Një aksident i rëndë ka ndodhur ditën e sotme, rreth orës 11: 00 në aksin “Tapizë-Fushë Krujë, ku si pasojë kanë ngelur të plagosur tre persona.

Blutë bëjnë me dije se automjeti me drejtues shtetasin E. H., rreth 28-vjeç është përplasur me automjetin që drejtohej nga shtetasi K. D., 19-vjeç. Si pasojë e këtij aksidenti, përpos dy drejtuesve të mjeteve, i plagosur ka mbetur edhe pasagjeri i cili ndodhej në automjetin e 28-vjeçarit.

Bëhet me dije se gjendja e të plagosurve është e rëndë dhe janë nisur drejtë spitalit të Traumës.

Një aksident tragjik ka ndodhur në Tapizë, ku një 33-vjeçar ka përplasur automjetin e një 69-vjeçareje, e cila si pasojë e aksidentit ka humbur jetën.

Ngjarja ka ndodhur ditën e djeshme dhe është konfirmuar nga policia e Krujës.

Shoferi, shtetasi V. Z., është arrestuar nga autoritetet dhe po mbahet në izolim, për shkak të përplasjes që çoi në fatalitet.

Njoftimi i policisë:

Shërbimet e Komisariatit të Policisë Krujë arrestuan shtetasin V. Z., 33 vjeç, pasi dje, në Tapizë, automjeti që drejtonte ky shtetas, është përplasur me automjetin që drejtonte shtetasja L. M., 69 vjeçe, e cila si pasojë humbi jetën.