Është shtyrë procesi gjyqësor për Sali Berishën dhe dhëndrin e tij, Jamarbër Malltezin, të përfshirë në dosjen “Partizani”.

Seanca e ardhshme do të mbahet më 15 shtator, mbrojtja kërkoi përjashtimin e trupës gjykuese.

Avokati Genc Gjokutaj nga seanca ka thënë se ‘Gjyqtarët nuk ofrojnë gjykim të paanshëm pasi janë nën vëzhgim nga SPAK. Kemi një kërkesë për të përjashtuar treshen gjykuese nga procesi’.

Ish-kryeministri Sali Berisha dhe dhëndri i tij, Jamarbër Malltezi janë nën akuzë për korrupsion e pastrim parash.

Këtë të premte, në Gjykatën e Posaçme kundër Korrupsionit dhe Krimit të Organizuar ishte planifikuar seanca gjyqësore për Ilir Metën, i cili kërkon ndryshimin e masës së sigurisë nga “arrest në burg”.

Seanca është shtyrë për në datën 26 qershor. Pas seancës, avokati i tij Kujtim Cakrani deklaroi se ish-presidenti “është në formë perfekte, bën palestër, i bën të gjitha veprimet”.

Prej tetë muajsh si i paraburgosur, Meta kërkon që gjykata të detyrojë SPAK-un që të raportojë mbi veprimet që po kryen dhe të informojë mbi gjendjen e procedimit, pasi ka bindjen se akuza nuk ka administruar asnjë provë prej 20 tetorit kur dhe e arrestoi.

Meta i thotë gjykatës se ka qenë në dispozicion të hetimeve, ndërsa i kujton faktin që është lideri opozitar i Partisë së Lirisë dhe ky është një argument tjetër përse gjykata duhet ta lirojë.

Seanca paraprake për çështjen e privatizimit të ish-kompleksit sportiv “Partizani” është shtyrë për datën 11 prill.

Dosja lidhet me privatizimin e ish-kompleksit sportiv të klubit Partizani, një çështje që ka qenë në qendër të hetimeve për korrupsion dhe shkelje të ligjit.

Ish-kryeministri Sali Berisha dhe dhëndri i tij, Jamarbër Malltezi janë nën akuzë në lidhje me privatizimin e ish-kompleksit.

Mësohet se shkak për shtyrjen e seancës paraprake është bërë mungesa e avokatit Klodian Skënderi në seancë.

Seanca për shqyrtimin fillestar në rastin e vrasjes së Liridona Ademajt është shtyrë për të premten. Kjo për arsye se avokatët mbrojtës kanë kërkuar më shumë kohë se nuk i kishin pranuar materialet me kohë.

Naim Murseli, Granit Plava, Kushtrim Kokalla u sollën në gjykatë të prangosur këmbë e duar, ndërsa i pranishëm ishte edhe i akuzuari i katërt Tom Dedaj. Para fillimit të seancës, kontrolle të detajuara iu bënë edhe anëtarëve të familjes së Liridona Ademajt.

Seanca nisi me pyetjet e përgjithshme për të akuzuarit, ndërsa mori vëmendje pyetje për statusin martesor për Naimin dhe punësimin e Kushtrimit.

Një magazinë në fshatin Këllëz, në bashkinë Gjirokastër është përfshirë nga flakët.

Raportohet se si pasojë e flakëve janë djegur materiale pune dhe një ton raki, ndërsa fatmirësisht nuk ka pasur dëme në njerëz.

Shkaku i zjarrit mendohet të ketë qenë një shkëndijë elektrike, ndërsa flakët të cila u përhapën shpejt si shkak i erës së fortë, janë vënë nën kontroll falë ndërhyrjes së shpejtë nga forcat zjarrëfikës.

Ditën e sotme në Gjykatën e Posaçme është zhvilluar seanca paraprake ndaj ish-kryeministrit Sali Berisha.

Por pak minuta më pas, seanca është shtyrë për në datën 16 dhjetor, në orën 11:00. Berisha përmes avokatit të tij, kishte kërkuar pushimin e çështjes së ngritur ndaj tij.

Shefi i opozitës ndodhet në ‘arrest shtëpie’ që nga 30 dhjetori i vitit të kaluar në kuadër të hetimeve për privatizimin e ish-kompleksit Partizani.

Berisha u mor i pandehur dhe iu komunikua akuza “korrupsion pasiv kryer në bashkëpunim” që në 11 shtator të vitit të kaluar. Po ashtu edhe dhëndri i tij, Jamarbër Malltezi u mor i pandehur nga SPAK dhe akuzohet për të njëjtën vepër penale.

Shtyhet seanca gjyqësore për inceneratorin e Fierit.

Lajmi konfirmohet nga burimet për media, teksa shkak i shtyrjes është bërë pasi palët janë tek inceneratori i Elbasanit.

Ndërkohë po zhvillohet seanca gjyqësore për inceneratorin e Elbasanit, ku SPAK kërkoi në Apelin e Posaçëm ndryshimin e vendimit të shkallës së parë, që shpalli të pafajshëm për akuzën “shpërdorim detyre” ish deputetin socialist Alqi Bllako dhe ish ministrin e Mjedisit Lefter Koka.

Sistemi i ri i hyrje-daljeve (Entry/Exit System – EES) i Bashkimit Evropian – i paraparë të hynte në fuqi nga 10 nëntori i këtij viti – është shtyrë për një kohë të papërcaktuar, për shkak se një pjesë e vendeve anëtare të bllokut nuk janë ende të gatshme për përdorimin e tij.

EES, i cili u krijua në nëntor të vitit 2017, është sistem i paparapë për udhëtarët nga vendet joanëtare të bllokut.

