Europa po përballet me një valë të re të motit ekstrem, mes temperaturave përvëluese, zjarreve të egra dhe stuhive.

Gjermania është një nga vendet më të goditura nga kontrasti dramatik mes vapës dhe motit të keq. Të mërkurën temperaturat në disa zona arritën deri në 40°C, duke rritur ndjeshëm rrezikun e zjarreve në pyje dhe duke shkaktuar paralajmërime të shumta nga autoritetet.

Ndërkohë që dielli përvëlon pjesën më të madhe të vendit, disa rajone jugore, përreth liqenit Konstanz, janë goditur nga stuhi të papritura breshëri. Në komunën Sipplingen, breshëri arriti madhësinë deri në pesë centimetra, duke dëmtuar makina dhe duke bllokuar rrugët. Ekipet e emergjencës përdorën automjete speciale për të pastruar rrugët nga breshri i pazakontë për një ditë vere.

Shërbimi Kombëtar i Motit në Gjermani paralajmëroi për përmbytje të mundshme, erëra të forta deri në 90 km/h dhe reshje intensive shiu që shoqërojnë këto stuhi. Në veri të vendit, valët e të nxehtit kanë dëmtuar edhe infrastrukturën, duke bërë që disa segmente autostradash të deformohen dhe duke rrezikuar drejtuesit e mjeteve.

Vendet e Ballkanit po përballen me një valë të nxehti e cila sipas ekspertëve, pritet të sjellë temperaturë 40 gradë Celsius, që nuk janë fort të zakonshme për qershorin.

Instituti Kombëtar i Shëndetësisë Publike i Kosovës (IKSHPK) ka dalë me disa rekomandime dhe këshilla se si qytetarët të mbrohen nga nxehtësia, duke u kërkuar që të shmangin daljet jashtë dhe të mos kryejnë aktivitete të rënda gjatë periudhës më të nxehtë të ditës.

“Gjatë ditës, kur temperaturat janë më të larta jashtë, mbyllni dritaret dhe mbulojini me perde apo materiale që pengojnë rrezet e diellit”, thuhet në një nga rekomandimet që IKSHPK-ja ka publikuar në rrjetet sociale.

Në të gjithë rajonin sakaq, zjarrfikësit po përballen me paralajmërime për më shumë vatra zjarri, teksa vala e nxehtësisë vazhdon intensifikimin.

Në vendin tonë të mërkurën u arrit të viheshin nën kontroll dhjetëra vatra zjarri. Ndërkohë, një sërë banesash u përfshinë nga flakët këto ditë në jug të Kroacisë, ku disa zona ende po përballen me pasojat e zjarreve dhe banorët janë detyruar të evakuohen gjatë fundjavës. Nga kryeqyteti Zagreb në veri, deri në Dalmaci në jug, disa rajone do të jenë në nivelin më të lartë të paralajmërimit për rrezik nga zjarret dhe për probleme shëndetësore për banorët nga i nxehti, thanë autoritetet.

Edhe në Serbi po ashtu janë lëshuar paralajmërime për shkak të temperaturave ekstreme, teksa të mërkurën në Beograd temperaturat arritën në 38 gradë, ndërkaq një ditë më vonë ato pritet të jenë 39 gradë Celsius.

Ditën e shtunë vendi ynë do të jetë në ndikimin e kushteve atmosferike të qëndrueshme. Moti parashikohet kryesisht i kthjellët në të gjithë territorin, me vranësira të pakta deri mesatare kalimtare gjatë orëve të mesditës dhe pasdites.

Prej orëve të mesditës deri ato të pasdites vonë në relievet malore në jug dhe kryesisht juglindje priten reshje shiu të dobëta e afatshkurtra.

Era me drejtim verilindje – veriperëndim me shpejtësi mesatare 10 m/s, në lugina dhe bregdet hera-herës fiton shpejtësi deri në 18 m/s.

Deti – Valëzimi 2-4 ballë, ndërsa temperaturat arrijnë deri në 35 gradë C.

Nga e diela dhe veçanërisht gjatë javës së ardhshme, në Itali do të mbërrijë vala e dytë e të nxehtit për këtë fillim qershori, shumë më intensive se e para, me temperatura që pritet të arrijnë deri në 37°C në pjesën më të madhe të vendit.

Meteorologu Mattia Gussoni nga portali www.iLMeteo.it konfirmon formimin e një blloku atmosferik të nxehtë për ditët në vijim. Bëhet fjalë për një konfigurim të veçantë që do të sjellë shtrirjen e anticiklonit afrikan për mijëra kilometra nga jugu në veri.

Sipas Gussonit, kushtet e motit do të mbeten thuajse të pandryshuara për disa ditë: shumë diell dhe mungesë reshjesh në pjesën dërrmuese të rajoneve. “Italia do të ndodhet në zemër të kësaj ‘flluske’ me presion të lartë”, thotë ai.

