Kryeministri i Kosovës, Albin Kurti, ka bërë një deklaratë të fortë duke bërë me dije se Milan Radoiçiçi është duke riorganizuar një tjetër sulm terrorist në veri.about:blank

Përmes një postimi në “Facebook”, Kurti ka dhënë më tepër detaje rreth grupit terrorist serb për të cilin thotë se tashmë në Rashkë të Serbisë janë duke mbajtur takime së bashku me Radoiçiçin për tu ripërgatitur për një sulm të mundshëm ndaj Kosovës.

Kreu i qeverisë së Kosovës shkruan se në datën 10 nëntor, Radoiçiqi ka udhëhequr një takim me rreth 40 politikanë serbë e zyrtarë të komunave ilegale nga Kosova. Sipas Kurtit, në mbledhjen e mbajtur në shtëpinë e kulturës në Rashkë, ai kishte pranë Svetllana Milladinov, zëvendësen e Petar Petkoviçit, koordinatorit të të ashtuquajturës zyrë të Serbisë për Kosovë.

Gjithashtu, kryeministri thekson se gjatë këtij takimi përveç deputetëve të Listës Serbe, kanë marrë pjesë edhe kryetari i ri i saj Zlatan Elek dhe nënkryetarët, Dragisha Milloviç dhe Dalibor Jevtiç. Ndër të tjera, Kurti është shprehur se KFOR-i, EULEX-i dhe BE-ja, duhet të dalin me raport publik e zyrtar ku t’i atribuojnë Serbisë aktin e agresionit dhe krimin e terrorizmit në Banjskë si dhe të dënojnë Radoiçiçin.

Postimi i plotë:

Në Rashkë të Serbisë, po ngjan riorganizimi paramilitar e terrorist i Millan Radoiçiq dhe grupit të tij, me instruksione dhe mbështetje të shtetit të Serbisë.about:blank

Të premten e 10 nëntorit, ai ka udhëhequr një takim me rreth 40 politikanë serbë e zyrtarë të komunave ilegale nga Kosova. Në mbledhjen e mbajtur në shtëpinë e kulturës në Rashkë, ai kishte pranë Svetllana Milladinov, zëvendësen e Petar Petkoviqit, koordinatorit të të ashtuquajturës zyrë të Serbisë për Kosovë.

Gjatë këtij takimi përveç deputetëve të Listës Serbe, kanë marrë pjesë edhe kryetari i ri i saj Zlatan Elek dhe nënkryetarët, Dragisha Milloviq dhe Dalibor Jevtiq.about:blank

Aty është kërkuar mobilizim për votim të partisë-shtet në Serbi, SNS, në zgjedhjet e 17 dhjetorit. Ata që janë në listë të rrogave janë kushtëzuar me to, ndërkaq për të tjerë janë ofruar vende pune në periudhë 3 dhe 6 mujore.

Millan Radoiçiq, pas sulmit terrorist të kryer në veri, u lirua brenda ditës që të vazhdonte veprimtarinë e tij paramilitare e terroriste në shërbim të politikës shtetërore të Serbisë kundër Kosovës.about:blank

U bënë pesë muaj pas rrëmbimit në Leposaviq të policëve tanë kufitar Rifat Zeka, Beqir Sefa e Shemë Mustafa dhe tetë javë nga vrasja e rreshterit të Policisë së Kosovës, Afrim Bunjaku.

KFOR-i, EULEX-i dhe BE-ja, duhet të dalin me raport publik e zyrtar ku ia atribuojnë Serbisë aktin e agresionit dhe krimin e terrorizmit, dhe ku dënohet riorganizimi i grupit të Radoiçiqit.

Edhe pas presionit ndërkombëtar, Serbia ende nuk ka tërhequr të gjitha trupat dhe artilerinë nga afërsia e territorit të Kosovës.

Ajo vazhdon të kërcënojë sigurinë e Republikës së Kosovës me bazat e përparme operuese të Forcave të Armatosura të Serbisë përgjatë kufirit me vendin tonë. Për më tepër, Serbia ka dislokuar sistemet kundër-ajrore në afërsi të kufirit me Kosovën.

