Një incident i ri i dhunës me armë është duke u zhvilluar në SHBA, ku një person i armatosur hyri në një dyqan ushqimesh në Jacksonville dhe filloi të qëllonte ndërsa punonjësit dhe klientët ishin brenda dyqanit.

Shefi i policisë ka konfirmuar se i dyshuari është bllokuar në brendësi të dyqanit ushqimor dhe vazhdon të gjuajë. Deri më tani nuk raportohet për pengje, ndërsa klientët janë evakuuar nga dyqani. Forcat e policisë kanë mbërritur në vendngjarje dhe pritet një bastisje e ekipit të SWAT.

Tre persona vdiqën, përfshirë sulmuesin, dhe dy oficerë mbetën të plagosur në një sulm me armë zjarri mbrëmjen e së hënës në një supermarket në Indiana të SHBA.

Sulmuesi vdiq në një konfrontim me policinë, thanë zyrtarët.

Incidenti filloi rreth orës 17:30, kur një person i armatosur hapi zjarr në supermarketin Martin.

Vetëm gjatë këtij muaji të parë të vitit, në SHBA janë shënuar 20 incidente me armë zjarri, sipas Arkivit të Dhunës me Armë. Vitin e kaluar, vendi numëroi më shumë se 500 të shtëna masive.

Një grua po kërkohet nga policia e Tiranës, pasi dyshohet se ka tentuar të rrëmbejë një fëmijë. Ngjarja ka ndodhur gjatë ditëve të fundit në një supermarket në kryeqytet.

Siç duket edhe nga pamjet e siguruara nga Klan News, ajo shikon fëmijën vetëm dhe i afrohet e më pas e merr në krahë. Pasi ndalon në një moment pranë kasës, ajo shkon drejt derës për t’u larguar. Gruaja është pikasur shpejt nga personeli i marketit që ndërhyri në kohë.

Pamjet e gruas u janë shpërndarë të gjitha strukturava të policisë për të bërë identifikimin e saj. Nga veprimet që ajo kryen, blutë nuk përjashtojnë mundësinë që të jetë me probleme të shëndetit mendor.

ARKANSAS- Një sulmues hapi zjarr mbrëmë në një supermarket në Arkansas në Shtetet e Bashkuara dhe vrau tre persona dhe plagosi dhjetë të tjerë, përfshirë dy policë.

I dyshuari u plagos gjithashtu në shkëmbimin e zjarrit me policinë, u tha gazetarëve drejtori i Policisë së Shtetit të Arkansas, Mike Hagar.

Të shtënat ndodhën në dyqanin ushqimor “Mad Butcher” në Fordyce, një qytet me 3200 banorë rreth 100 kilometra në jug të Little Rock.

“Fatkeqësisht, ne mund të konfirmojmë se 11 civilë të pafajshëm u plagosën dhe tre prej tyre vdiqën. Dy policë u plagosën në shkëmbimin e zjarrit. I dyshuari gjithashtu u qëllua dhe u arrestua”, tha Hagar.

Ai nuk shpjegoi rrethanat e të shtënave dhe as nuk iu përgjigj pyetjeve, raporton rrjeti kabllor amerikan CBS. Policët e plagosur dhe i dyshuari pritet të mbijetojnë, tha ai. Lëndimet e civilëve varionin nga jo-kërcënuese për jetën në jashtëzakonisht kritike, tha ai.

Guvernatorja Sarah Huckabee Sanders shkroi në platformën e mediave sociale X se ajo ishte e informuar për incidentin.

“I jam mirënjohëse forcave të policisë dhe atyre që u përgjigjën së pari për veprimin e tyre të shpejtë dhe heroik për të shpëtuar jetë”, tha ajo. Nëse autoritetet përgjegjëse amerikane kanë nisur tashmë hetimet dhe së shpejti pritet të dalin me rezultatet e para.