E pyetur nga gazetarja Erjona Rusi nëse do e donte një takim me të, ajo nuk e hodhi poshtë si opsion.

“Të kisha vazhdu jetën më e lirshme dhe të flas vetëm me të, pa qenë në ndikim të dikujt, patjetër që po (do e takoja). Vetëm të ngelet respekti. Edhe nëse nuk kemi lindur për njëri-tjetrin të jetë respekti. Sepse në fund të fundit, i kemi qenë afër njëri-tjetrit në momente të vështira. Unë dhe tani e them që nëse ai më merr në telefon dhe thotë se ka nevojë për mua, unë do jem gjithmonë për të. Pa kamera”, u shpreh ajo. /Prive By Liberta Spahiu

Takimi surprizë i Olsit me Eglin në Big Brother VIP pritej të komentohej nga punliku, por edhe nga vetë banorët brenda në shtëpinë e vëllait të madh.

Gjatë një debati Jozi i ka përmendur Egli Takos takimin ku e akuzon se kjo e fundit ka përdorur kunja gjatë takimit.

Jozi: Dy kunja ia hodhe.

Egli: Nuk janë kunja, janë të vërteta.

Jozi: Kunja janë.

Egli: Ma ndjen këtu me e thënë se kam dy vite e ca pa e pare.

Jozi: Janë kunja.

Egli: A e kuptove ti?

Jozi: Po shumë mire.

Egli: Faleminderit, më vjen mirë. Nëse i ke marrë si kunja më vjen mirë, po jam e vetëdijshme për ça nxjerr nga goja.

Kryeministri Albin Kurti i ka kërkuar shefes së re të diplomacisë së Bashkimit Evropian, Kaja Kallas, që Serbia të dorëzojë terroristin Milan Radoiçiç tek autoritetet e Kosovës, si organizatorin e sulmit në Banjskë më 24 shtator të vitit të kaluar.
Kurti u takua të martën me Kallasin në Bruksel.

“Në takim diskutuam çështjet e progresit të Kosovës sa i përket integrimeve evropiane, por edhe raportet me fqinjin tonë verior.

Theksova se kemi pasur rritje ekonomike dhe progres demokratik të paparë në Kosovën e pavarur dhe njëkohësisht kemi menaxhuar sfidat më të rënda të sigurisë, kërcënimet më serioze të cilat rezultuan me vrasjen e rreshterit Afrim Bunjaku.
Kryekrimineli i bandës që kreu sulmin në Banjskë – mbahet i lirë dhe mbështetet nga Serbia. Ne kërkuam, si në çdo takim tjetër, dorëzimin e Radoiçiçit tek autoritetet e Kosovës pasi Prokuroria tani ka aktakuzë prej 160 faqësh dhe grupin e tij prej mbi 40 personave”, ka thënë Kurti.

Prania e Fredi Belerit si pjesë e delegacionit të eurodeputetëve të Parlamentit Europian që ndodhen në Tiranë për takimin e 18-të të Stabilizim-Asociimit Shqipëri-BE solli shumë reagime.
Raportohet se grupi parlamentar i PDIU refuzoi dje të merrte pjesë në takimin e zhvilluar me delegacionin e PE-së, per shkak të Fredi Belerit.

Në takim duhej të merrte pjesë në emër të grupit parlamentar, Mesila Doda, por deputetja nuk shkoi në këtë takim.
PDIU eshte artikuluar fort në qëndrimin e vet kundër zgjedhjes së Fredi Belerit si kryebashkiak i Himarës dhe sot eurodeput që përfaqëson Greqinë, pasi sipas PDIU qëndrimet e tij kanë qenë gjithmonë irredentiste ndaj shqiptarëve, kushtetutës dhe shtetit shqiptar.
Sot vijon dita e dytë e takimit dhe në fokus të këtyre takimeve të dyja delegacionet do të diskutojnë dhe ndajnë mendime mbi tema si: sundimi i ligjit, lufta kundër krimit dhe korrupsionit, liria e medias dhe zgjedhjet, zhvillimi Ekonomik dhe Turizmi si dhe marrëdhëniet e fqinjësisë së mirë dhe bashkëpunimi rajonal.

Presidenti i Francës, Emmanuel Macron tha se rendi botëror është “i mangët dhe i padrejtë” dhe bëri thirrje se duhet të ndërtohet një rend i ri, transmeton Anadolu.

Sipas lajmeve në shtypin kombëtar, presidenti Macron në një fjalim që mbajti në hapjen e “Takimit për Paqe” të organizuar nga Sant-Egidio, komuniteti katolik në Paris foli për marrëdhëniet me Rusinë, organizimin e Bashkimit Evropian (BE) dhe sistemin ndërkombëtar.