Komisionarja e BE-së për punë të brendshme, Ylva Johanson, e bëri të ditur lajmin të enjten, por nuk tregoi se kur mund të hyjë ai në fuqi.

Me sistemin EES, të gjithë qytetarët nga vendet jo anëtare udhëtojnë për në BE, duhet t’i regjistrojnë në një sistem të veçantë digjital hyrjen dhe daljet e tyre në dhe nga territori i vendeve të BE-së. Në vendkalimet kufitare, ata duhet të lënë edhe të dhënat personale, përfshirë edhe gjurmët e gishtërinjve dhe të dhënat e tjera biometrike.

Ky sistem është konsideruar si i nevojshëm për ta rritur sigurinë e Bashkimit Evropian, për të pasur një kontroll se kush hyn në BE, si edhe për t’i luftuar dhe sanksionuar keqpërdorimet nga ata që mund të hyjnë pa viza, por pastaj nuk i respektojnë rregullat. Disa ekspertë të vendeve anëtare kanë paralajmëruar se ky sistem ka mundësi t’i rrisë pritjet edhe ashtu të gjata në kufijtë e jashtme të Bashkimit Evropian.

Ndër vendet të cilat nuk janë gati për të nisur me 10 nëntor zbatimin e këtij sistemi, janë përmendur Gjermania, Franca dhe Holanda.

Komisioni Evropian dhe vendet anëtare të BE-së do të punojnë për të përgatitur zbatimin e këtij sistemi, por data se kur do të nisë kjo nuk është përmendur.

Ky sistem nuk është njëlloj sikur sistemi ETIAS, i cili do të duhej të hyjë në fuqi vitin e ardhshëm.

ETIAS është një sistem i cili u kërkon shtetasve të vendeve të treta të regjistrohen në sistemin e saj para se të udhëtojnë drejt BE-së dhe të presin konfirmimin. Konfirmimin e marrin për një periudhë trivjeçare./REL

Për më shumë se 3 orë në GJKKO është zhvilluar senaca paraprake për dosjen Metamorfoza.
Vetë kreu i Spak Altin Dumani dhe Arben Kraja ishin të pranishëm ku lexoi gjetjet e prokurorisë për Pllumb Gjokën Behar Brajovic,Edmond Preka, Astmer Bilali, Ardit Hasanbegaj, Oltion Bistri dhe Xhevahir Lita.
Sipas avokatëvë mbrojtës , pas më shume se një viti Prokuroria e Posacme ka pranuar që provat e grumbulluara nga zbërthimi i
Sky ECC nuk jane dokumenta sic kanë pretenduar deri më tani, por janë përgjime.

Në seancë gjykim të shkurtuar kërkuan Xhehavir Lita, Oltion Bistri dhe Astmer Bilali.
Seanca e kësaj të marte u shty për nje ditë tjetër, për shkak të orarit të zgjatur.
Komunikimet e gjetura në Sky Ecc dhe që tashme po përdorën si provë penale ka hapur debat gjyqsore.
Avokatët e Pllumb Gjokës kanë kërkuar pavlefshmëri të tyre në gjykatën kushtetuese.

Padia ka kaluar në dhomë këshillimi, ndërsa pritet të caktohet një datë për shqyrtimin e saj nga anëtarët e Gjykatës Kushtetuese.
Në dosjën Metamofoza u zbuluan vrasje, tentative vrajsjësh dhe një sër krimesh të tjera ku protagonist ishin edhe ish shefi i operacionales Oltion Bistri dhe ish prokurori Xhevahir Lita.
Ky operacion goditi një grup kriminal në Shkodër dhe provat e mundësuan pikqrisht nga Franca dhe Belgjika.

Më 3 tetor në orën 09:00 është shtyrë seanca e radhës për dosjen e “Sterilizimit” ku i pandehur është edhe ish-ministri i Shëndetësisë Ilir Beqaj.

Shkak u bë tejzgjatja prej 4 orësh e seancës dhe mosarritja që të ezaurohej leximi i akteve nga SPAK. Ndërkohë, gjatë seancës pati një pretendim të ngritur nga Beqaj e që lidhet me thirrjen e tij në fillim të tetorit, në Komisionin Hetimor Parlamentar të ngritur për çështjen e sterilizimit.

Ilir Beqaj: Jam thirrur në Komisionin Hetimor për të paraqitur pretendimet e mia dhe për të dhënë sqarime para deputetëve. Kam ndërkohë nga një tjetër trupë gjykuese një masë sigurie (për dosjen SASPAC), sa kohë do më jepet për të përgatitur qëndrimet e mia? Ky nuk është shqetësimi më i madh, pasi do duhet t’i zbërthej në komision të gjitha aktet dhe argumentet një pjesë e të cilave përbëjnë sekret hetimor, dhe deklarimet e mia atje mund të përbëjnë shkelje të vendimit të gjykatës për mosnxjerrje të sekretit hetimor. Dua të di qëndrimin e gjykatës.

Togat e zeza thanë se mbrojtja e Beqajt duhej ta paraqiste një kërkesë të tillë zyrtarisht që gjykata të dalë me një vendimmarrje rreth pretendimit të ish-ministrit. Çështja e “Sterilizimit” ka ngecur në seancë paraprake për shkak të dosjes voluminoze e ku mbrojtja ka kërkuar që SPAK ta lexojë në gjyq çdo akt, duke ngadalësuar kështu procesin.

Për dosjen e “Sterilizimit”, Beqaj akuzohet për shpërdorim detyre ndërsa u la në masën detyrim paraqitje. Ish-zëvendësi i tij Klodian Rrjepaj dhe biznesmeni Ilir Rrapaj ndodhen në qeli, ndërsa masa sigurie u caktuan për anëtarët e komisionit të vlerësimit të ofertave.