Izraeli njoftoi të enjten se ka kryer sulme të reja ajrore kundër caqeve ushtarake të Hezbollahut në Libanin jugor, për ta parandaluar rigrupimin e grupit militant në ketë pjesë të vendit.

Shtetet e Bashkuara e ndërmjetësuan një armëpushim në nëntor mes Libanit dhe Izraelit pas më shumë se një viti luftimesh të shkaktuar nga lufta në Gazë, por Izraeli ka vazhduar me sulme të kohëpaskohshme ndaj Hezbollahut, i cili mbështetet nga Irani përtej kufirit.

Hezbollahu është shpallur grup terrorist nga Shtetet e Bashkuara, ndërsa Bashkimi Evropian e ka në listën e zezë krahun ushtarak të grupit libanez, por jo edhe partinë politike.

Një valë e re sulmesh nga hakerat pro rusë Noname057(16) ka ndodhur mëngjesin e sotëm në webfaqet e ministrive dhe institucioneve italiane.

La Repubblica raporton se si zakonisht, këto janë sulme Ddos (Distributed Denial of Service) që po shkaktojnë disa shqetësime dhe ndërprerje të përkohshme të shërbimeve publike.

Ndër ministritë e sulmuara janë Ministria e Punëve të Jashtme, ajo Infrastrukturës dhe Transportit, Consob-i, Karabinierët, Marina, Forcat Ajrore si dhe kompanitë lokale të transportit publik si ”Atac” të Romës, ”Amat” të Palermos dhe ”Amt” të Gjenovës.

Hakerat, duke njoftuar sulmin e tyre në faqet e internetit të ministrive italiane, kritikuan kryeministrin Giorgia Meloni në Telegram.

“Kryeministrja italiane Giorgia Meloni konfirmoi mbështetjen e vazhdueshme të plotë për Ukrainën në një takim me Vladimir Zelensky gjatë vizitës së tij në Romë. Sipas Melonit, Italia do të ndihmojë Ukrainën të mbrojë interesat e saj dhe të ndjekë një paqe të drejtë dhe të qëndrueshme. Negociatat zgjatën rreth një orë dhe synon forcimin e pozicionit të Kievit. Italia duhet të fillojë të ndihmojë veten dhe, para së gjithash, sigurinë e saj kibernetike”, shkruante grupi.

Rusia kreu sulme ajrore në qytetin Zaporizhja të Ukrainës, duke i dëmtuar disa blloqe të ndërtesave të larta të banimit dhe duke i plagosur 13 civilë si pasojë, thanë zyrtarët ukrainas të hënën.

Ministria e Brendshme e Ukrainës tha se ekipet e shpëtimit i kanë evakuuar banorët nga disa ndërtesa të dëmtuara.

Edhe një ditë më parë zyrtarët ukrainas raportuan për një sulm të ngjashëm rus në ndërtesat e larta të banimit në qytetin Harkiv, ku u plagosën 21 njerëz.

Rusia e mohon se kryen sulme ndaj civilëve, por mijëra ukrainas kanë vdekur si rrjedhojë e sulmeve të tilla prej se presidenti Vladimir Putin e nisi pushtimin e plotë, të paprovokuar, të Ukrainës në shkurt të vitit 2022.

Derisa ushtria ruse e kreu këtë sulm, presidenti i Ukrainës, Volodymyr Zelensky ndodhej në Shtetet e Bashkuara, ku do të marrë pjesë në takimin e Asamblesë së Përgjithshme të OKB-së këtë javë dhe do të takohet me liderët botërorë, përfshirë me presidentin amerikan, Joe Biden.

Ministria e Brendshme e Ukrainës tha se të dhënat fillestare tregojnë se Rusia përdori bomba të telekomanduara KAB në sulmin në Zaporizhja.

KAB-at janë bomba të riparuara sovjetike që ushtria ruse i ka përdorur në lindje të Ukrainës. Ato u përdorën edhe në sulmin e fundit në Harkiv, sipas zyrtarëve ukrainas.

Guvernatori i Zaporizhjas, Ivan Fedorov, tha se disa ndërtesa banimi janë dëmtuar si pasojë e sulmeve të natës në këtë qytet.

Ai tha se janë vendosur shatorre për t’i ndihmuar banorët e ndërtesave të dëmtuara.

Fedorov theksoi se në përgjithësi, Rusia i ka kryer 363 sulme ajrore dhe tokësore në ditën e fundit në 12 vendbanime në rajonin kufitar të Zaporizhjas.

Ndërkohë, Zelensky e vizitoi të dielën fabrikën e armëve në Pensilvani të Shteteve të Bashkuara, në të cilën prodhohen municione vendimtare për përpjekjet e vendit të tij për ta zmbrapsur pushtuesin.

Presidenti ukrainas po shpreson se në SHBA do të marrë leje për përdorimin e raketave amerikane me rreze të gjatë veprimi për të kryer sulme thellë brenda Rusisë ndaj fushave ajrore dhe depove të armëve që janë thelbësore për luftën e Moskës.

“Këtë vjeshtë ne do ta vendosim të ardhmen e kësaj lufte”, shkroi Zelensky në X./REL

Një raund i ri sulmesh ka nisur në Lindjen e Mesme, me dy shpërthime të reja të raportuara në kryeqytetin libanez, në periferinë jugore të Bejrutit.

Sipas Reuters, duke cituar dëshmitarë okularë dhe burime sigurie, pajisjet e komunikimit të përdorura nga Hezbollahu kanë shpërthyer në periferitë jugore të Bejrutit.

Shpërthimet, me fuqi të kufizuar sipas mediave ndërkombëtare, ndodhën në pjesë të ndryshme të periferisë së Bejrutit.

Shpërthimet e së mërkurës në Bejrut vijnë 24 orë pas shpërthimeve të bombave nga grupi në Liban, duke lënë të paktën 12 të vdekur dhe afro 2800 të plagosur.

Lëvizja libaneze Hezbollah siguroi se Izraeli “do të marrë dënim të drejtë” pas “këtij sulmi kriminal”.

Izraeli ka kryer sulme të rënda në Libanin jugor, ku kanë mbetur të vrarë pesë persona mes tyre tre fëmijë sirianë.

Sipas Hezbollahut sulmet me raketa synonin zona ku ndodheshin civilë, ndonëse ende nuk ka asnjë reagim nga ushtria izraelite. Nga ana tjetër Hezbollah nuk ka qëndruar duarkryq në këtë situatë, pasi iu është kundërpërgjigjur me sulme izraelit.

Hezbollahu ka shkëmbyer zjarr pothuajse çdo ditë me forcat izraelite në mbështetje të aleatit të Hamasit që kur sulmi i grupit militant palestinez në 7 tetor ndaj Izraelit shkaktoi luftë në Rripin e Gazës.

Ushtria izraelite tha se afërsisht 40 predha u identifikuan duke kaluar nga Libani në territorin izraelit, disa prej të cilave u kapën. Por nuk u raportua për të lënduar.