Kërcënimi nga Rusia dhe Serbia për stabilitetin, paqen dhe sigurinë rajonale po vërehet gjithnjë e më shumë. Rusia synon ndezjen e një vatre krize në oborrin e BE-së, për ta defokusuar NATO-n, kurse Serbia përmbushjen e ambicieve territoriale ndaj fqinjëve sipas projektit “Bota Serbe”, të Vulinit e të Vuçiqit.

Mungesa e sanksionimit të Serbisë, rritë nivelin e kërcënimit në Ballkanin Perëndimor. Drejtuesit e grupit terrorist, në vend që të jenë duke u përballur me drejtësinë në Kosovë, vazhdojnë përgatitjet për sulme të tjera ndaj Kosovës dhe grumbullim të votave me shantazhe ndaj serbëve të Kosovës.

Konflikti i rindezur tashmë në luftë të plotë mes Izraelit dhe Hamasit, nuk e ka zhvendosur vëmendjen e Bashkimit Europian nga sulmi i Banjskës në Kosovë.

BE-ja i bëri thirrje Serbisë të bashkëpunojë pa kushte për zbardhjen e ngjarjes së 24 shtatorit, ndërsa këmbënguli se do të shqyrtojë mundësinë e vendosjes së masave ndaj Beogradit pasi të kenë përfunduar të gjitha hetimet.

“Kosova dhe Serbia duhet të kthehen në tavolinën e bisedimeve që është e vetmja rrugë për normalizimin e marrëdhënieve. Të dyja palët duhet të ndërmarrin hapa për uljen e tensioneve. Blloku europian pret bashkëpunimin e Serbisë për zbardhjen e sulmit mbi policinë e Kosovës. Nuk është se thjeshtë presim bashkëpunim të plotë, por presim bashkëpunim pa kushte nga Serbia, e kur ka vullnet ka dhe rrugëdalje. Nuk ka nevojë askush të fshihet prapa çështjeve formale si njohja apo mosnjohja e një shteti, ka mjaft mënyra se si mund të ndash gjetjet e tua, sesi mund të bashkëpunosh dhe të kontribuosh në hetimin e plotë”, u shpreh zëdhënësi i BE-së Stano.

Sipas Stanos rrethanat e sulmit, duhet të sqarohen deri në fund në mënyrë që të kemi një pamje të qartë rreth asaj se çfarë ndodhi, përse ndodhi, kush mori pjesë e kush e organizoi. Zëdhënësi nënvizoi se bazuar në rezultatet e verifikimit, blloku do të vendosë se cilët do të jenë hapat e ardhshëm në qasjen ndaj Serbisë, Kosovës, ndaj dialogut dhe rajonit në tërësi. Autoritetet  e Kosovës kanë vazhduar të insistojnë që bashkësia ndërkombëtare ta ndëshkojë Serbinë për sulmin e Banjskës.about:blank

Presidentja e Kosovës, Vjosa Osmani e përsëriti këtë edhe gjatë një takimi që pati me komandantin e Komandës së Forcave të Përbashkëta Aleate të NATO-s me seli në Napoli, Admiralin Stuart B. Munsch, dukme theksuar se “kërkesa e Kosovës është e qartë, masa konkrete kundër Serbisë, pas atij akti agresioni ndaj Kosovës”.

Vlerësimi eshte bere nga Policia e Kosovës, EULEX-i dhe KFOR-i, te cilet përmes një komunikate për media bene te ditur se nga ky takim i mbajtur është vlerësuar se situata në veri është e mirë.

