Një aksident rrugor është shënuar sot unazën e qytetit të Korçës. Një makinë ka përplasur një grua, 51-vjeçe teksa lëvizte me biçikletë.

E lënduara është dërguar në spital dhe fatmirësisht ndodhet jashtë rrezikut për jetën. Drejtuesja e mjetit është shoqëruar në Komisariat për veprime të mëtejshme.

Njoftimi i policisë

Rreth orës 16:10, në unazën e qytetit, shtetasja J. S., duke drejtuar automjetin, ka përplasur biçikletën me të cilën lëvizte shtetasja E. C., 51 vjeçe, e cila u dërgua në spital dhe është jashtë rezikut për jetën.

Drejtuesja e automjetit është shoqëruar në Komisariat, për veprime të mëtejshme.

Grupi hetimor, nën drejtimin e Prokurorisë, po punon për të përcaktuar rrethanat dhe shkakun e aksidentit.

RISHTINË- Një ngjarje e rëndë është regjistruar pasditen e sotme në Prishtinë. Raportohet se një 31-vjeçar ka humbur jetën në rajonin e Gollakut. Zëdhënësi i Policisë për rajonin e Prishtinës, Enis Pllana ka bërë me dije se i riu ka humbur jetën për shkak të plagëve të marra nga një trung druri.

Mësohet se një trung e ka zënë poshtë të riun rreth orës 17:00. Viktima mori plagë të shumta dhe nuk arriti të mbijetonte. Ai ka ndërruar jetë në spital ku edhe u konstatua vdekja e tij. Policia po vijon hetimet për zbardhjen e plotë të ngjarjes.

“Rreth orës 17:00, policia ka pranuar një informatë për një person të lënduar rëndë (dyshohet si pasojë e rënies së një trungu druri). Personi i lënduar L. G, mashkull, 31 vjeç, nuk ka arritur t’u mbijetojë plagëve dhe i njëjti ka ndërruar jetë. Vdekjen e ka konstatuar ekipi mjekësor”, tha Pllana.

Gjoricë, Bulqizë – Një aksident rrugor i rëndë ka ndodhur pasditen e sotme në “Ura e Gjoricës”, në Rrugën e Arbrit, ku dy automjete janë përplasur me njëra-tjetrën.

Si pasojë e përplasjes, të dy drejtuesit e automjeteve janë plagosur dhe janë dërguar me urgjencë në Spitalin e Bulqizës për trajtim mjekësor.

Policia ka nisur hetimet për zbardhjen e shkaqeve të aksidentit.

Këngëtarja e njohur Fjolla Morina është shtruar në spital gjatë orëve të vona të natës së dielës, duke shkaktuar shqetësim te fansat e saj.

Lajmi u bë i ditur pasi vetë artistja publikoi në Whatsapp pamje nga një ambient spitalor, teksa shkruante; “Kujdesi për veten do të thotë të bësh një pushim kur gjërat bëhen të vështira… Thuaji “Jo” gjërave që nuk dëshiron të bësh. Bëj gjëra që të bëjnë të lumtur…”

“Prive” raporton se Fjolla ka pasur komplikacione shëndetësore si pasojë e një mbidoze të mundshme medikamentesh, gjë që ka çuar në përkeqësimin e gjendjes së saj.

Një grua ka pësuar lëndime të rënda pasi është goditur me thikë nga një person në departamentin e aksidenteve dhe urgjencës ku po punonte në zonën e Manchester, Londër.

E plagosura, një infermiere rreth 50-vjeçe, u sulmua në Spitalin Royal Oldham në Greater Manchester, ku tani po trajtohet.

Oficerët u thirrën në orën 23:30 të së shtunës dhe arrestuan një 37-vjeçar, të dyshuar nën akuzën për tentativë vrasje, ka deklaruar Policia e Mançesterit.

Detektivët kanë raportuar se nuk ka të tjerë persona të dyshuar të përfshirë në këtë ngjarje dhe se nuk shfaqet një rrezik apo kërcënim për publikun e gjerë.

“Mendimet tona janë edhe me kolegët dhe pacientët që ishin aty në momentin e incidentit dhe për të cilët kjo ka qenë shqetësuese dhe e frikshme”. Të gjitha shërbimet në Spitalin Royal Oldham mbeten të hapura”, tha shefja e infiermerisë në North Care Alliance NHS Foundation Trust.

