Gjatë 24 orëve të fundit janë regjistruar 26 vatra zjarri në vend. Nga këto vatra, 21 janë shuar plotësisht, 4 vijojnë ende aktive, ndërsa 1 vatër ndodhet në monitorim nga autoritetet përkatëse.

Vatra të izoluara dhe të shuara

Është bërë izolimi i plotë dhe shuarja e zjarreve në: Havalehas (Kuçovë), Krutje (Lushnjë), Rubjek (Shijak), Lagjja nr.10 (Korçë), Drobonik (Berat), Kotë (Selenicë), Kameras (Durrës), Martalloz (Memaliaj), Stadiumi dhe puset e naftës (Kuçovë), Fushë Milot (Kurbin), “Gjëmbi” (Selenicë), Lanabreges (Tiranë), Bogovë (Skrapar), Durisht (Tiranë), Barbullush (Vau Dejës), Bogiç-Palvar (Malësi e Madhe), Katundi i Ri (Durrës), Mjull Bathore (Tiranë), Hamallaj (Durrës), Parku Natyror Gërmenj (Kolonjë), si dhe midis fshatrave Nivicë, Salari e Dhëmblan (Tepelenë).

Vatra aktive

Aktualisht vijojnë të jenë aktive 4 vatra zjarri:

Në fshatin Pezë Helmës, bashkia Tiranë, ku janë të pranishme disa vatra të izoluara që po mbahen në monitorim nga zjarrfikësit.
Në fshatin Fage, bashkia Tiranë, ku zjarri është aktiv dhe në monitorim nga zjarrfikësit, forcat bashkiake dhe vullnetarët.
Në fshatin Miras, bashkia Devoll, ku ka prani tymi në disa zona dhe rreth 100 forca janë angazhuar për shuarjen e flakëve.
Në lagjen Boje, bashkia Krujë, ku dy vatra po përfshijnë sipërfaqe pyjore me pisha në zonë të mbrojtur.
Ndërkohë, vatra e zjarrit në fshatin Delisuf, bashkia Vlorë, është nën monitorim, ndërsa situata është e qetë dhe pa prani tymi.

Gjatë 24 orëve të fundit janë raportuar 21 vatra zjarri në disa bashki të vendit, prej të cilave 5 mbeten ende aktive. Zjarret janë përhapur kryesisht në sipërfaqe me shkurre dhe bimësi të ulët, duke shkaktuar dëme të konsiderueshme në mjedis.

Bashkitë e Prekura

Vatrat janë evidentuar në bashkitë: Dibër, Vlorë, Rrogozhinë, Tiranë, Kamëz, Dimal, Përmet, Këlcyrë, Gjirokastër, Librazhd, Belsh, Lezhë, Kurbin, Roskovec, Pogradec dhe Korçë.

Deri më tani, janë djegur rreth 91 hektarë sipërfaqe, si dhe 20 rrënjë ullinj.

Vatrat ende aktive

Qarku Dibër – “Livadhi i Peladhisë”, Bulqizë

Zjarri ka pasur intensitet të ulët, pa rrezik për përhapje në zonat pyjore. Deri më tani janë djegur rreth 19 hektarë. Në terren janë angazhuar 8 efektivë të zjarrfikëses, 6 të shërbimit pyjor, 4 forca bashkiake dhe 4 vullnetarë. Sot, situata po mbahet nën kontroll nga 4 forca të tjera operacionale.

Parku Kombëtar Lurë – “Liqeni i Luleve”, Dibër

Një nga vatrat më problematike, me shtrirje të madhe gjatësore, që përfshin sipërfaqe me pisha dhe livadhe. Janë përfshirë rreth 30 ha, ndërsa në terren po punojnë mbi 60 forca, përfshirë efektivë të zjarrfikëses, AdZM, forca bashkiake, vullnetarë dhe 30 trupa nga Forcat e Armatosura (FA).

Qarku Tiranë – Fshati Zambish, Rrogozhinë

Zjarri në një sipërfaqe me dushqe është përhapur në disa fshatra përreth: Hemenraj, Murroj, Çek, Memollaj dhe Berdajt. Janë përfshirë rreth 20 ha, ndërsa disa banesa janë rrezikuar. Në operacion janë angazhuar 17 efektivë zjarrfikës, 20 forca bashkiake, 10 vullnetarë dhe një helikopter i FA.

Qarku Elbasan – “Mal Plak”, Librazhd

Zjarri në një zonë pyjore vijon të mbahet nën kontroll nga 1 mjet zjarrfikës, 8 efektivë dhe 10 vullnetarë. Shkaku i rënies mbetet i panjohur.

