Pas rreth 1 ore Kombëtarja jonë do të zbresë në fushën e mitikut të Tiranës, “Air Albania”, ku përballë tyre është Ukraine , në sfidën e vlefshme për xhiron e 6-t dhe të fundit të këtij edicioni, të Nations League, ku padyshim rezultati që kërkohet është fitorja.

Sa i përket formacioneve tekniku Sylvinho ka vendosur të përdorë të njëjtin formacion 4-3-3, ku në portë sërish vendoset Strakosha, ndërsa në krahët e mbrojtjes janë Balliu e Mitaj, me qendrën që mbulohet nga Ajeti e Ismajli, kjo për shkak të mungesës së Berat Gjimshitit.

Para mbrojtjes vendosen Kristjan Asllani e Ylber Ramadani, ndërsa Ernest Muçi, Bajrami e Laçi vendosen pas “bomberit” të vetëm, Mirlind Daku.

Në krahun tjetër, tekniku Serhiy Rebrov ka besuar sërish “yjeve” të tij, teksa ka hedhur në fushë lojtarë me shumë kualitet, si Dovbyk, Mudryk, Konoplya e Sudakov.
Formacionet zyrtare:

Qeveria gjermane ka dënuar ashpër sulmin vdekjeprurës në Moskë. Numri i viktimave u rrit në rreth 133 vetë të shtunën. Kancelari Scholz ka shprehur ngushëllimet dhe ka thënë se Gjermania dënon sulmin ndaj të pafajshmëve.

“Ne e dënojmë sulmin terrorist të tmerrshëm kundër njerëzve të pafajshëm në Moskë”, shkroi kancelari Scholz në shërbimin e internetit, X. “Mendimet tona janë me të afërmit e viktimave dhe tek të plagosurit.” Edhe ministrja e Jashtme gjermane, Annalena Baerbock bëri fjalë për një “sulm çnjerëzor dhe frikacak” dhe që dënohet në “çdo vend”. “Njerëz të pafajshëm, që thjesht donin të merrnin pjesë në një koncert u vranë gjakftohtësisht”, shkroi Baerbock po ashtu në X dhe shprehu ngushëllimet.

Zëvendëskancelari gjerman, Robert Habeck u shprehu ngushëllimet familjeve të viktimave dhe foli për “lajme të tmerrshme nga Moska”. “Ngushëllimet e mia për viktimat dhe familjet e tyre, që mbajnë zi apo janë të tronditur për të plagosurit”, u tha një deklaratë të Ministrisë së Ekonomisë. E rëndësishme tani është “të zbardhet sfondi sa më shpejt”.

Drejtori i Zyrës për Kosovën në Qeverinë Serbe, Petar Petkoviq, hodhi poshtë pretendimet e bëra nga ministri për Punë të Brendshme i Kosovës, Xhelal Sveçla, se nënkryetari i Listës Serbe, Millan Radoiçiq, gjendet në spitalin ushtarak në Beograd.about:blank

“Sveçla gënjeu se Millan Radoiçiq është shtrirë në spitalin ushtarak në Beograd”, tha Petkoviq përmes një deklarate më 27 shtator.

Një ditë më herët, ministri Sveçla gjatë një interviste për Euronews Albania deklaroi se Radoiçiq – që ai tha se ishte udhëheqës dhe pjesëmarrës në sulmin ndaj Policisë së Kosovës më 24 shtator në Banjskë të Zveçanit – “ka shumë gjasa që është në spitalin në spitalit ushtarak në Beograd”.

Radoiçiq është nënkryetar i Listës Serbe, partisë më të madhe të serbëve në Kosovë që gëzon mbështetjen e Beogradit zyrtar.

Më 26 shtator, Sveçla publikoi një video të incizuar me dron, që tha se shfaq Radoiçiqin e armatosur duke qëndruar në manastirin në Banjskë me një grup personash të armatosur dhe të veshur me uniforma ushtarake.about:blank

Në Serbi, vetëm ministri i Punëve të Jashtme, Ivica Daçiq, ka komentuar për këto pretendime, duke thënë se ajo video “duket” se nuk ishte incizuar në ditën kur ndodhi sulmi në veri të Kosovës.

“Nuk kam asnjë informacion nëse [Radoiçiqi] është në atë video apo jo, vërtetë nuk e di”, tha Daçiq për Radio Televizionin e Serbisë më 26 shtator.

Policia e Kosovës u sulmua nga një grup i maskuar dhe i armatosur, teksa forcat e rendit po tentonin të largonin barrikadat që ishin vendosur në një rrugë në fshatin Banjskë të Zveçanit – një prej katër komunave në veri, të banuara me shumicë serbe.

Grupi i armatosur më pas u strehua në manastirin e Banjskës, prej ku gjatë gjithë të dielës u përlesh me policinë.about:blank

Nga sulmet mbeti i vrarë një polic i Kosovës dhe tre sulmues të dyshuar.

Aktualisht, katër persona janë të arrestuar për sulmet në veri. Ndaj tre prej tyre, autoritetet e drejtësisë kanë shqiptuar masën e paraburgimit prej një muaji.about:blank

Kosova e ka bërë përgjegjëse Serbinë për sulmin, ndërsa Beogradi zyrtar serbët e Kosovës.

Shtetet e Bashkuara dhe Bashkimi Evropian kanë dënuar ashpër sulmin dhe kanë kërkuar që përgjegjësit të përballen me drejtësinë.