Kapet i shpalluri në kërkim ndërkombëtar nga Spanja.

‘Finalizohet operacioni policor i koduar “Operacionalja 45”. Akuzohet se ka kultivuar bimë Cannabisi, me llamba, në Spanjë, kapet në aksin “Vau i Dejës-Shkodër”, 28-vjeçari.

Si rezultat i koordinimit të punës dhe shkëmbimit të informacioneve, me partnerët spanjollë, nëpërmjet INTERPOL, shërbimet e Drejtorisë së Forcës së Posaçme Operacionale, në kuadër të operacionit “Operacionalja 45”, lokalizuan, kapën dhe vunë në pranga, me qëllim ekstradimin në Spanjë, shtetasin E. K., 28 vjeç, të lindur në Shkodër.

Ai kërkohej ndërkombëtarisht, sepse Gjykata e Barcelonës, në vitin 2025, i ka caktuar masën e sigurisë “Arrest në burg”, për kultivim të bimëve narkotike dhe vjedhje të energjisë elektrike. Interpol Tirana po bashkëpunon me Interpol Madridin, për të finalizuar ekstradimin e këtij shtetasi’, njofton policia.

Pas arritën të siguronin një fitore historike në Gjermani, kombëtarja spanjolle ka dërguar në shtëpi trofeun. Lojtarët e “La Roja” u kthyen në tokën vendase të hënën pasdite, më pak se 24 orë pasi mposhtën Anglinë në finalen e Euro 2024.

Ndalesa e parë ishte në aeroportin Adolfo Suarez Madrid–Barajas ku kapiteni i ekipit Alvaro Morata dhe presidenti i federatës spanjolle të futbollit Pedro Rocha u fotografuan te dera e avionit duke ngritur trofeun.

E gjithë skuadra më pas pozoi për një foto pranë avionit, ku nuk mund të mungonte dhe kupa. Pas largimit nga aeroporti, ekipi shkoi për të takuar kryeministrin e Spanjës, dhe më pas festa vijoi me një paradë publike në qendër të Madrid.

Spanja ishte kampione e denjë pasi fitoi të shtatë ndeshjet e saj në Euro 2024, duke përfshirë një fitore 2-1 ndaj Gjermanisë pritëse në kohën shtesë. “La Roja” u bë skuadra e parë që fitoi katër kampionate evropiane.

Spanja dhe Anglia do të përballen në finale, pas një eventi fantastik, ku janë luajtur shumë ndeshje spektakolare. Spanja është favorite për të fituar Kupën, gjë që do të bënte që spanjollët të merrnin këtë trofe për herë të katërt në histori, më tepër se çdo skuadër.

Edhe orangutangu Ualter ka parashikuar se Spanja e fiton Europianin. Orangutantu ka bërë parashikime të mira në këtë Europian.

Ai ka gabuar vetëm dy herë, në sfidën ndërmjet Gjermanisë dhe Zvicrës, si dhe në atë mes Anglisë dhe Holandës. Walter parashikoi se tulipanët do fitonin sfidën ndaj Tre Luanëve, por anglezët avancuan për në finale.

Kontinenti i vjetër do të njohë sonte finalistin e parë të kampionatin Evropian, që do përcaktohet nga një super duel siç është ai mes Spanjës dhe Francës. La Roha vjen si favorite, por përballë kanë një kundërshtar të paparashikueshëm dhe si një shkëmb për t’u mposhtur, pasi këtë kampionat Evropian kanë pësuar vetëm 1 gol.

Sot Deshamps pritet të bëjë disa ndryshime në formacion, duke ulur fillimisht në stol Camavingën, pasi është rikthyer Rabiot. Ajo që nuk pritej, por sipas L’Equipe është vendosur, Dembele do e nisë si titullarë në vendin e Griezmann, ndërsa edhe njëherë Kolo Muani do luajë si sulmues 9-sh para Marcus Thuram.

