Mbrëmjen e së martës banorët në Casarile në provincën e Milanos janë alarmuar pas të shtënave të cilat u regjistruan në drejtim të banesës së një shqiptari. Mësohet se disa persona kishin raportuar për të shtëna në zonë ndërsa karabinierët gjetën gëzhojat dhe shenjat e të shtënave të armëve.about:blank

Hetimet identifikuan shtëpinë e një 39-vjeçari shqiptar të dënuar për grabitje e cila dyshohet se mund të ketë qenë shenjestra e autorëve. Gjatë kontrollit të banesës u gjet brenda kazanit të lavatriçes, një pistoletë e kalibrit 9×21 me tytën ende të nxehtë dhe të mbushur. Në banesë kishte dhe dy karikatorë të plotë dhe një kuti me municion të kalibrit 9 mm, afërsisht 100 fishekë gjithsej, të mbajtur në mënyrë të paligjshme. Arma rezultoi e vjedhur në vitin 2020 në San Giuliano Milanese.

Sipas policisë 39-vjeçari ka nisur të qëllojë me 3 të shtëna në hyrje të godinës për të zmbrapsur personat e dyshuar që kishin tentuar të hynin në shtëpinë e tij. Shqiptari më pas është arrestuar për veprën penale të armëmbajtjes pa leje si dhe për gjuajtje me armë zjarri.