Kim kardashian po jeton e rrethuar nga siguri maksimale pasi një perdon shumë i afërt mr të ka tentuar ta vrasë. Lajmi u bë publik në trailer-in e sezonit të shtatë të “The Kardashians”, ku vetë Kim rrëfen se mori një telefonatë nga hetuesit e saj privatë, të cilët e njoftuan për këtë.

Pas ngjarjes, sipas “Radar”, Kim ka forcuar ndjeshëm masat e mbrojtjes, ajo ruhet 24 orë në ditë nga roje të armatosura që ndodhen në shtëpi, në makinat e saj dhe pranë shkollës së fëmijëve.

Burime të afërta kanë treguar se biznesmenja ka rritur sigurinë edhe në zyrat e SKIMS dhe SKKN, duke kontrolluar çdo person që hyn, madje edhe shpërndarësit e porosive, duke jetuar si nën mbrojtjen e Shërbimit Sekret.

Edhe motrat e saj shfaqen të frikësuara në trailer, me Kendall që pranon se “të gjithë janë në tension”, ndërsa Kylie tregon se ka dëgjuar hapa në dhomën e saj. 

Një 33-vjeçar e ka pësuar keq në Tiranë, pasi sipas policisë, në momentin që ka tentuar të vjedhë me dhunë në një banesë në kryeqytet, është përballur me të zotin e shtëpisë, i cili ka arritur ta neutralizojë duke e goditur me grushte.

Në lidhje me këtë ngjarje, policia ka bërë arrestimin në flagrancë të shtetasit A.Z., 33 vjeç, ndërsa ka proceduar penalisht pronarin e banesës me arsyetimin se ka vepruar në kushtet e vetëgjyqësisë.

“U arrestua shtetasi A.Z., 33 vjeç, si dhe u referuan materialet në Prokurori, ku nisi procedimi në gjendje të lirë për shtetasin S.L., pasi dyshohet se 33-vjeçari ka tentuar të vjedhë me dhunë në banesën e shtetasit S.L., i cili, me vetëgjyqësi, e ka goditur me grushte”, thuhet në njoftimin e policisë.

Një 40-vjeçar dyshohet se është vetëhedhur nga ballkoni i katit të pestë të pallatit ku banonte.

Ngjarja ka ndodhur rreth orës 18:50 në lagjen nr. 18, në rrugën “Petraq Shomo”. Ai është dërguar menjëherë në spital dhe ndodhet në gjendje të rëndë shëndetësore. Policia dhe grupi hetimor po punojnë për zbardhjen e plotë të rrethanave.

Njoftimi i policisë:

Korçë/Informacion paraprak Rreth orës 18:50, në lagjen nr. 18, në rrugën “Petraq Shomo”, shtetasi E. M., rreth 40 vjeç, dyshohet se është vetëhedhur nga ballkoni i katit të pestë të pallatit ku banon dhe është në gjendje të rëndë shëndetsore.

Grupi hetimor ndodhet në vendngjarje dhe vijon punën për zbardhjen e rrethanave të rastit.

Një pasagjer në një aeroplan të drejtuar nga linja ajrore spanjolle Plus Ultra shkaktoi panik në një fluturim nga Madridi në Karakas kur u përpoq të hapte derën ndërsa avioni ishte mbi Atlantik, raportuan sot mediat.
Sipas dëshmitarëve okularë, pasagjeri u hodh papritur nga vendi i tij dhe nxitoi drejt daljes, duke tërhequr dorezën e derës së avionit, sipas Daily Mail.

Pasagjerët e tronditur filluan të bërtasin dhe ekuipazhi i fluturimit reagoi shpejt dhe, me ndihmën e disa pasagjerëve, neutralizoi burrin.

Ai e kaloi pjesën tjetër të fluturimit në pjesën e pasme të aeroplanit, me duar të lidhura dhe nën mbikëqyrje të vazhdueshme nga anëtarët e ekuipazhit.

Incidenti ndodhi më 28 shkurt ndërsa Airbus A330 ishte mbi Atlantik, në gjysmë të rrugës për në kryeqytetin e Venezuelës.

Një punonjës i stafit u plagos gjatë një konfrontimi me pasagjerin që tentoi të hapte derën.

Një grua rreth moshës 60 vjeçare ka tentuar të mbytet në det në qytetin e Vlorës, por është shpëtuar nga një shtetas ukrainas. Ngjarja ka ndodhur mëngjesin e kësaj të marte, ku gruaja, në rrethana ende të paqarta, është futur me rroba në det dhe tentuar t’i japë fund jetës.

Shtetasi ukrainas, Sergei Artemenko, dhe bashkëshortja e tij Katerina, kanë qenë ata që e kanë shpëtuar gruan nga mbytja. Ata tregojnë se fillimisht kanë dëgjuar një zhurmë të papritur dhe kanë menduar se ishte një peshk. Pasi janë afruar, ata kanë vënë re një grua me rroba të zeza, e cila po përpiqej të merrte frymë.