Te Spanja janë të detyruar për ndryshime dhe pika e dobët pritet të jetë krahu i djathtë i mbrojtjes ku Carvajal dhe Le Normand mungojnë për shkak kartonash. Vendin e tyre do e marrin Nacho i cili vuan nga një lëndim dhe 38-vjeçari Jesus Navas. Për shkak të dëmtimit të Pedrit Olmo e ka të sigurtë formacionin.

Trajneri i Spanjës De La Fuente pret një ‘spektakël brilant në këtë përballje’, ndërsa Rodri thotë se ‘La Roha është në Evropian vetëm për të fituar’. Duhet theksuar se përballë në Mynih do vihen Spanja 3 herë kampione Evrope dhe Franca 2 herë. Në përballjet direkte në Evropian Spanja e ka mposhtur Francën në çerekfinalet e 2012, ndërsa Franca ka bërë të njëjtën gjë në vitin 2000. Në memorien e kombëtareve është edhe finalja e kampionatit evropian të vitit 1984 kur Franca bëri për herë të parë të vetin trofeun.

Spanja vazhdon përgatitjet në qendrën stërvitore të Donau-shingen, në prag të sfidës gjysmëfinale kundër Francës në 2024.

Skuadra e Luis de la Fuente po kalon një formë të jashtëzakonshme me pesë fitore radhazi deri më tani në Kampionatin Europian, por në sfidën e Mynihut nuk do të ketë të disponueshëm disa futbollistë.Mesfushori Pedri është jashtë turneut pasi pësoi një dëmtim në gju pas një ndërhyrjeje të gjermanit Toni Kros. Në çerekfinalen kundër pancerave u morën 16 kartonë të verdhë, e kundër “Gjelave” do të mungojnë mbrojtësit Robin le Normand dhe Dani Carvajal.

Mbrojtësi i Realit, Naço do të luajë në qendër të prapavijës, bashkë me Aimerik Laporten dhe 38-vjeçarin Hesus Navas në të djathtë, i cili është lojtari i fundit i brezit të artë të Spanjës që fitoi Botërorin në 2010 dhe Europianin 2 herë radhazi, në 2008 dhe 2012.Navas do të ndihmojë në aksionet sulmuese talentin Lamine Jamal, i cili luan si sulmues krahu dhe është një nga pikat më të forta të “La Roja” bashkë me Niko Uilliams në të majtë të ofensivës. Përzierja e eksperiencës me talentin duket se është sekreti i Spanjës së drejtuar nga De la Fuente.

Spanja është gjysmëfinalisja e parë e Euro 2024, Gjermani eliminohet nga vazhdimi i garës. Ndeshjen e parë të madhe të Europianit e Shtutgartit, e cilësuar si një finale e parakohshme, e meritonte cilësimin. Për të përcaktuar fituesin u desh minuta e 119-të, për të zgjidhur enigmën e gjysmëfinalistit. Merino do të ishte heroi i spanjolëve, i cili do të shënonte me kokë pas një pasimi të Olmos.

Luftë e fortë sportive, emocione dhe në fund keqardhje, që përfundoi një betejë e tillë dhe e vërtetë futbollit. Natyrisht edhe për eliminimin e Gjermanisë, fati kësaj here nuk ishte me ta, por në horizonte është rikthimi i saj…

Mbyllet ndeshja!

126’- Carvajal ndëshkohet me kartonin e dytë të verdhë dhe lë Spanjën me 10 lojtarë, për ndërhyrje të gabuar ndaj Musiala.

124’- Fullkrug shkon ngjitur me shtyllën e majtë. Me fat spanjollët.

123’- Kundërsulm i shpejtë i Spanjës, Torres nuk shënon dot i vetëm me portierin Neuer.

122’- Laporte ndal një gjuajtje të fortë të Kimmich.

120′- Akordohen 3 minuta shtesë!

119’- Gooool Spanja 2-1! Merino rikthen avantazhin e iberikeve dhe i afron me kualifikimin. Mesfushori shënon me kokë, pas një krosimi të Olmo.

