykatës Kushtetuese, siç është pragu dhe vota e diasporës.

“Nëse ndryshimet në reformën zgjedhore nuk miratohen brenda korrikut janë pamundura të zbatohen në 2025. Aty u kushtëzua me disa gjëra që unë i kam quajtur propozime të pandershme, ngre një oferte që nuk pranohet dhe thua unë e bëra timen. Paketa jonë nuk është reformë zgjedhore, është adresimi i 2 çështje që burojnë nga vendime të Gjykatës Kushtetuese që kanë krijuar një vakum ligjor, çështja e pragut dhe vota e diasporës. Ne propozuam të adresojmë këto propozime. Dështimi në dialog në politikën shqiptare ka kohë që ndodh. Ne paraqitëm një propozim që ka marrë parasysh projekt ligjin e propozuar nga deputetët e opozitës, mes të cilëve edhe Bardhi”, tha Gjiknuri.

Shqiptarët, janë ata që përjetojnë më shumë trishtim, stres e dhimbje fizike se gjithë vendet e tjera të Ballkanit, sa i përket pesë përvojave negative. Nga ana tjetër, pas Kosovës, jemi ata që përjetojmë më shumë kënaqësi, ndjesi çlodhje, buzëqeshim më shumë e trajtohemi me më shumë respekt.

Të dhënat u bënë të ditura në raportin e Gallup Global Emotions 2024, i cili ofron një pamje të matjeve më të fundit të përvojave pozitive dhe negative të përditshme të njerëzve.

Gjetjet bazohen në afro 146,000 intervista me të rritur, në 142 vende dhe zona në vitin 2023.

Indekset e përvojës pozitive dhe negative të Gallup-it, matin gjërat e paprekshme të jetës -ndjenjat dhe emocionet -që treguesit ekonomikë tradicionalë si PBB-ja, nuk arrijnë t’i pasqyrojnë.

Çdo indeks, ofron një fotografi në kohë reale e përvojave të përditshme të njerëzve, duke u ofruar udhëheqësve njohuri mbi shëndetin e shoqërisë, që nuk mund t’i mbledhin vetëm nga treguesit ekonomikë.

A i keni përjetuar ndjenjat e mëposhtme gjatë një pjese të madhe të ditës së djeshme? Ja si u përgjigjën të anketuarit shqiptarë:

Zemërim

24 për qind e shqiptarëve pohuan se një ditë më parë përjetuan zemërim, ndërsa 74% jo

Trishtim

29% u ndjenë të trishtuar, 70% nuk përjetuar trishtim, 1% refuzoi të përgjigjet.

Stres

49% përjetuan stres në ditën pararendëse, 50% jo, 1% refuzoi të përgjigjet.

Shqetësim

40% ishin të shqetësuar, 60% jo

Dhimbje fizike

46% e të anketuarve ndjen dhimbje fizike një ditë më parë, ndërsa 53 për qind jo, 1 %refuzoi të përgjigjet. (më të lodhurit në rajon)

Kënaqësi

68 për qind e të anketuarve përjetuan kënaqësi, 31% jo, 1% refuzuan të përgjigjen

Të çlodhur

65% u ndjen të çlodhur, 34% jo, 1 % refuzuan

Mësuat apo bëtë diçka interesante

35% mësuan apo bën diçka interesante, 65% jo, 1% refuzuan

Buzëqeshët ose qeshët

74% kanë arritur të buzëqeshin, 25% jo, 1 % kanë refuzuar të përgjigjen

U trajtuan me respekt

92% u trajtuan me respekt, 7% jo, 1% refuzuan.

Në Europë më të stresuarit janë grekët, më pak të zemëruar janë finlandezët dhe portugezët, më pak të mërziturit janë shtetasit e Kosovës dhe të Polonisë.

Emocionet negative bien globalisht për herë të parë që nga viti 2014 Bota u përfshi nga konflikti në vitin 2023 – ndërsa lufta midis Ukrainës dhe Rusisë vazhdoi dhe një e re shpërtheu mes Izraelit dhe Hamasit – por ishte mirë emocionalisht sesa në kulmin e pandemisë.

Emocionet negative u ulën për herë të parë në një dekadë, dhe emocionet pozitive u kthyen në nivelet para pandemisë.

Ulet indeksi i përvojave negative

Në nivel global, Indeksi i Përvojave Negative të Gallup ra për herë të parë që nga viti 2014. Të pesë emocionet negative që përbëjnë indeksin, ranë midis 2022 dhe 2023, ku stresi shënoi rënien më të madhe.

Tridhjetë e shtatë për qind e të rriturve në mbarë botën, u ndjenë të stresuar në vitin 2023, tre pikë përqindje më poshtë se vitin e kaluar, por shumë më lart se ku ishte një dekadë më parë (33%) dhe vitet para kësaj.

Guinea dhe Izraeli udhëheqin në përvoja negative

Afganistani nuk shënon më pikët më të këqija në Indeksin e Përvojës Negative. Guinea, e cila vazhdon të

përballet me pasigurinë, pas një grusht shteti ushtarak në 2021, shënoi pikën më të lartë në botë në indeksin e vitit 2023, 53 pikë. Stresi u rrit në nivele rekord në Guinea, duke u rritur me 10 pikë midis 2022 dhe 2023.

