Në një postim të gjatë, ajo u shpreh e tronditur nga ajo që kishte parë, duke theksuar se rrjetet sociale janë të fuqishme, por edhe të rrezikshme kur përdoren në mënyrën e gabuar.

“Rrjetet sociale janë të fuqishme, por gjithashtu të rrezikshme. Janë ndërtuar mbi vëmendjen, por nuk duhet të glorifikojnë llojin e gabuar të saj. U trondita kur pashë njerëz duke xhiruar me telefona në një varrim. Dhe disa ‘VIP-a’ që jepnin intervista e mburreshin online me atë që u ishte thënë. Disa të ashtuquajtur gazetarë bënin pyetje të parëndësishme, duke e kthyer dhimbjen e një familjeje në skenë për veten e tyre. Kjo është absurde, çnjerëzore dhe thellësisht mosrespektuese. Momente që duhej të ishin private, u kthyen në një cirk.”

Dafina shtoi se një ditë do t’i mësojë djalit të saj të qëndrojë larg nga njerëz të tillë:

“Një ditë do t’i mësoj djalit tim: këta janë njerëzit nga të cilët duhet të qëndrosh larg, ata që japin shembullin më të keq. Humaniteti nuk duhet të shitet kurrë për vëmendje.”

Ajo përfundoi mesazhin me një thirrje të qartë:

“Sepse vëmendja nuk duhet të vijë kurrë në kurriz të dhimbjes së dikujt tjetër.”

Reagimi i Dafinës është përshëndetur nga shumë fansa, të cilët e kanë cilësuar si një zë të guximshëm kundër banalizimit të dhimbjes dhe shndërrimit të tragjedive në spektakël publik.

Procedohet e lirë një 33-vjeçare në Fier. Mësohet se 33-vjeçares L.I i janë gjetur 14 celularë të kontrabanduar në servisin saj të celularëve, të cilat ishin pa faturë blerjeje. Telefonat u sekuestruan nga Policia.

Ndërkohë është arrestuar një 36-vjeçar pasi u kap i dehur në timon. Dy persona të tjerë janë proceduar për përplasje me automjet të një biçiklisti si dhe punimet pa leje.

Njoftimi i Policisë:

Drejtoria Vendore e Policisë Fier

Sektori për Hetimin e Krimit Ekonomiko Financiar i DVP Fier, referoi materialet në Prokurori ku nisi procedimi në gjendje të lirë për shtetasen L. I., 33 vjeçe, banuese në Fier, pasi në subjektin në pronësi të saj (servis celularësh), janë gjetur dhe sekuestruar 14 celularë që kjo shtetase i dispononte pa faturë blerjeje, dhe dyshohet të jenë të kontrabanduara.

Policia Rrugore:

-arrestoi shtetasin B. S., 36 vjeç, banues në fshatin Hamil, pasi u konstatua nga shërbimet e Policisë duke drejtuar automjetin në gjendje të dehur;

-referoi materialet në Prokurori ku nisi procedimi në gjendje të lirë për shtetasin A. M., 45 vjeç, pasi duke drejtuar automjetin, ka humbur kontrollin dhe ka përplasur biçiklistin, shtetasin S. H., i cili pasi mori mjekim në spital, u largua për në banesë.

Komisariati i Policisë Mallakastër referoi materialet në Prokurori ku nisi procedimi në gjendje të lirë për shtetasin M. Z., 62 vjeç, pasi u konstatua duke kryer punime pa leje.

Materialet procedurale i kaluan Prokurorisë për veprime të mëtejshme.