Java e 19-të është e fundit për vitin 2024, dhe kampionati do të rikthehet në janar 2025. Sfida përmbyllëse e vitit do të jetë ndeshja për Superkupën e Shqipërisë, Egnatia – Kukësi, që do të zhvillohet më 26 dhjetor, ora 19:00, në stadiumin “Arena Kombëtare”.Java e 19-të e kampionatit “Abissnet Superiore” do të luhet e ndarë në tri ditë, duke nisur të premten me dy sfida dhe përfunduar të dielën me një tjetër ndeshje.

Programi i ndeshjeve është si më poshtë:

Skënderbeu – AF Elbasani, më 20 dhjetor, ora 16:30
– Partizani – Vllaznia, më 20 dhjetor, ora 19:00
– Laçi – Tirana, më 21 dhjetor, ora 13:30
– Dinamo City – Egnatia, më 21 dhjetor, ora 16:30
– Teuta – Bylis, më 22 dhjetor, ora 16:30

Egnatia është rikthyer te fitorja pas humbjes së pësuar kundër Vllaznisë. Ekipi i Tetovës e ka shfryrë inatin në përballjen ndaj Bylisit, teksa ka fituar në shifrat e thella 4-0. Goli i parë i ndeshjes erdhi nga Ahmetaj në minutën e 31.

Vetëm gjashtë minuta më vonë, Xhemajli dyfishoi shifrat në 2-0. Kështu mbaroi pjesa e parë, ndërsa historinë e takimit e mbylli po Ahmetaj në të 57, për t’i zeruar shpresat Bylisit. Dhe për të përmbyllur statistikat e ndeshjes mendoi Ndreca në minutën e 69, 4-0, duke marrë një fitore morali pas humbjes me Vllazninë.