Qarku Korçë – Fshati Udenisht, Pogradec

Zjarri është riaktivizuar në një zonë me pyll pishe dhe shkurre. Forcat vendore të MZSH dhe AdZM janë në terren për shuarjen e tij. Në total janë angazhuar 459 forca zjarrfikëse, ushtarake dhe vullnetare, 38 automjete zjarrfikëse, 90 efektivë të Forcave të Armatosura dhe 3 helikopterë për mbështetje ajrore.

Sipas Institutit të Gjeoshkencave, sot nuk priten reshje atmosferike. Rreziku për zjarre mbetet i lartë në qarqet: Durrës, Tiranë, Fier dhe Vlorë, ndërsa në qarqet e tjera rreziku është në nivel të moderuar, me disa zona të lokalizuara me rrezik të lartë, si Shkodër (jug), Kukës (jugperëndim), Korçë (veri)

Autoritetet i bëjnë thirrje qytetarëve që të tregojnë kujdes maksimal, të mos ndezin zjarre në natyrë dhe të shmangin çdo veprim që mund të rrezikojë përhapjen e flakëve. Në rast zjarri, njoftoni menjëherë shërbimet zjarrfikëse. Vetëm me bashkëpunimin dhe ndërgjegjësimin e të gjithëve mund të mbrojmë mjedisin, pronën dhe jetën e njerëzve.

Tiranë, 4 Korrik 2025 – Gjatë 24 orëve të fundit janë evidentuar 21 vatra zjarri në disa zona të vendit, ku aktualisht 4 prej tyre mbeten aktive. Forcat operacionale janë në terren dhe po vijojnë ndërhyrjet për neutralizimin e plotë të flakëve.

Vatrat aktive janë të përqendruara në:

Bashkia Elbasan – Në vendgrumbullimin e mbetjeve urbane, ku po punohet për shuarjen përfundimtare të zjarrit përmes hedhjes së inerteve dhe kapsulimit të mbetjeve. Paralelisht, një grup ekspertësh ka kryer matjet për ndotjen e ajrit në zonë.

Bashkia Finiq – Midis fshatrave Grazhdan (njësia Livadhja) dhe Malçan (njësia Dhivër), ku situata mbetet nën monitorim të vazhdueshëm, pavarësisht përmirësimit të kushteve në terren.

Bashkia Tiranë – Në fshatin Bulticë, njësia administrative Vaqarr, ku zjarri ka përfshirë sipërfaqe me shkurre dhe ferra. Forcat zjarrfikëse, me mbështetjen nga ajri të helikopterit Cougar, vijojnë punën për kontrollin e flakëve.

Bashkia Has – Në zonën malore mes fshatrave Gjinaj dhe Domaj, ku terreni i vështirë dhe era po e vështirësojnë ndërhyrjen në një sipërfaqe me pyll pishe. Forcat në terren janë të angazhuara për izolimin e vatrës.

Sipas raportimeve zyrtare, si pasojë e këtyre zjarreve janë djegur rreth 6 hektarë sipërfaqe me bimësi, përfshirë pemë, shkurre dhe barishte.

Në përballimin e situatës janë angazhuar:

232 forca operacionale

36 automjete zjarrfikëse

Forcat e Armatosura, me 35 efektivë, 4 automjete zjarrfikëse, 4 kamionë vetëshkarkues, 1 traktor me zinxhirë dhe 1 helikopter Cougar

Grup ekspertësh për matjen e ndotjes së ajrit

Rreziku për përhapjen e zjarreve mbetet i lartë. Sipas Institutit të Gjeoshkencave, sot pritet niveli “I LARTË” i rrezikut pothuajse në të gjitha qarqet, përveç Korçës dhe Vlorës ku vlerësohet si “I MODERUAR”, me rritje të mundshme në zona të veçanta.

Ministria e Mbrojtjes i bën thirrje qytetarëve për kujdes dhe përgjegjësi maksimale, duke shmangur çdo veprim që mund të shkaktojë zjarr:

“Mos ndizni zjarre në ambiente të hapura dhe mos digjni mbeturina. Edhe pakujdesia më e vogël mund të ketë pasoja të rënda për mjedisin, pronën dhe jetën e njerëzve. Në rast zjarri, njoftoni menjëherë shërbimet zjarrfikëse.”

Vetëm përmes bashkëpunimit dhe ndërgjegjësimit të komunitetit mund të parandalohet përhapja e zjarreve dhe të mbrohet mjedisi.