117- Ndërhyrje fantastike e Simon, që ndal një top që po shkonte në rrjetë, nga krosimi i Kimmich.

116’- Nacho rrëzohet në fushë, pas një kontakti me Wirtz. Ndalet loja për pak sekonda, por gjithçka është e rregullt sipas arbitrit.

106’- Gjuajtje e fortë e Musiala, ndalet nga Cucurella. Protesta të gjermanëve që kërkojnë penallti për prekje me dorë, por Taylor vazhdon lojë.

Mbyllet pjesa e parë e shtesave.

105’- “Flirton” me golin edhe Gjermania, gjuajtja e Wirtz gjithashtu shkon jashtë.

104’- Sa pranë i shkon golit Spanja. Goditja e Oyarzabal shkon pranë shtyllës.

103’- Fabian Ruiz largohet nga fusha e lojës i dëmtuar, në vendin e tij aktivizohet sulmuesi Joselu.

101’- Moment i rrezikshëm në zonën e Spanjës. Musiala futet bukur dhe provon një pasim në qendër, por del Simon dhe largon topin.

100’- Carvajal ndëshkohet me karton të verdhë dhe humb ndeshjen e radhës, në rast kualifikimi.

95’- Rudiger ndal një gjuajtje të fortë të Oyarzabal.

90′- Minutat shtesë nisin me ndryshim te Gjermania. Havertz largohet, për t’i lënë vendin mbrojtësit Anton.

Mbyllet koha e rregullt. 94′– Koha e rregullt nuk prodhon fitues. Ndeshja shkon në shtesa.

93’- Nuk i besojnë syve gjermanët. Gjuajtja e Muller shkon ngjitur me shtyllën

90′– Akordohen 4 minuta shtesë!

89’- Goooool Gjermania 1-1! Gjermanët nuk vdesin kurrë. Wirtz barazon shifrat, duke shënuar, pas një pasimi të marrë me kokë nga Kimmich.

86’- Simon i mohon golin Havertz, akordohet goditje dënimi në favor të spanjollëve.

84’- Tentativë e dështuar e Ruiz nga jashtë zone, me topin që shkon shumë larg portës.

83’- Mundësi e artë shënimi për Gjermaninë. Gabon Simon që e dërgon topin te Havertz. Gjuajtja e sulmuesit shkon mbi portë.

82’- Unai Simon ndëshkohet me karton të verdhë për vonesë të lojës.

79’- Dy zëvendësime te Spanja, Merino dhe Oyarzabal, marrin vendin e Moratës dhe Williams. Te Gjermania, Muller merr vendin e Tah.

77’- Të pafat gjermanët. Fullkrug nuk i beson syve, teksa sheh gjuajtjen e tij të ndalet nga shtylla e majtë e portierit Simon.

75’- Torres ndal në mënyrë të gabuar një aksion të shpejtë të gjermaneve dhe ndëshkohet me të verdhë.

73’- Mittelstadt ndëshkohet me karton të verdhë për ndërhyrjen ndaj Torres.

72’- Kai Havertz shpërdoron një rast të artë shënimi. Sulmuesi nuk shënon dot, pas një pasimi të shkëlqyer të marrë në zonë. Carvajal bën heroin me një ndërhyrje vendimtare.

70’- Unai Simon, i mohon golin Andrich. Portieri ndal një gjuajtje të fortë të mesfushorit nga jashtë zone.

68’– Ndëshkohet me karton të verdhë Kroos. Mesfushori ndalon në mënyrë të parregullt Dani Olmo-n, që shpërtheu në mesfushë.

67’- Carvajal ndal një aksion të rrezikshëm të gjermanëve. Pasimi i Havertz, nuk shkon si duhet te Fullkrug.

64’- Fullkrug provon me kokë pas zhvillimeve të një goditje këndi. Top shkon jashtë portës.

SPANJA: Simon, Carvajal, Cucurrella, Laporte, Le Normand, Pedri, Rodri, Ruiz, Yamal, Williams, Morata.