Izraeli, të cilin Gallup e anketoi dy javë pas sulmeve të Hamasit më 7 tetor, fitoi një vend në këtë listë për herë të parë, me një rezultat 47 pikë – në të njëjtin nivel me Afganistanin dhe Liberinë. Në vitin 2022, Izraeli u rendit ndër vendet me rezultatet më të ulëta në botë në këtë indeks.

Rezultati i indeksit të Izraelit, u përkeqësua nga rritjet në nivel rekord të emocioneve negative, si pasojë e sulmeve. Shumica e izraelitëve përjetuan shqetësim (67%), stres (62%) dhe trishtim (51%) në mënyrë të paprecedentë. Mbi një në tre izraelitë (36%), thanë se përjetuan shumë zemërim – jo një nivel i ri, por ende përqindja më e lartë, që nga viti 2013.

Rimëkëmbet plotësisht indeksi i përvojave pozitive

Duke përforcuar më tej, se 2023 ishte një vit më i mirë për shëndetin emocional të botës, përvojat pozitive u kthyen në nivelet para pandemisë, teksa përmirësimi kishte nisur në 2022.

Njerëzit nën 30 vjeç vazhduan të ishin më pozitivët nga të gjitha grupmoshat. Më tej, pozitiviteti i tyre u rikthye më shpejt, me emocionet që arritën nivelet para pandemisë, një vit më herët se grupmoshat më të vjetra.

Pjesa më e madhe e përmirësimit të indeksit në vitin 2023, ndodhi tek ata të moshës 30 vjeç e lart.

Bota mësoi diçka në 2023

Për gati dy dekada, përqindja e njerëzve në mbarë botën, që thanë se mësuan ose bënë diçka

Interesante, rrallë ka kaluar 50%. 54%, që e bënë këtë në 2023, përfaqëson një rekord të lartë.

India, Islanda, Greqia dhe Kina panë rritje dyshifrore në këtë tregues në vitin 2023.

Më shumë njerëz në të gjitha grupmoshat, thanë se i kishin këto mundësi në 2023, krahasuar me një vit më parë, por personat më të rinj se 30 vjeç, vazhduan të kenë më shumë gjasa ta thonë këtë (59%).

Përqindjet tek moshat më të mëdha gjithashtu arritën nivele të larta (54% për ata të moshës 30 deri në 49 vjeç dhe 50% për ata të moshës 50 vjeç e lart).

Afganistani pak më pak i zymtë, por ende më pak pozitiv në botë

Rezultatet e Indeksit të Përvojave Pozitive në mbarë botën, varionin nga 86 në Paraguaj dhe Panama, në një nivel të ulët 38, në Afganistan, i cili ka shënuar pikët më të ulëta në botë pothuajse çdo vit, që nga viti 2017.

Rezultati i Afganistanit në indeks, ishte pak më i lartë në 2023, sesa ishte në 2021 ose 2022 pas marrjes së pushtetit nga talebanët. Megjithatë, rezultati i tij prej 38, mbetet më i ulëti në botë dhe shumica e afganëve janë ende duke jetuar në mjerim.

Sondazhet e Gallup, treguan se afganët në përgjithësi, po e vlerësonin jetën e tyre aq dobët, sa konsideroheshin të vuajtur.

Pjesa më e madhe e përmirësimeve të kufizuara të kohëve të fundit, në emocionet pozitive, ka ndodhur te meshkujt afganë. Në vitin 2023, burrat afganë shënuan 42 në indeks, krahasuar me 34 për gratë afgane.

Afganistani është renditur si vendi më pak pozitiv në botë, çdo vit që nga viti 2017, përveç vitit 2020, kur Gallup nuk mundi të vëzhgonte vendin, për shkak të pandemisë. Pas rënies në një nivel të ulët rekord global nga 32 në 2021, rezultatet janë rritur çdo vit, duke arritur në 38 në 2023.

Mbi një në pesë të rritur në mbarë botën ndjehen të vetmuar

Duke pasur parasysh kërcënimin thelbësor, që paraqet vetmia dhe izolimi për shëndetin dhe mirëqenien e njerëzve, Gallup kohët e fundit ka shtuar ‘vetminë’, në listën e emocioneve negative, për të cilat pyet botën.

Një analizë e marrëdhënieve midis vetmisë dhe emocioneve të tjera, zbulon se njerëzit, që thanë se ndjeheshin të vetmuar, kishin më pak gjasa të përjetonin emocionet pozitive.

Matja fillestare e Gallup në vitin 2023, tregoi se mbi një në pesë të rritur në mbarë botën (23%), raportuan ndjenja vetmie gjatë shumë ditëve. Megjithatë, përvojat e vetmisë varionin gjerësisht në botë, nga niveli më i lartë prej 45% në kombin ishullor të Komoros, në një nivel më të ulët prej 6% në Vietnam./Monitor