Elbasan, 3 korrik 2025 – Agjencia Kombëtare e Mbrojtjes Civile njofton se situata e zjarrit në landfillin e Elbasanit vijon të jetë dinamike dhe nën monitorim të vazhdueshëm nga strukturat e emergjencave vendore dhe qendrore.

Mbi 100 forca të angazhuara nga Bashkia Elbasan, bashkitë fqinje dhe Forcat e Armatosura po punojnë intensivisht për izolimin dhe shuarjen e zjarrit, duke përdorur 10 mjete zjarrfikëse, 20 mjete të specializuara, si dhe mjete të rënda vetshkarkuese dhe pompa thithëse me kapacitet të lartë për hedhjen e ujit direkt në vatrën aktive.

Operacioni mbështetet gjithashtu nga ndërhyrja ajrore, ndërsa në terren ndodhet edhe ekipi i ekspertëve të Forcave të Armatosura, të cilët kryejnë matje të vazhdueshme të nivelit të ndotjes dhe rrezikshmërisë mjedisore.

Agjencia thekson se punimet kanë vijuar pa ndërprerje prej më shumë se 72 orësh, me qëllim garantimin e sigurisë së komunitetit dhe minimizimin e ndikimit në ambient.

Publiku do të njoftohet rregullisht për zhvillimet e mëtejshme lidhur me këtë situatë emergjence.

Tensionet në Lindjen e Mesme vijojnë të jenë ‘të zjarrta’ me sulme mes Iranit dhe Izraelit. Së fundmi, Irani sulmoi bazat amerikane në Katar, si një përgjigje ndaj SHBA dhe jo një front i ri ‘lufte’ me Katarin.

Hoxhë Eni Kokamani, drejtpërdrejtë nga Irani tha se pak minuta më parë kishte një festë në një prej shesheve të Teheranit për sulmin që u krye ndaj bazës amerikane. Kokamani tha më tej se populli iranian kërkon hakmarrje ndaj kujtdo që ndërhyn në vendin e tyre.

“Për tre ditë për arsye sigurie interneti u bllokua. Qytetarët tani mund të shohin çdo gjë, në çdo vend të botës, por ka disa aplikacione të censuruar.

Për shkak të sanksioneve, ekonomia sidomos vitet e fundit ka rënë pak. Para 10 viteve kur kam ardhur unë, kam marrë vesh që një roje merrte 6000 dollarë rrogë, ndërsa gazetarë dhe punonjës të tjerë me siguri më shumë. Vitet e fundit kemi një inflacion, kanë rënë pagat dhe ka përfunduar në 300 dollarë.

Para disa minutash kishte një festë në një prej shesheve të Teheranit për sulmin që u krye ndaj bazës. Populli iranian kërkon hakmarrje për ndërhyrjet e vendeve të tjera në vendin e tyre, sepse janë patriotë. Sot sulmi i fundit u bë pranë kullës Pilat në qendër të Teheranit.dëgjohen zhurmat dhe shpërthimet.”

Ministria e Mbrojtjes ka përditësuar situatën e zjarreve në vend gjatë orëve të fundit. 

Sipas asaj që bëhet me dije, deri në orën 12:00 janë raportuar 7 vatra zjarri, nga të cilat 5 janë shuar pas një pune të pandërprerë të forcave operacionale në terren.

Ndëkrohë që aktualisht kanë mbetur aktive edhe 2 vatra të tjera zjarri. Bëhet fjalë për zjarrin në Llaman, të bashkisë së Himarës, ku janë angazhuar automjete zjarrifikëse, helikopterë dhe forca Shërbimi Pyjor. Po ashtu, aktive mbetet edhe një vatër zjarri në Kolsh të Kukësit. 

Moti i keq ka përfshirë të gjithë vendin, por situata është paraqitur më problematike në Durrës.

Ministria e Mbrojtjes ka reaguar së fundmi për gjendjen në terren, ndërsa sqaron se po punohet për të rikthyer normalitetin në zonat me problematika.

Ministria e Mbrojtjes dhe të gjitha strukturat operacionale të emergjencave civile po monitorojnë me kujdes situatën dhe po punojnë në terren për të rikthyer sa më shpejt normalitetin në zonat më problematike të vendit pas reshjeve të dendura të shiut të regjistruara gjatë ditës së mërkurë në disa pjesë të territorit. Jemi të fokusuar kryesisht në Bashkinë Durrës, ku po punohet në disa zona për të normalizuar situatën.

