Për holandezin Mark Rutte, rruga për t’u bërë Sekretari i ri i Përgjithshëm i NATO-s është tashmë krejtësisht e lirë.

Kryeministri në largim i Holandës arriti të kapërcejë vetot e fundit që e penguan atë të arrinte unanimitetin e kërkuar për të hyrë në këtë pozicion: atë të Hungarisë së Viktor Orbanit dhe atë të Sllovakisë së Robert Ficos.

Aleanca Atlantike merr vendime me konsensus, kështu që çdo kandidat ka nevojë për mbështetjen e të 32 aleatëve, me miratimin e Budapestit dhe Bratislavës, mungon vetëm miratimi i Rumanisë, por Bukureshti nuk mund ta mbajë të bllokuar.

Kandidatura e Rutte ishte kundërshtuar më parë nga Viktor Orban, sepse liberali kishte kritikuar shkeljet e shtetit të së drejtës në vend, por edhe politikat e tij represive ndaj komunitetit LGBT+.

Por pak nga pak dy liderët arritën një marrëveshje. Mbështetja e Hungarisë vjen pas një takimi që kryeministri hungarez pati me Sekretarin e Përgjithshëm aktual të NATO-s, Jens Stoltenberg javën e kaluar, në të cilin të dyja palët ranë dakord që vendi të mos bllokonte vendimet e Aleancës për mbështetjen për Ukrainën, me kusht që megjithatë të mos përfshihet.

“Kryeministri Mark Rutte ka konfirmuar se ai e mbështet plotësisht këtë marrëveshje dhe do të vazhdojë ta bëjë këtë, nëse ai do të bëhet Sekretari i Përgjithshëm i ardhshëm i NATO-s”, shkroi Orban në platformën e mediave sociale për të mbështetur kandidaturën e Rutte.

Ukraina ka të drejtën sipas ligjit ndërkombëtar për të sulmuar objektivat legjitime ushtarake në Rusi për vetëmbrojtje, tha Sekretari i Përgjithshëm i NATO-s, Jens Stoltenberg gjatë një vizite sot, në Suedi, anëtare e re e aleancës.

“Ukraina ka të drejtën e vetëmbrojtjes,” theksoi Stoltenberg në një konferencë shtypi me kryeministrin suedez Ulf Kristerson në një bazë ushtarake pranë Stokholmit.

 “E drejta për vetëmbrojtje përfshin gjithashtu sulme ndaj objektivave legjitime ushtarake në territorin e palës sulmuese, në këtë rast Rusisë”, shtoi ai.

Kremlini njoftoi këtë javë se vendet perëndimore që furnizojnë Ukrainën me armë për të goditur tokën ruse do të përballen me Rusinë pasi presidenti Vladimir Putin tregoi se po konsideronte të hakmerrej.

“Kjo është një luftë që Rusia ka nisur kundër një vendi fqinj paqësor, demokratik, Ukrainës, i cili nuk ishte një kërcënim për Rusinë”, theksoi Stoltenberg.

“Nuk ka dyshim se Ukraina ka të drejtë të godasë objektivat në territorin rus,” theksoi Sekretari i Përgjithshëm i NATO-s.