Një 36-vjeçar i shpallur në kërkim nga autoritetet spanjolle për vjedhje me dhunë është arrestuar në Tiranë.

I riu me iniciale E. G., u kap në aksin rrugor Vorë- Fushë Krujë dhe u arrestua me qëllim esktradimi drejt Spanjës.

Ai ishte shpallur në kërkim ndërkombëtar, pasi Gjykata Provinciale e Geronas e ka dënuar me 3 vjet, 4 muaj e 12 ditë burgim, për veprën penale “Vjedhja me dhunë”.

Njoftimi i policisë:

DVP Tiranë

Finalizohet nga Komisariati i Policisë Rrugore Tiranë dhe Seksioni për Hetimin e Krimeve të Rënda ndaj Pronës në DVP Tiranë, operacioni policor i koduar “Wanted 2”.

I akuzuar nga autoritetet spanjolle, për vjedhje me dhunë, kapet në Tiranë dhe arrestohet me qëllim ekstradimin në Spanjë, një 36-vjeçar.

Shërbimet e Komisariatit të Policisë Rrugore dhe ato të Seksionit për Hetimin e Krimeve të Rënda ndaj Pronës në DVP Tiranë, në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Wanted 2”.

Gjatë operacionit shërbimet e Policisë Rrugore kanë kapur në aksin rrugor Vorë- Fushë Krujë shtetasin E. G., 36 vjeç, i cili u arrestua me qëllim esktradimi drejt Spanjës.

Ky shtetas ishte shpallur në kërkim ndërkombëtar, pasi Gjykata Provinciale e Geronas, Spanjë, e ka dënuar me 3 vjet, 4 muaj e 12 ditë burgim, për veprën penale “Vjedhja me dhunë”, parashikuar nga Kodi Penal i Spanjës.

Viijojnë procedurat për ekstradimin e këtij shtetasi, në Spanjë.

Garda Civile në Barcelonë të Spanjës ka arrestuar një person të kërkuar në Shqipëri për çështje të pazgjidhura si anëtar në një organizatë kriminale dhe krime të lidhura me pasuritë. Ai u kap pasi u arratis nga një postbllok në C-31 pranë Sitges, Barcelona. Shkak u bë një mjet parandalues që kërkonte armë dhe drogë dhe agjentët më pas panë se një person që ende nuk kishte kaluar kontrollin e kishte braktisur automjetin e tij, sqaroi Garda Civile në një deklaratë të kësaj të premteje. Shqiptari iku në këmbë, duke hedhur poshtë një lugine dhe duke injoruar oficerët që e urdhëruan të ndalonte.

Disa agjentë e ndoqën atë në këmbë për gjysmë ore, në një zonë të pyllëzuar me dukshmëri të dobët dhe e arrestuan për krimet e pretenduara të mosbindjes së rëndë dhe plagosjes pasi gjatë arrestimit ai ka kundërshtuar një agjent dhe i ka shkaktuar lëndime të lehta. Me identifikimin e tij, ata konstatuan se i janë aktivizuar dy urdhër-arreste, një me burg dhe një tjetër për dëbim nga vendi për shkak të çështjeve të pazgjidhura.