Jim McMahon, deputeti laburist për zonën, e përshkroi sulmin si diçka “të pakuptimtë”.

“Të gjithë jemi të tronditur nga sulmi i pakuptimtë ndaj një infermiere në departamentin A&E të Spitalit Royal Oldham. Mendimet tona janë me infermieren, familjen dhe miqtë, pasi dëshirojmë një shërim të plotë”, postoi ai në Facebook.

Rreshteri Craig Roters ka theksuar se komuniteti lokal mund të shohë një “rritje të pranisë së policisë” ndërkohë që kryhen hetimet.

Një aksident është regjistruar pak minuta më parë në Pogradec.

Sipas informacioneve paraprake nga policia, në aksident janë përfshirë dy mjete ndërsa kanë marrë dëmtime dy persona.

Të dy janë transportuar në spitalin e Pogradecit dhe ndodhen jashtë rrezikut për jetën ndërkohë policia ndodhet në vendngjarje dhe po kryen veprimet për zbardhjen e rrethanave.

Aktori Olsi Bylyku ka ndarë me ndjekësit një moment shqetësues nga jeta e tij. Përmes një postimi në Instagram, ai ka treguar se ndodhet në spital duke marrë serum për shkak të një problemi shëndetësor të lidhur me bajamet.

“Me 39 sot po hajde se ka vend ke makina për serum… Këshillë, këto bajamet mos i nënvlerësoni se kanë nja 7 vjet që ma kanë shkurtuar jetën,” ka shkruar Olsi, duke paralajmëruar ndjekësit për rrezikun që mund të sjellë nënvlerësimi i shëndetit të bajameve.

Ky mesazh vjen si një thirrje për kujdes ndaj shenjave të mundshme të infeksioneve të bajameve, që duket se kanë qenë një problem i përsëritur për të.

Këngëtari i njohur Luiz Ejlli pak minuta më parë ka ndarë një moment me ndjekësit.

Ai tregoi se për momentin gjendet në spital, dhe ka nevoj për mjekim.

Fatmirësisht kengetari ka treguar se gjendja e tij është permiresurar me perkujdesin e mjekeve.

Mjeti përplas biçikletën, ndërron jetë në spital drejtuesi.

Sot, rreth orës 20:20, në afërsi të urës në Orikum, shtetasi K. C., 32 vjeç, duke drejtuar automjetin “Lexus”, ka aksidentuar shtetasin D. K., 46 vjeç, i cili lëvizte me biçikletë. Si pasojë e dëmtimeve të marra, 46-vjeçari ndërroi jetë në spitalin e Vlorës.

Drejtuesi i automjetit u shoqërua në Komisariat për veprime të mëtejshme.

Grupi hetimor po punon për zbardhjen e plotë të rrethanave të aksidentit.

Ka ndërruar jetë në QKUK personi i plagosur mëngjesin e sotëm në qendër të Mitrovicës në Kosovë. Sipas mediave të Kosovës, lajmin e ka konfirmuar zëdhënësi i QKUK-së, Shpend Fazliu.

“Zyra për informim e QKUK-së, ju konfirmon se përkundër përpjekjeve maksimale nga stafi i Klinikës Emergjente, një person i plagosur në Mitrovicë, nuk ka arritur të mbijetojë, për shkak të plagëve që ka pasur dhe gjendjes së rënduar shëndetësore”, ka thënë Fazliu.

Personi i plagosur u dërgua në QKUK nga Emergjenca e Spitalit të Mitrovicës, në gjendje shumë të rëndë, pasi kishte marrë dy plagë në shpinë. Ndërkohë hetimet vijojnë për zbardhjen e plotë të rrethanave të ngjarjes.

Çfarë ndodhi mëngjesin e sotëm?

Sot, rreth orës 09:42, në Mitrovicë, është raportuar për një person të lënduar nga arma e zjarrit. Kjo është konfirmuar nga zëdhënësi i Policisë së Kosovës për rajonin e Mitrovicës, Avni Zahiti

“Rasti ka ndodhur në rrugën ‘Fatime Hetemi’ në Mitrovicë. I plagosuri viktima i moshës madhore është dërguar për tretman mjekësor. Njësitet relevante janë duke vazhduar rrjedhën hetimore”, tha Zahiti.