Behar Kamberi, një mjek psikiatër nga Kosova, është arrestuar pasi akuzohet për përndjekje ndaj moderatores së njohur sportive Albana Bejko

Sipas specialistëve për hetimin e krimeve në Komisariatin Nr. 2 në Tiranë, mjeku 42-vjeçar është arrestuar pasi dyshohet se ka përndjekur një 28-vjeçare, duke u shfaqur disa herë pranë banesës së saj.

Mjeku psikiatër jo vetëm kishte miqësi me moderatoren, por dinte edhe banesën e saj, madje Kamberi është nisur nga Kosova dhe është shfaqur para shtëpisë së moderatores, për t’i bërë një surprizë, një parfum të shtrenjtë.

Sapo Kamberi është paraqitur në vendin e takimit, ai është arrestuar nga oficerët e Komisariatit Nr. 2 të Tiranës, ku ndaj tij rëndon akuza për veprën penale të përndjekjes.

Kamberi ndodhet në qelinë e burgut “Mine Peza”, pasi u kap nga efektivët e policisë, ndërsa moderatorja kishte planifikuar skenën, duke e ftuar në një takim./tch

I dërguari amerikan Amos Hochstein ka filluar bisedimet me kryeministrin izraelit Benjamin Netanyahu – në një përpjekje për të siguruar një armëpushim midis Izraelit dhe milicisë libaneze të Hezbollahut.

Një zëdhënëse e qeverisë izraelite konfirmoi sot takimin. Najib Mikati, kryeministri i përkohshëm i Libanit tha më herët se shpresonte për një armëpushim “brenda pak ditësh”.Kushtet për këtë janë zbatimi i Rezolutës 1701 të OKB-së, vendosja e ushtrisë libaneze në Libanin jugor dhe konsolidimi i pranisë së saj në zonën kufitare.

Forcat Ajrore izraelite sulmojnë 150 objektiva në Gazë dhe Liban
Rezoluta 1701 e OKB-së i bën thirrje Hezbollahut të tërhiqet në veri të lumit Litani, rreth 30 kilometra nga kufiri me Izraelin.

Sipas raporteve të mediave, propozimi i SHBA-së është të përcaktojë që ushtarët izraelitë të largohen nga Libani brenda shtatë ditëve nga përfundimi i armiqësive.

Ata do të zëvendësoheshin nga gjithsej 10 000 ushtarë të forcave të rregullta libaneze, të cilët do të vendoseshin në kufirin me Izraelin brenda 60 ditëve të para pas nënshkrimit të marrëveshjes.

Drafti përcakton gjithashtu që qeveria e Libanit të monitorojë të gjitha shitjet e armëve në vend si dhe prodhimin e tyre.

TIRANË- Pas Presidencës, presidenti turk, Rexhep Tajip Erdogan ka mbërritur në Kryeministri, ku u prit nga kreu i qeverisë Edi Rama. Dy liderët do të zhvillojnë një takim kokë më kokë, ndërsa më pas do të zhvillohet mbledhja e Këshillit të Bashkëpunimit të Nivelit të Lartë mes delegacioneve të dy vendeve. Pas mbledhjes, pritet të nënshkruhen 3 marrëveshje bashkëpunimi mes dy vendeve. Rreth orës 14:35 pritet konferenca për shtyp mes Ramës dhe Erdogan.

Vizita e presidentit turk do të mbyllet me inaugurimin e xhamisë së Namazgjasë, ku i pranishëm do të jetë edhe Rama. Kreu i Komunitetit Mysliman të Shqipërisë, Bujar Spahiu, është lënë jashtë kësaj ceremonie, fakt i njoftuar publikisht nga vetë ai, ndërsa në emër të komunitetit, në inaugurim do të jetë Myftiu i Tiranës, Gazmend Teqja, i cili pritet të jetë edhe imami zyrtar i Xhamisë së Madhe.

Vizita e Presidentit të Turqisë, Recep Tayyp Erdogan në vendin tonë ka tërhequr vëmendjen e mediave greke.