GJERMANIA: Neuer, Tah, Rudiger, Raum, Kimmich, Gundogan, Can, Kroos, Musiala, Havertz, Sane.

Spanja ka arritur të sigurojë fitoren dhe njëherësh edhe kualifikimin në 1/16 e Euro 2024, pasi ka mposhtur mbrëmjen e sotme Italinë me rezultatin 1-0, përmes një autogoli nga Calafiori.

Me këtë fitore Spanja ka marrë kryesimin e grupit me 6 pikë, dy ndeshje të fituara, ndërkohë që ndeshjen e tretë e ka kundër Shqipërisë.

Ndërkohë që ndeshja me Shqipërinë e Spanjën dhe e Kroacisë me Italinë do të vendosë nëse Kombëtarja jonë do të kalojë në fazën tjetër ose jo.

Grupi B:

Spanja 6

Italia 3

Shqipëria 1

Kroacia 1

Spanja u bë të enjten vendi i parë evropian që i kërkoi një gjykate të Kombeve të Bashkuara leje për t’iu bashkuar rastit gjyqësor të ngritur nga Afrika e Jugut kundër Izraelit për gjenocid në Gazë.

Afrika e Jugut e paraqiti rastin e saj në Gjykatën Ndërkombëtare të Drejtësisë (GJND) në fund të vitit të kaluar, duke pretenduar se Izraeli po e shkel konventën e gjenocidit, në luftën në Gazë.

“Ne e morëm vendimin për shkak të operacionit të vazhdueshëm ushtarak në Gazë”, tha të enjten në Madrid, ministri i Jashtëm spanjoll, Jose Manuel Albares.

“Ne duam që paqja të kthehet në Gazë dhe në Lindjen e Mesme. Që kjo të ndodhë, ne të gjithë duhet ta mbështesim gjykatën”, shtoi ai.

Meksika, Kolumbia, Nikaragua, Libia dhe palestinezët kanë kërkuar tashmë t’i bashkohen çështjes që po shqyrtohet aktualisht në gjykatën në Hagë të Holandës.

GjND urdhëroi Izraelin më 24 maj që “menjëherë të ndalë” ofensivën e tij ushtarake në Rafah, në jug të Gazës.
Sipas gjykatës, Izraeli duhet të ndalë edhe çdo veprim tjetër në Rafah, që mund të përkeqësojë jetesën e palestinezëve në këtë pjesë të Gazës.

Izraeli ka pak të ngjarë që të zbatojë një urdhër të tillë dhe i ka hedhur poshtë akuzat për gjenocid duke thënë se bën gjithçka që mundet për t’i mbrojtur civilët palestinezë në Gazë.

Shteti izraelit akuzon Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evorpian – për përdorimin e civilëve palestinezë si mburoja njerëzore.

Hamasi e sulmoi Izraelin më 7 tetor të vitit të kaluar, duke vrarë mbi 1.200 njerëz dhe duke marrë peng rreth 250 të tjerë.

Pas këtij sulmi nisi lufta në Rripin e Gazës – të kontrolluar nga Hamasi.

Dhjetëra pengje të marra prej këtij grupi, u liruan gjatë një armëpushimi në nëntor, ndërsa disa të tjera u gjetën – të vdekura ose të gjalla – nga trupat izraelite.

Pasi të pranohet në këtë rast, Spanja do të jetë në gjendje të bëjë parashtresa me shkrim dhe të flasë në seancat dëgjimore publike.

Spanja, Irlanda dhe Norvegjia e kanë njohur më 28 maj zyrtarisht shtetin palestinez.

Qeveria e Sllovenisë, e ka mbështetur më 30 maj një mocion për njohjen e shtetit palestinez dhe i ka kërkuar Parlamentit ta bëjë të njëjtën gjë.

Më shumë se 140 shtete e njohin shtetin palestinez – më shumë se dy e treta e Kombeve të Bashkuara./REL