Joe Biden mirëpret për tre ditë me radhë në Uashington udhëheqësit e aleancës së NATO-s, e cila sapo u zgjerua me dy anëtarë të rinj, në një takim të nivelit të lartë që pritet të përcaktojë planet për mbrojtjen e Ukrainës si edhe, sikurse thonë disa analistë “për ta mbrojtur atë nga Donald Trumpi” nëse Biden humbet zgjedhjet, mes pikëpyetjeve në rritje për të ardhmen e tij. Megjithatë, siç njofton korrespondentja e Zërit të Amerikës, Anita Powell, Shtëpia e Bardhë thotë se aleatët e NATO-s nuk janë të shqetësuar mbi të ardhmen politike të Presidentit amerikan.

Pikepyetja e madhe për Aleancën është: Edhe sa kohë mund të rezistojë Ukraina?

Një tjetër pyetje me të cilën përballen në këtë takim të nivelit të lartë aleatët e NATO-s dhe amerikanët është e ardhmja e politike e Presidentit Joe Biden, i cili e rreshton veten ndër përkrahësit më të mëdhenj të Ukrainës.

Të hënën, presidenti 81 vjeçar tha se do të vazhdojë garën, ndërsa po shtohen thirrjet që ai të tërhiqet, pas paraqitjes së dobët në debatin presidencial të muajit të shkuar.

Një ditë më parë, Shtëpia e Bardhë hodhi poshtë pikëpyetjet se aleatët e NATO-s janë të shqetësuar se këto krisje në udhëheqje mund të krijojnë pasiguri për aleancën 75-vjeçare, ndërsa krerët e saj mblidhen në Uashington.

“Nuk po marrim ndonjë sinjal për një gjë të tillë nga asnjë prej aleatëve tanë, përkundrazi. Nga komunikimet paraprake ata janë entuziastë për këtë takim. Për mundësitë që ofron dhe për çka po bëjmë të gjithë bashkë, veçanërisht për të ndihmuar Ukrainën”, tha John Kirby, zëdhënës i Shtëpisë së Bardhë. Analistët thonë se udhëheqësit e NATO-s janë në të vërtetë të shqetësuar, por ata po tregohen të kujdesshëm për të mos u përfshirë në çështjet e brendshme të politikës amerikane.

“Mendoj se ka një shqetësim në NATO. Udhëheqësit e vendeve të NATO-s mund të kenë mendime të ndryshme për Joe Bidenin, por nëse i kthehemi administratës së Trump, ai (Donald Trumpi) mbajti një sërë qëndrimesh që ishin vërtet kundër NATO-s. Shumica e vendeve të NATO-s do të parapëlqenin Biden-in dhe kjo jo domosdoshmërisht sepse janë kaq shumë pro tij, por për shkak deklaratave dhe paralajamërimeve të Trump në lidhje me NATO-n. Por, hezitojnë ta shprehin publikisht një gjë të tillë, sepse duket sikur po ndërhyjnë në zgjedhjet amerikane, diçka që nuk duhet ta bëjnë”, shprehet Richard Stoll nga Universiteti “Rice”. Por krisje ka edhe mes drejtuesve të tjerë ndër radhët e aleancës. Kryeministri hungarez i së djathtës së skajshme u takua së fundmi me presidentin rus Vladimir Putin dhe tha se do të shërbente si një “urë” komunikimi mes Kievit e Moskës. Në këtë takim të nivelit të lartë, organizata prej 32 anëtarësh pritet të marrë përsipër koordinimin e ndihmës për mbrojtjen e Ukrainës, rol që deri tani e ka luajtur Uashingtoni.

“Në këto dy vite e gjysmë, kanë mbetur gjithnjë e më pak aktorë politikë që janë në gjendje që të komunikojnë me të dy palët e përfshirë në konflikt”, u shpreh Viktor Orbán, kryeministër i Hungarisë . Një gjë nuk ka gjasa të ndodhë gjatë këtij takimi të nivelit të lartë: një ndërprerje e luftimeve. Presidenti Putin thotë se Ukraina nuk është “e gatshme” për të diskutuar kushtet, të cilat, sipas tij, përfshijnë tërheqjen e trupave ukrainase nga katër rajonet që Rusia i ka aneksuar. Ukraina kërkon një “paqe të drejtë” që përfshin të gjithë territorin e saj. Presidenti Zelenskyy do të marrë pjesë në takimin e nivelit të lartë për të nxitur këtë qëndrim, sikurse edhe anëtarësimin e Ukrainës në NATO./VOA