Që nga e diela, 8 qershor, dielli do të shkëlqejë në pothuajse të gjitha rajonet, megjithatë mbetet rreziku për ndonjë stuhi të izoluar në Alpet qendrore-lindore, e cila mund të shtrihet edhe në fushat e Friulit. Një fazë e re e motit anormal do të nisë javën e ardhshme: përveç shumë diellit, pritet një valë e fortë të nxehti që do të prekë gjithë vendin gjatë pjesës së parë të qershorit.

Temperaturat pritet të jenë disa gradë mbi mesataren klimatike, duke sjellë nxehtësi përvëluese në më shumë se gjysmën e Italisë. Më konkretisht, nga e marta, 10 qershor, priten temperatura deri në 36-37°C në Toskanë, Lacio, Molise, Bazilikatë, Puglia, Siçili, Sardenjë dhe Kalabri – madje deri në 40°C në zonat e brendshme të dy ishujve të mëdhenj.

Në pjesën tjetër të rajoneve, nxehtësia dhe lagështia do të jenë të ndjeshme, me temperatura deri në 33-34°C në qytete si Milano, Bolonja dhe Roma. Këto kushte do të zgjasin gjatë gjithë javës, nga e hëna, 9 qershor, deri të dielën, 15 qershor. “Për momentin, nuk pritet ndonjë ndryshim domethënës në këtë bllok atmosferik – të paktën jo para dhjetëditëshit të fundit të muajit”, shton Gussoni./TCH

Vendi ynë këtë fundjavë do të ndikohet nga një mot i paqendrueshëm.

Në orët e para të ditës do të kemi alternime kthjellimesh dhe vranësirash të shpeshta. Ndërsa gjatë orëve të pasdites pritet të kemi reshje shiu në të gjithë vendin.

Temperaturat do të luhaten nga 7 gradë minimalja deri në 20 gradë celcius maksimalja.

Mbretëria e Bashkuar po përgatitet për kushte ekstreme të motit me një ulje të menjëhershme të temperaturave. Dëbora që ra në Arktik bëri që Anglia të regjistrojë natën më të ftohtë të sezonit deri më tani.
Orët e para të së hënës kanë regjistruar deri në – 8 gradë celcius në zonat malore. Zyra e Meteorologjisë tha se deri në 20 cm borë mund të grumbullohet në zonat më të prekura në atë qe e cilësojnë “shija e parë e dimrit” për këtë sezon.

Paralajmërimet e verdha do të qëndrojnë të ndezura për disa ditë, për shkak të shiut dhe dëborës nga ora 7 pasdite e së hënës deri në orën 10 të mëngjesit të së martës nga Skocia jugore deri në Uellsin verior dhe Midlands.
Skenari më i mundshëm, thanë parashikuesit, ishte që të grumbulloheshin deri në 20 cm borë në kodrat mbi 300 metra dhe deri në 10 cm në kodrat mbi 200 metra.

Ndërprerjet e energjisë elektrike, por edhe të qarkullimit rrugor janë duke u shqyrtuar.
Tom Morgan, një meteorolog i Met Office, tha: Java në vazhdim ka të ngjarë të qëndrojë e ftohtë në mbarë vendin, një ditë me erë të martën dhe më pas me shi dimëror gjatë ditëve të tjera.

Kushte të tilla do të ishin tipike vetëm në fund të dimrit. Edhe agjencia e Sigurisë Shëndetësore të Mbretërisë së Bashkuar lëshoi alarme të verdha për motin e ftohtë për pjesë të mëdha të Anglisë deri të enjten.

Shqipëri – Sipas MeteoAlb gjatë orëve të paradites vendi ynë do të mbizotërohet nga moti i kthjellët dhe vranësira të pakta në bregdet dhe zonat e ulëta ndërsa me kthjellime dhe vranësira disi më të shpeshta do të paraqiten zonat malore përgjatë shtrirjes Lindore duke rrezikuar momente me pika shiu në juglindje të territorit.

Pjesa e dytë të ditës do të vijojë me alternime kthjellimesh dhe vranësirash të shpeshta në të gjithë territorin e vendit.

Temperaturat e ajrit do të pësojnë rënie si në vlerat minimale edhe në ato maksimale duke u luhatur nga 17°C temperatura më e ulët e shënuar në qytetin e Ersekës deri në 38°C vlera më e lartë për-gjatë Ultësirës Perëndimore.

Era do të fryjë e lehtë dhe herë pas herë mesatare me shpejtësinë.

Kosova – Orët e para të mëngjesit në Kosovë do të jenë nën dominimin e kthjellimeve dhe vranësirave të pakta, por pas mesditës dhe në vijim pritet që gradualisht vranësirat të bëhen të dukshme ku më të theksuara do të jenë në zonat Veriore dhe Veriperëndimore të vendit; megjithatë nuk priten reshje.

Parashikohet që; pasditja dhe mbrëmja të vijojnë më kthjellime dhe vranësira të shpeshta në të gjithë territorin e Kosovës.

