Autoritetet amerikane të imigracionit kanë kryer një operacion të gjerë në një fabrikë të Hyundai në shtetin e Georgia, duke arrestuar mbi 450 persona, shumica të dyshuar si imigrantë të paligjshëm.

Bastisja u zhvillua në një impiant të madh prodhimi, i ndërtuar për automjete elektrike dhe funksional prej një viti. Sipas Departamentit të Sigurisë Kombëtare të SHBA-së, urdhri i kërkimit u ekzekutua për dyshime mbi praktika të paligjshme punësimi dhe krime të tjera federale.

Në operacion morën pjesë disa agjenci amerikane, përfshirë Zbatimin e Imigracionit dhe Doganave (ICE) dhe Byronë për Alkoolin, Duhanin, Armët dhe Eksplozivët (ATF). ATF njoftoi se bastisja u zhvillua në një zonë industriale prej 3,000 akrash në Qarkun Bryan, ku u arrestuan qindra të huaj.

Ministria e Jashtme e Koresë së Jugut konfirmoi se mes të ndaluarve ishin edhe shtetas koreano-jugorë, duke e cilësuar aksionin si një “shkelje të padrejtë të të drejtave të tyre”. Sipas Seulit, aktivitetet ekonomike të kompanive koreane dhe të drejtat e qytetarëve nuk duhet të preken gjatë operacioneve ligjzbatuese në SHBA.

Hetimet vazhdojnë, ndërsa autoritetet amerikane nuk kanë dhënë ende detaje për akuzat e plota ndaj fabrikës ose përfaqësuesve të saj.

Mediat vendase thanë e objektivi ishte butiku ekskluziv Harry Winston, i njohur ndryshe si “argjendaria e yjeve”.

Policia franceze tha sot pasdite se është në kërkim të grabitësve të armatosur që shënjestruan një argjendari në zonat më luksoze të Parisit.

Policia e Parisit tha se grabitësit e armatosur erdhën dhe u larguan me motoçikleta, kishin qëlluar një herë brenda argjendarisë por pa shkaktuar plagosje

Një video e rrjetit vendas BFM-TV tregonte burra të veshur me të zezë që largoheshin nga vendndodhja me motoçikleta.

Prokuroria e Parisit tha se po heton për grabitjen e ndodhur në dyqanin që punon vetëm me takime të posaçme, në rrugën Avenue Montaigne, Harry Winston, por nuk mund të konfirmonin bizhuteri të vjedhura apo vlerën në të cilën arrinin ato.

Kjo nuk është hera e parë që grabitet argjendaria e luksit. Tetë njerëz janë burgosur në vitin 2015 në lidhje me një grabitje spaktakolare të vitit 2008 kur tre burra të armatosur vodhën këtu bizhuteri në vlerën 90 milionë dollarë, sipas mediave.

Një shqiptar i arrestuar në Gjermani ka arritur të arratiset nga një stacion policie, në Arnstadt.

Mediat gjermane raportojnë se 21-vjeçari shqiptar u dërgua në paraburgim për të zbatuar masën për dëbimin e tij. Por në një moment të paqartë, i riu ka arritur të arratiset nga ndërtesa.

Sipas policisë, shqiptari kishte qenë bashkëpunues gjatë ndalimit nga autoritetet. Pavarësisht një operacioni të madh policor me qen gjurmues dhe helikopter, ende nuk është bërë i mundur gjetja e të arratisurit dhe arrestimi i tij sërish.

Një i dënuar me burg përjetë është arratisur nga burgu në Uest Çester të Pensilvanisë, ndërsa e gjithë skena është kapur në kamera.

Autoritetet janë vënë në kërkim të Danelo Cavalcante, nga Brazili, i cili arriti të largohej të martën nga burgu dhe sipas disa raportimeve, po fshihet në një zonë me pyje të dendur rreth 3 kilometra larg burgut

Cavalcante ishte i dënuar me burgim të përjetshëm, pasi ishte shpallur fajtor vetëm një javë më parë për vrasjen e ish-të dashurës së tij. Në pamjet e publikuara nga vetë burgu i kontesë, braziliani shihet teksa ngjitet në mënyrë akrobatike në murin e oborrit të burgut, për t’u zhdukur më pas nga kamera dhe nga burgu.