Në një studio televizive u diskutua çështja e sulmit në Kosovë nga terroristët serbë dhe ekzistenca e frikës së një gjakderdhje tjetër.

Gazetari Marin Mema tha se zhvendosja e popullsisë atje ka një periudhë të gjatë që ka ndodhur.

“Tashmë më në fund po tregohet ose po përpiqet që autoritetet të vënë rend në krahun tjetër. Por deri në këtë moment vetëm zhvendosje kishte.

Madje sot ka dhe një përpjekje për t`i rikthyer e për t`i ndërtuar shtëpitë, që ky duhet të ishte një qëllim.

Unë nuk mbroj asnjë nga ata që kanë sulmuar shqiptarët, unë po them që ka patur një gjumë letargjik të politikës në Kosovë kur shqiptarët në Mitrovicë dhe në zona të tjera, largoheshin dhe detyroheshin të iknin nga pronat e tyre me dhunë.about:blank

Ka pasur një heshtje dhe një pranim të politikës shqiptare për një kohë të gjatë kur këta shqiptarë trysnoheshin në mënyrë të vazhdueshme edhe për t`i ringritur shtëpitë e tyre.

Një pjesë e politikës së Kosovës është paguar me lekët e kontrabandës, drogës, armëve, kriptomonedhave që prodhoheshin në Serbi,” tha Mema.

Policia e Kosovës, ka bërë publike disa lloje nga arsenali i armëve që kanë gjetur gjatë kontrollit në disa lokacione e objekte banimi në Banjskë të Zveçanit, ku vepronte grupi kriminal serb, që vranë ditën e sotme një efektiv të Policisë.about:blank

Sipas Policisë, bëhet fjalë për gjetjen e dhjetëra, qindra armëve të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov.

Kujtojmë se gjatë përleshjeve, u vranë edhe 3 prej sulmuesve serbë dhe u arrestuan 6 prej tyre.

Tensionet e ditës së sotme në very të Kosovës sollën një reagim të gjerë ndërkombëtar, të cilët dënuan dhunën nga kriminelët serbë.