Ato shkruajnë për inaugurimin e xhamisë së Namasgjasë, e cila filloi të ndërtohej në vitin 2015 dhe që konsiderohet më e madhja në Ballkan, me katër minare, secila 35 metra të larta, me një stil arkitekturor që të kujton epokën osmane. Por ndër të tjera, raportojnë se pjesë e axhendës së presidentit turk, do të jetë dhe një takim me kreun e bektashinjve, Baba Mondin.

“Presidenti turk pritet të takohet në Tiranë edhe me liderin fetar të sektit mysliman bektashi në Shqipëri dhe në mbarë botën, Edmond Brahimaj, i njohur për ndjekësit edhe si Baba Mondi.”- thuhet në artikkulin e mediave greke.

Muajin e kaluar, një raport i New York Times zbuloi planin e kryeministrit Edi Rama për të krijuar një shtet sovran mysliman bektashi brenda territorit shqiptar, të modeluar sipas Vatikanit, gjë që shkaktoi një reagim nga përfaqësuesit e komunitetit të madh bektashi në Turqi.

Një ngjarje e rëndë ka ndodhur në Itali, ku një grua e cila ishte e zhdukur prej dy javësh, është gjetur e vrarë. Mësohet se një 17-vjeçar u arrestua nga policia si i dyshuar për vrasjen e 42-vjeçares Maria Campai. Siç raportohet i mituri dhe viktima ishin njohur në internet, dhe më pas kishin lënë një takim intim.

Dyshohet se mes tyre ka pasur një konflikt që dhe më pas ka çuar në vrasjen e 42-vjeçares, ndërsa rrethanat konkrete nuk dihen ende. Sipas hetimeve paraprake,

17-vjeçari e ka goditur me dhunë gruan në kokë, duke i shkaktuar dëmtime shumë të rënda. Nuk dihet nëse ai tentoi ta mbyste për ta vrarë. Më pas ai ka tërhequr trupin e gruas, dhe e ka çuar në rrënojat e një shtëpie të braktisur, në një vend që ishte i vështirë për t’u vënë re.

Zhdukja e gruas me origjinë rumune u raportua të premten e kaluar nga motra e saj që bashkëjetonte, duke raportuar se 42-vjeçarja kishte shkuar në Viadana për një takim.

Gjithashtu motra tha se djali i arrestuar, ishte i njëjtë me personin që e Maria ishte larguar për herë të fundit. Gruaja shpjegoi se ishte takuar rastësisht me të riun me të cilin ishte larguar motra e saj më 19 shtator.

“Po hynte në një farmaci. E njoha, ishte ai. Pastaj e di që shkoi në takim me të”, tha ajo.

Presidenti i Serbisë, Aleksandër Vuçiç është takuar sot me të dërguarin e posaçëm të BE-së për dialogun Kosovë-Serbi, Miroslav Lajçak.

Në një postim të bërë në instagram, Vuçiç shkruan se gjatë takimit e ka informuar Lajçakun për situatën e serbëve në Kosovë, të cilën presidenti serb e ka cilësuar si “të padurueshme”. Më tej ai i bën thirrje ndërkombëtarëve të angazhohen për popullin serb në Kosovë.

“Kam biseduar me Miroslav Lajçak për situatën në Kosovë dhe Metohi dhe kushtet e padurueshme për jetën e popullit tonë. Shqyrtuam mundësitë dhe temat për vazhdimin e bisedimeve konstruktive në Bruksel, si dhe hapat e nevojshëm për progres drejt normalizimit të marrëdhënieve ndërmjet Beogradit dhe Prishtinës. Edhe një herë i kam bërë thirrje bashkësisë ndërkombëtare që të angazhohet konkretisht dhe me vendosmëri për çështjet me rëndësi themelore për mbijetesën e popullit serb në Kosovë e Metohi dhe për stabilitetin rajonal”- shkruan Vuçiç.