“Policia e Kosovës në vazhdën e realizmit të detyrave dhe autorizimeve të saja kushtetuese dhe ligjore në interes të sigurisë publike në vend, si dhe me qëllim të zbatimit të dakordimeve të arritura në Bratisllavë me 10 korrik 2023, në mes të Bashkimit Evropian dhe Republikës së Kosovës, saktësisht hapit dy të këtij dakordimi, me këtë rast është mbajtur takimi punues mes Policisë së Kosovës, EULEX dhe KFOR për vlerësim të situatës së sigurisë, në dhe përreth ndërtesave komunale të komunave veriore. Sipas vlerësimit të përbashkët, nga Policia e Kosovës, EULEX dhe KFOR, situata e sigurisë në dhe rreth objekteve të komunave veriore vlerësohet se është e mirë. Në kuptim të këtij konstatimi të përbashkët, nga nesër fillon zvogëlimi i pjesëtarëve të Policisë së Kosovës për 25%, në dhe përreth objekteve komunale në veri”, thuhet në njoftim.

Enver Dugolli, analist politik tha në një intervistë për Euronews Albania se gjatë bllokimi të automjetit serb me munione në Zveçan ishin të pranishëm edhe trupat e KFOR.

Kjo sipas tij, hedh poshtë pretendimet e Petkoviç se armatimet nuk janë serbe por janë grumbulluar posaçërisht nga policia e Kosovës.

“Të gjitha ato armë të kapura në atë makinë janë shumë  të sofistikuara. Ato janë armë ushtarake që përdor ushtria serbe. Vendndodhja e tyre me makinë civile dhe lidhja që mund të bëhej me bandat kriminale që po veprojnë prej kohësh në Kosovë lë të kuptohet se ato kanë pasur destinacion këto grupe që kanë zhvilluar disa herë aksion kundër policisë dhe KFOR. Armët janë prodhim jugosllav i Serbisë në 2021, pra bie poshtë pretendimi se janë grumbulluar në aksione të mëparshme. Gjatë sekuestrimit dhe ndalimit të kësaj makine kanë qenë prezent edhe përfaqësues të KFOR dhe EULEX”, tha Dugolli.

Raportuesja e BE-së për Kosovën, Viola Cramon ka kërkuar që Serbia të lirojë menjëherë 3 efektivët e arrestuar.

Përmes një postimi në rrjetet sociale, Cramon shkruan se është e paligjshme hyrja në territorin e Kosovës nga ana e forcave serbe dhe se Beogradi duhet t’i lërë të lirë efektivët. Më tej ajo shton se ky veprim nga ana e Serbisë vjen si rezultat i një autokrati si Vuçiç që ka presion brenda vendit të tij.

“Çfarë bëjnë autokratët kur janë nën presion brenda vendit? Ata kërkojnë mënyra dhe mjete për të larguar vëmendjen nga problemet në shtëpi. Një rast klasik i kësaj duket të jetë incidenti i djeshëm në zonën kufitare mes #Kosovës dhe #Serbisë .

Presidentja e Kosovës, Vjosa Osmani, do t’i adresohet Parlamentit Evropian këtë të mërkurë, me ftesë të Presidentes së këtij institucioni të Bashkimit Evropian, Roberta Metsola.

Sipas njoftimit të Presidencës, kjo është hera e parë që një President i Republikës së Kosovës si shtet i pavarur, do t’i drejtohet seancës plenare të PE-së.

“Presidentja Osmani do t’i adresohet deputetëve të Parlamentit Evropian lidhur me arritjet e Kosovës dhe rrugën e saj drejt anëtarësimit në Bashkimin Evropian”, thuhet në komunikatën për media.

Tutje, Presidenca bën të ditur se Osmani do të shprehë mirënjohjen e qytetarëve për përkrahjen që Parlamenti Evropian ka ofruar për Kosovën që nga vitet e 90-ta.

“Gjatë qëndrimit në Strasburg, ku po mbahet seanca e Parlamentit Evropian, Osmani do të pritet fillimisht nga Metsola në një takim për të diskutuar bashkëpunimin ndërmjet Republikës së Kosovës dhe këtij institucioni, e pastaj do të takojë edhe udhëheqësit e grupeve kryesore politike të përfaqësuara në Parlamentin Evropian”.

Përveç takimeve me përfaqësues të Parlamentit Evropian, gjatë qëndrimit në Strasburg, Presidentja thuhet se do të takojë edhe përfaqësues të Këshillit të Evropës