Sergei ka hequr rrobat dhe ka hyrë në ujë për ta shpëtuar, ndërkohë që bashkëshortja e tij, Katerina, i ka dhënë ndihmën e parë.

Pas shpëtimit, janë njoftuar forcat e policisë dhe shërbimi i urgjencës, të cilët kanë transportuar gruan në spital për të marrë ndihmën mjekësore.

Fatmirësisht, gruaja raportohet të jetë jashtë rrezikut për jetën, ndërsa Sergei, i cili gjithashtu ka pësuar një dëmtim të lehtë në gjurin e tij, është në gjendje të stabilizuar. Policia po heton më tej rrethanat e ngjarjes.

Një ngjarje alarmante ndodhi në Crispiano, Taranto, ku një 48-vjeçar u arrestua për përndjekje dhe tentativë për zjarrvënie. Gruaja e tij ish-partnere dërgoi një mesazh SOS në polici, duke raportuar se ai kishte shkuar në shtëpi dhe po kërcënonte se do t’i vinte flakën.

Pasi ajo telefonoi 112, policia mbërriti në vendngjarje dhe gjeti burrin duke mbajtur një çakmak në dorë, ndërsa ish-vjehrri i saj po përpiqej ta “çarmatoste”. Në momentin e mbërritjes, ai kishte hedhur një bidon me benzinë mbi gruan dhe babanë e saj.

Falë ndërhyrjes së shpejtë të policisë, një situatë e rrezikshme u parandalua.

48-vjeçari u arrestua, ndërsa gruaja dhe babai i saj u shpëtuan pa lëndime të rënda. Hetimet e para tregojnë se shtëpia dhe makina ishin lagur me lëng të ndezshëm, duke treguar një plan të qartë për të kryer veprimin e frikshëm.

Një ngjarje tragjike ka ndodhur mesditën e sotme, 2 shtator, në një lagje të Janinës, ku një 19-vjeçar ka qëlluar veten me armë zjarri.

Siç raportojnë mediat greke, ngjarja ka ndodhur rreth orës 15:00, kur studenti 19-vjeçar ka vizituar gjyshen e tij në shtëpinë e saj dhe pasi ka gjetur një armë zjarri brenda shtëpisë, ka shkuar në tualet dhe ka qëlluar veten.

Deri më tani nuk dihet se kujt i përkiste arma që i riu ka përdorur dhe motivet që e shtynë atë të ndërmerrte ketë akt.

Në vendngjarje kanë shkuar policia dhe ambulanca, e cila më pas ka transportuar të riun në spital në gjendje kritike për jetën.

Nga provat e deritanishme nuk ka të dhëna për aktivitet kriminal dhe dyshohet për tentativë vetëvrasje.

Një burrë ka tentuar t’i vërë flakën vetes përpara Bazilikës së San Markos në Venecia, por u ndalua nga dy oficerë të policisë lokale.

Ngjarja ka ndodhur mëngjesin e 1 majit, por episodi është bërë publik sot.

I moshuari mbërriti në shesh me një bidon benzinë ??dhe një çakmak. Ndërhyrja e dy efektivëve ka qenë e menjëhershme dhe e kanë shoqëruar deri në komisariat.

Një ngjarje e rëndë raportohet të ketë ndodhur në Tiranë, pasditen e kësaj të diele.

Një grua ka tentuar të hidhet nga dritarja e banesës së saj. Pamjet janë publikuar, dhe thuhet se teksa ka tentuar të hidhet gruaja është parë nga disa banorë dhe pas “ulërimave” të tyre është futur sërish brenda.

Një banor i zonës është ngjitur për në apartamentin e saj dhe pas kësaj nuk dihet se çfarë ka ndodhur.

Autori 20-vjeçar i cili tentoi të vriste me armë zjarri një 34-vjeçar shqiptar tre ditë më parë në zonën e Votanikos në Atikë të shtetit fqinj Greqi.

Në orët e para të mëngjesit të 2 marsit në Votanikos 34-vjeçarit shqiptar iu vunë nga pas tre persona. Pasi e qëlloi 20-vjeçari i arrestuar dhe dy bashkëpunëtorët e tij u arratisën, shkruan CNN.

Sakaq arratia e 20-vjeçarit mori fund ditën e sotme, ndërsa po punohet për kapjen e dy bashkëpunëtorëve të cilët janë identifikuar nga autoritetet greke.

34-vjeçari shpëtoi për mrekulli nga atentati i vrasjes. Ai u transportua në spital për trajtim mjekësor. Siç rezultoi nga hetimi i Policisë, 20-vjeçari dyshohet se ka pasur mosmarrëveshje personale dhe financiare me shqiptarin.