Forcat e Armatosura, AKMC, strukturat lokale dhe Emergjencat Civile pranë bashkisë po punojnë për të rikthyer normalitetin në kryqëzimin e stadiumit, te stacioni i trenit, në lagjen “17 Nëntori”, në zonën e Kënetës dhe në Shkozet.

Emergjencat Civile u kanë ardhur në ndihmë 4 fëmijëve të bllokuar në një furgon shkolle dhe një familjeje, ndërsa më problematike është situata në rreth 40 banesa në Shkozet, ku është regjistruar prani uji.

Në mbështetje të forcave në terren janë Forcat e Armatosura me 2 pompa thithëse me kapacitet të lartë dhe 3 mjete të kalueshmërisë së lartë.

Momentalisht po punohet në terren nga forcat e Drejtorisë Rajonale të Kullimit Durrës për pastrimin e Kanalit të Ujërave të Larta në unazën e qytetit, ndërsa janë të angazhuar edhe strukturat e Autoritetit Portual, ndërmarrjet e Bashkisë Durrës, MZSH-së dhe Policia Bashkiake.

Pjesa kritike tashmë është tejkaluar. Prefekti i Durrësit në mbledhjen e emergjencave civile bëri një përmbledhje të situatës që po shkon drejt normalizimit.

Hidrovori po punon me kapacitet të plotë, ndërsa niveli i ujit në lumenj Erzen dhe Ishëm është brenda kuotave dhe nuk përbën rrezik. Situatë normale në digat e ujëmbledhësve dhe të shkarkuesve. Në pjesën tjetër të vendit situata është nën kontroll dhe pa problematika në qarkullim. Të gjithë lumenjtë dhe rezervuarët janë

Ministria e Mbrojtjes ka dhënë detaje për situatën e rrugëve kombëtare në Shqipëri, ku reshjet e borës dhe shiu kanë ndikuar në disa zona të vendit, veçanërisht në ato malore.

Rrugët janë pastruar dhe kriposur, duke mundësuar qarkullimin e mjetëve pa ndërprerje, por është rekomanduar përdorimi i gomave dimërore në disa akse.

Në akset malore, si Hani i Hotit-Tamarë dhe Bogë-Theth, po pastrohen dhe nuk ka probleme në qarkullim. Në akset fushore, si Lezhë-Shkodër dhe Ura e Bunës-Muriqan, është punuar për pastrimin e kanaleve dhe riparimin e sinjalistikës.

Në Kukës dhe Tropojë ka pasur reshje të borës dhe po punohet për pastrimin e rrugëve. Akset rrugore të Tiranës dhe Gjirokastrës kanë pasur reshje shiu, por nuk ka pasur probleme. Portet e Durrësit dhe Vlorës janë funksionale dhe nuk ka probleme për lundrim. Energjia elektrike është rikthyer në disa zona rurale dhe malore, ndërkohë që lumenjtë dhe rezervuarët janë brenda kuotave normale, pa rrezik.

Parashikimi i motit për ditën e diel është për reshje intensive shiu dhe dëbore, sidomos në qarqet Vlorë dhe Gjirokastër, me mundësi shtrëngatash dhe vërshimesh në zona urbane. Temperatura pritet të arrijnë nga -4°C në zonat malore deri në 14°C në bregdet. Era do të jetë e lehtë deri mesatare, por e fortë në bregdet.

Lela ka diskutuar me Leo-n pas situatës së krijuar me Burimi teksa tregoi se si ai tentoi ta puthë në buzë.

Leo u shpreh se gjithë situata e krijuar nuk është duke i pëlqyer fare teksa edhe i kërkonte llogari Lelës për mundësin e afirmitetit që po i jep Burimit.

E di që ti nuk e bën për të keqe po ja ku vjen puna kur mundesh për të mirë ti japësh dikuj dashni për shoqëri – por nuk duhet me bë pasi as unë nuk e bëjë kurrë këtë me asnjë banore”, u shpreh Leo.

Lela, mes tjerash, i tregoi se si rrodhi e gjithë ngjarja dhe për çfarë po e akuzon Burimin.

Për të kuptuar më shumë detaje, klikoni videon në linkun më poshtë.

Sipas të dhënave nga Qendra Kombëtare Operacionale e Emergjencave Civile, në 24 orët e fundit në vend janë raportuar 23 vatra zjarri, nga të cilat 16 janë shuar dhe 7 janë akoma aktive.

Në operacionet për shuarjen e zjarreve u angazhuan 336 forca operacionale dhe 27 automjete. Në mbështetje të forcave në terren u aktivizuan 119 trupa ushtarake me 3 automjete zjarrfikëse dhe helikopteri “Cougar” i FA.