Qindra fluturime janë anuluar dhe linjat e trenave janë pezulluar pasi stuhitë goditën Pekinin dhe Kinën veriore të shtunën. Deri në orën 11:30 me kohën lokale (03:30 GMT) të shtunën, 838 fluturime ishin anuluar në dy aeroportet kryesore të kryeqytetit.

Shpërthimet e erës deri në 93 mph (150 km/h), më e forta në kryeqytetin kinez për më shumë se gjysmë shekulli do të vazhdojnë gjatë fundjavës, duke detyruar mbylljen e atraksioneve dhe vendeve historike.

Shërbimet e trenave duke përfshirë linjën e metrosë ekspres të aeroportit dhe disa linja hekurudhore me shpejtësi të lartë janë pezulluar. Parqet u mbyllën gjithashtu, me disa pemë të vjetra të përforcuara ose të shkurtuara në përgatitje, por gati 300 pemë tashmë janë rrëzuar në kryeqytet. Një numër automjetesh u dëmtuan, por nuk u raportuan të lënduar në Pekin shumica e banorëve ndoqën këshillën e autoriteteve për të qëndruar brenda, pasi qyteti paralajmëroi 22 milionë banorë që të shmangnin udhëtimet jo thelbësore.

“Të gjithë në Pekin ishin vërtet nervozë për këtë. Sot nuk ka shumë njerëz në rrugë. Megjithatë, nuk ishte aq e rëndë sa e kisha imagjinuar”, tha një banor vendas për agjencinë e lajmeve Reuters.

Ndërsa një biznesmeni nga provinca Zhejiang iu anulua fluturimi për në shtëpi.

“Për shkak të erërave të forta, të gjitha fluturimet e planifikuara për natën e kaluar dhe sot u anuluan. Kështu që unë ndoshta do të ri rezervoj fluturimin tim pas disa ditësh. Tani jam bllokuar në Pekin,” tha ai.

Erërat e forta vijnë nga një sistem vorbullash të ftohtë mbi Mongoli dhe pritet të zgjasin gjatë fundjavës. Pekini lëshoi ​​alarmin e tij të parë portokalli për erëra të forta në një dekadë me erërat më të forta që priten të shtunën.

Irlanda, Britania e Madhe dhe Franca u përballën sot me nje kaos udhëtimesh – ndërsa një person ka vdekur për shkak të stuhisë – që goditi Evropën veriperëndimore me erëra të forta, shira të dendura, borë dhe akull.

Policia e Hampshire në Anglinë jugore tha se një person kishte vdekur – pasi një pemë kishte rënë mbi një makinë në një rrugë kryesore pranë Winchester sot në mëngjes.

Stuhia “Bert” shkaktoi ndërprejen e energjisë për të paktën 60 000 prona në Irlandë – si dhe mbylljen e rrugëve të trageteve dhe trenave në të dy anët e Detit Irlandez.

Portet dhe aeroportet e La Manshit në Britaninë e Madhe ishin vendet më të goditura nga stuhia, ndërsa në Francë, dhjetëra mijëra banesa mbetën pa energji elektrike pas stuhisë “Caetano” të enjten.

Qindra pasagjerë mbetën të bllokuar kur trenat u ndaluan nga ndërprerjet e energjisë elektrike.

Pamjet treguan përmbytje në perëndim të Irlandës, të cilat shkaktuan gjithashtu mbyllje të transportit hekurudhor në Irlandën e Veriut. Bora ndikoi në transport në të gjithë Britaninë e Madhe.

Bora më e madhe goditi Skocinë dhe disa pjesë të Anglisë veriore dhe qendrore, me dhjetëra alarme për përmbytje.

Zyra Meteorologjike në Britaninë e Madhe lëshoi ​​paralajmërime për borën dhe akullin në këto rajone, duke thënë se në disa komunitete rurale do të ndërpritej energjia.

Bora në kodrat skoceze arriti deri në 40 centimetra, ndërsa në Britanine e Madhe u regjistruan erëra me shpejtësi 113 kilometra në orë.

Operatori i trageteve DFDS anuloi shërbimet në disa rrugë deri të hënën, me lundrimet nga Newhaven dhe Dover në Anglinë jugore për në Dieppe dhe Calais në Francë të prekur rëndë.

Fluturimet u ndërprenë në aeroportin e Newcastle për shkak të borës së madhe, me disa fluturime të devijuara në Belfast dhe Edinburg.