Temperaturat e ajrit do të ulen si në mëngjes edhe në mesditë duke luhatur vlerat ditore nga 14°C vlera më e ulët dhe maksimumet do të ngjiten deri në 34°C.

Era do të fryjë e lehtë, por herë pas here mesatare duke arritur shpejtësinë maksimale mbi 35 km/h nga drejtimi veriperëndimor.

Shqipëria

Sipas MeteoAlb: Do të vijojë i nxheti sërish në territorin Shqiptar; për pasojë moti i kthjellët dhe temperaturat shumë të larta do të mbizotërojnë në të gjithë territorin ku sërish goditen nga vlera ekstreme qarku i Beratit dhe Gjirokastrës me temperatura mbi 40 gradë celcius.

Pjesa e dyte e ditës do të sjellë vranësira të herë pas-herëshme për-gjatë gjithë vendit ku më të theksuara vranësirat do të jenë në skajin verior dhe verilindor; duke rrezikuar reshje të izoluara.

Temperaturat e ajrit do të pësojnë rënie të lehtë në vlerat minimale ku zonat malore do të shënojnë deri në 18 gradë celcius por mbeten kostante maksimumet duke u ngjitur sërisht në vlerën 40°C në qarkun e Beratit dhe Gjirokastrës.

Era do të fryjë e lehtë dhe mesatare me shpejtësi mbi 30 km/h nga drejtimi kryesisht Verior duke krijuar në brigjet detare dallgëzim të papërfillshëm.

Kosova

Do të mbetet prezent vala e nxehtë Afrikane; duke sjellë mot të kthjellët dhe temperatura të larta; në pjesën më të madhe të Kosovës; gjatë orëve të para të ditës.

Pjesa e dytë e ditës do të dominohet nga kthjellime dhe vranësira të lehta e kalimtare në të gjithë territorin ku më të theksuara vranësirat do të jenë në zonat përgjatë shtrirjes Veri – Verilindje;

Temperaturat e ajrit të pesojnë rënie në mëngjes por vijojnë njësoj në mesditë duke luhatur vlerat ditore nga 18°C minimalja e shënuar përkatësisht në qytetin e Mitrovicës deri në 39°C vlera maksimale në rang vendi.

Era do të fryjë e lehtë paradite por mesatare gjatë pasdites duke arritur shpejtesinë maksimale deri në 35 km/h nga drejtimi kryesisht Perëndimor.

Këtë të diel territori i Shqipërisë do të përfshihet nga moti nxehtë dhe i kthjellët. Sipas MeteoAlb, temperaturat priten të shkojnë deri në 38-39 gradë Celsius në qarkun e Beratit.

Shqipëri – Depërtimi i masave ajrore nga Afrikës drejt brigjeve të Mesdheut me ndikim deri në Ballkan do të sjellë në vendin tonë; mot të kthjellët dhe të nxehtë, por herë pas here priten vranësira të lehta e kalimtare ku më të theksuara do të jenë në zonat Juglindore të Shqipërisë.

Parashikohet që pasditja dhe nata të vijojnë me kthjellime dhe vranësira të lehta në të gjithë territorin e vendit. Temperaturat e ajrit do të rriten ndjeshëm si në mëngjes edhe në mesditë duke luhatur vlerat ditore nga 16°C vlera më e ulët në Verilindje të vendit deri në 38-39 gradë Celsius pritet vlera maksimale në qarkun e Beratit.

Era do të fryjë e lehtë dhe mesatare me shpejtësi maksimale mbi 30 km/h nga drejtimi perëndimor dhe Veriperëndimor, duke krijuar në brigjet detare dallgëzim të ulët.

Kosova – Do të depërtojnë më thellë masat ajrore Afrikane në republikën e Kosovës, duke sjellë mot të kthjellët dhe temperatura të larta gjatë gjithë paradites, por pjesa e dytë e ditës do të sjellë kalime vranësirash të shpeshta në të gjithë territorin e Kosovën ku më të theksuara vranësirat do të jenë në zonat malore përgjatë shtrirjes Veri – Veriperëndim por nuk priten reshje. Temperaturat e ajrit do të pësojnë rritje si në vlerat minimale edhe ato maksimale duke u luhatur nga 14°C minimalja e shënuar përkatësisht në qytetin e Mitrovicës deri në 34°C vlera maksimale e cila do të shënohen në qytetin e Prizrenit.

Era do të fryjë e lehtë paradite, por mesatare gjatë pasdites duke arritur shpejtësinë maksimale deri në 30 km/h nga drejtimi Veriperëndimor.

Rusia po përjeton motin më të nxehtë në më shumë se një shekull, ku në pjesën më të madhe të vendit temperaturat kanë kaluar 35 gradë.
Në Moskë, ku në dimër I ftohti shkon në minus 40 gradë, vapa përvëluese ka thyer rekordin e vitit 1917 duke arritur në plus 32.7 gradë Celsius.