Të paktën 21 persona kanë humbur jetën brenda gjashtë ditësh për shkak të kushteve të dimrit në disa shtete amerikane.

Raportohet se numri i të vdekurve është rritur në 21 në Tennessee, New York, Arkansas, Kansas, Oregan dhe Mississippi që nga 12 janari për shkak të reshjeve të vazhdueshme të borës dhe motit të ftohtë që ka goditur gjashtë shtetet.

Shërbimet meteorologjike njoftuan se më shumë se 75 centimetra dëborë ranë rreth qytetit të New Yorkut, Buffalo në kufi me Kanadanë, duke vështirësuar trafikun.

Shpejtësia e erës së përzier me borë pritet të arrijë në vende të caktuara deri në 65 kilometra në orë.

Temperaturat e ftohta në pjesët qendrore të vendit thuhet se do të kthehen në nivele të rrezikshme deri të premten dhe do të rrisin rrezikun e ngricave.

Sipas faqes së internetit FlightAware, e cila monitoron trafikun ajror, të mërkurën në SHBA u pezulluan 1.090 fluturime dhe u shtynë 4.221.

Faqja e internetit Poweroutages raportoi se gati 95.000 njerëz ishin pa energji sot në tre shtete të SHBA-së.

Moti i keq do të përfshijë nesër Italinë me reshje shiu dhe erëra të forta në rajonet qendrore-jugore, veçanërisht pranë zonave jugore të Tirrenit.

Mediat italiane bëjnë të ditur se për këtë arsye, Departamenti i Mbrojtjes Civile ka lëshuar një njoftim të verdhë alarmi për të martën e 28 nëntorit  në nëntë rajone: në Toscana, Umbria, Lazio, Abruzzo dhe Molise, në të gjithë territorin e Campania, në sektorët e Basilicata, Kalabri dhe Siçili.

Nga mbrëmja e sotme priten reshje shiu dhe stuhi fillimisht në Campania dhe më pas do të shpërndahen në zona të tjera të vendit.

Gjatë natës stuhia do të shtrihet në Bazilikatë dhe Kalabri, veçanërisht në Tirren. Dukuritë do të shoqërohen me reshje të dendura shiu, rrufe dhe me erëra të forta. Për më tepër, nga orët e para të ditës së nesërme, më 28 nëntor, erëra të forta deri në stuhi priten në Toskanë, veçanërisht në zonën bregdetare, Lazio, veçanërisht në zonat malore dhe bregdetare, Abruzzo, Molise, Campania, Basilicata, Puglia, Kalabria dhe Sicilia, veçanërisht në zonat veriore.

Stuhi të forta priten edhe përgjatë brigjeve të ekspozuara dhe përforcime të erës deri në stuhi të forta në relievet e rajoneve të përmendura.