Një shqiptar që kishte hyre ilegalisht në Britaninë e Madhe me një gomone është burgosur pasi u kap duke u kujdesur për një fermë kanabisi në Tyneside.

Oficerët e policisë shkuan në një shtëpi në Gateshead, më 2 tetor të këtij viti pas një raportimi për një fermë të mundshme kanabisi.
Nga kontrolli u zbulua se në tre dhomat e sipërme kishte rreth 140 bimë kanabisi. Oficerët vlerësuan se bimët kishin vlerë rreth 1,000 £ secila, që do të thotë se ato të gjetura kishin vlerë rreth 140,000 £. Edhe furnizimi me energji elektrike ishte anashkaluar.

Hyseni, 23 vjeç, pa adresë fikse, u deklarua fajtor për prodhimin e kanabisit dhe u burgos për 16 muaj në gjykatën e Newcastle Crown. Gjykatësi Tim Gittins tha se “siç ndodh shpesh, ata që drejtojnë operacionin dhe bëjnë fitimet reale të kanë lënë të përballesh me përgjegjësinë”.

Avokati Charlie Thompson tha se klienti i tij nuk kishte asnjë përgjegjësi për bimët dhe as pronësinë e tyre. Ai thjesht i ujiti ato dhe u sigurua që të merrnin mjaftueshëm dritë.

Gjykata penale e Leuven në Belgjikë ka dënuar 9 anëtarë të një bande me origjinë shqiptare me dënime deri në 5 vjet burg. Mësohet se organizata kriminale operonte në nëntë plantacione kanabisi.

Po ashtu gjykata shpalli të konfiskuar 2.7 milionë euro.

Të dy udhëheqësit organizuan logjistikën dhe mbledhjen e të korrave ndaj edhe F. B dhe S. J morën dënimet më të rënda.

Autori me incialet F. B mori katër vjet burg, një gjobë prej 32 mijë eurosh dhe duhet t’u kthejë palëve civile më shumë se 200 mijë euro.

Autori tjetër me inicialet S. J mori një dënim me pesë vjet burg, një gjobë 40,000 euro dhe gjithashtu duhet të paguajë pothuajse 200,000 euro palëve civile.

Ndërsa i gjithë fitimi u konfiskua, por për shkak se anëtarët e bandës ishin pjesë e një organizate më të madhe, dy figurat kryesore duhet të paguajnë të dy 500 mijë euro.

Shqiptarët e tjerë morën 30 muaj burg dhe 8000 euro gjobë. Plantacionet që ishin aktive midis tetorit 2020 dhe janarit 2023 ishin të vendosura në dhe rreth Leuven dhe një në zonën e Antwerp.

Një organizatë kriminale e dedikuar në trafikun e drogës është çmontuar nga policia spanjolle në Ogíjares. Gjatë kontrollit të dy shtëpive në këtë zonë, të lidhura përmes bodrumit, u çmontua një plantacion i madh i marijuanës, i fshehur në një garazh, i cili kishte 640 bimë në gjendje të avancuar të lulëzimit, përveç 10,200 eurove cash, 670 gram sytha marihuane, etj.about:blank

Anëtarët e dyshuar të kësaj organizate janë dy burra të moshës 24 dhe 33 vjeç, me kombësi shqiptare dhe pa dosje policore të mëparshme, së bashku me dy shtetas spanjollë, përkatësisht 49 dhe 61 vjeç. Më i riu i të arrestuarve shqiptarë tashmë është burgosur me vendim të autoritetit gjyqësor.

Agjentë të specializuar në luftën kundër trafikut të drogës në Granada kanë zhvilluar një operacion kundër organizatave kriminale të dedikuara për kultivimin dhe trafikimin e marijuanës në nivel ndërkombëtar.

Hetimi filloi muaj më parë dhe, sipas informacioneve të marra, marihuana mund të rritej në një shkallë të gjerë brenda një shtëpie të vendosur në qytetin e Ogíjares. Pas kryerjes së hetimeve përkatëse dhe marrjes së provave të mjaftueshme në lidhje me ekzistencën e kultivimit të paligjshëm, agjentët kryen operacionin për zbërthimin e tij dhe arrestimin e personave që dyshohet se janë përgjegjës.

Pas marrjes së urdhrit të gjykatës për të kryer kontrollin, agjentët kanë shkuar në vendin ku ndodhej shtëpia e lidhur me organizatën kriminale dhe kanë mundur të verifikojnë se në bodrumin e shtëpisë kishte një tunel që komunikonte me një shtëpi ngjitur, e cila gjithashtu ishte marrë me qira nga të arrestuarit.

Brenda garazhit të njërës prej shtëpive, gjithsej 640 bimë marihuanë në gjendje të avancuar lulëzimi ndodheshin në një mjedis të përshtatur për të lehtësuar rritjen e shpejtë vegjetative. Në garazhin e shtëpisë së dytë u gjet një tjetër plantacion me marihuanë tashmë të korrur. Të dyja shtëpitë kishin një lidhje të paligjshme me rrjetin e furnizimit me energji elektrike.

Brenda, ata arrestuan dy nga autorët e dyshuar të plantacionit në fjalë. Bëhet fjalë për dy meshkuj me kombësi shqiptare, 24 dhe 33 vjeç. Më pas, agjentët arrestuan dy burra të tjerë me kombësi spanjolle, të cilët ishin përgjegjës për mbështetjen e veprimtarisë kriminale të dy shqiptarëve.

Dy shtetas shqiptarë, të cilët u arrestuan nga autoritetet britanike duke rritur kanabis brenda një banesë në zonën e Windsor, janë dënuar me nga dy vite burg secili.

Bëhet fjalë për Amarlid Nezha dhe Gridi Fatia, të cilët jetonin ilegalisht në Britani dhe u arrestuan në flagrancë teksa kujdesshin brenda një ‘shtëpi bari’ në rajonin Berkishire. Gjatë kontrollit fizik në banesë, policia gjeti dhe sekuestroi 276 bimë kanabisi me vlerë 200,000 deri në 800,000 mijë paund.

Nezha dhe Fatia kishin paguar disa mijë paund për të shkuar në Britani dhe kishin punuar si bukëpjekës dhe në ndërtim, deri në momentin kur u dërguan nga trafikantët për të punuar si “kopshtarë”.

Mediat britanik shkruajë se ka mundësi deportimi për 2 shqiptarët, pas shlyerjes së dënimit.