Ditën e shtunë vendi ynë do të jetë në ndikimin e kushteve atmosferike të qëndrueshme. Moti parashikohet kryesisht i kthjellët në të gjithë territorin, me vranësira të pakta deri mesatare kalimtare gjatë orëve të mesditës dhe pasdites.

Prej orëve të mesditës deri ato të pasdites vonë në relievet malore në jug dhe kryesisht juglindje priten reshje shiu të dobëta e afatshkurtra.

Era me drejtim verilindje – veriperëndim me shpejtësi mesatare 10 m/s, në lugina dhe bregdet hera-herës fiton shpejtësi deri në 18 m/s.

Deti – Valëzimi 2-4 ballë, ndërsa temperaturat arrijnë deri në 35 gradë C.

Për javën që presim përpara vendi ynë por edhe një pjesë e madhe e Europës do të përjetojë një tjetër valë të nxehti.

Vapë ‘mbytëse’, javën tjetër vendi do përfshihet nga një tjetër valë të nxehti! Termometri do arrijë deri në 40 gradë celsiusFoto ilustruese

Për javën që presim përpara vendi ynë por edhe një pjesë e madhe e Europës do të përjetojë një tjetër valë të nxehti.

Moti për pjesën më të madhe të ditëve të javës parashikohet i kthjellët. Megjithatë, në relievet kodrinore – malore në orët e mesditës deri ato të pasdites vonë do të ketë edhe alternime vranësirash kalimtare. Këto vranësira do të shoqërohen me reshje shiu me intensitet kryesisht të ulët por hera-herës dhe në periudha afatshkurtra do të jenë edhe të vrullshme në formën e rrebesheve dhe shtrëngatave shoqëruar me breshër dhe shkarkesa elektrike.

 Vlen për tu theksuar fakti se pavarësisht origjinës së masave ajrore nga Afrika e Veriut (të thata dhe tepër të nxehta) kalimi i tyre mbi detin Mesdhe i bën ato të mbushen me lagështirë. Kjo bënë që temperaturat e mesditës të ndihen disa gradë më të larta për trupin e njeriut se sa vlerat e matura në kafazin meteorologjik (vapë “mbytëse”).

Megjithatë sipas hartave të parashikuara duke filluar nga fundjava e ardhshme pritet rënie e ndjeshme e temperaturave si dhe reshje shiu në një pjesë të madhe të territorit.