Juventusi mposhti Wydad Casablancan 4-1 në ditën e dytë të Grupit G, duke u afruar shumë me kualifikimin në raundin e 16-shes në Kupën e Botës për Klube.

Ylli i ndeshjes ishte Kenan Yildiz, i cili fillimisht krijoi autogolin e Boutouil që zhbllokoi rezultatin, më pas dyfishoi shifrat me një volej të mrekullueshëm nga skaji i zonës dhe në fund shënoi edhe golin e tretë në pjesën e dytë.

Wydad ngushtoi diferencën me golin e Lorch, por më pas Juventus siguroi fitoren me një penallti të shndërruar në gol nga Vlahovic.

Ndeshja e fundit e grupit të enjten kundër Manchester City do të jetë vendimtare për vendin e parë në grup.

Wydad nisi me agresivitet dhe në minutën e 4-t u krijua një shans i mirë, i cili u neutralizua nga portieri Di Gregorio.

Juventusi reagoi me një posedim të kujdesshëm dhe në minutën e 6-të kaloi në avantazh falë një aksioni të bukur mes Yildiz dhe Thuram, ku rezultati u hap me autogol të Boutouil.

Në minutën e 16-të, pas një aksioni të shkëlqyer të Cambiaso nga krahu i majtë, Yildiz shënoi me volej një gol spektakolar për 2-0.

Marokenët reaguan dhe në minutën e 25-të ngushtuan rezultatin me golin e Lorch, i cili kaloi portierin dhe shënoi për 2-1.

Pjesa e parë përfundoi me lojë të fragmentuar dhe shumë faulle.

Në pjesën e dytë, trajneri Tudor aktivizoi Koopmeiners në vend të McKennie, dhe në minutën e 57-t Juventus ishte pranë golit të tretë kur Cambiaso goditi shtyllën pas një goditjeje nga këndi të Conceiçao.

Edhe pse kushtet me erëra ishin të vështira, Juventus vazhdoi të rrezikonte më shumë. Në minutën e 62-t Kolo Muani humbi një shans të mirë.

Pak minuta më vonë, Muani asistoi për Yildiz, i cili shënoi golin e tretë me një goditje precize.

Në fund, Juventus arriti të shënonte edhe golin e katërt falë një penalltie të fituar dhe të shndërruar në gol nga Vlahovic.

Kualifikimi në raundin tjetër është shumë pranë, por do të duhet të presim rezultatin e ndeshjes së fundit të grupit për të konfirmuar renditjen.

Isis-K, ose siç quhet ndryshe, Provinca Khorasan e Shtetit Islamik (ISKP) – është degë rajonale e Shtetit Islamik (IS) që është aktiv në Afganistan dhe Pakistan.

Ky është grupi më ekstrem dhe më i dhunshëm nga të gjitha grupet militante xhihadiste në Afganistan.

U krijua në janar të vitit 2015 në kulmin e fuqisë së IS-it në Irak dhe Siri, para se kalifati i saj i vetëshpallur të ishte “çmontuar” nga një koalicion i udhëhequr nga SHBA-të.

Ai rekruton persona nga xhihadistët afganë edhe nga ato pakistanezë, veçanërisht nga anëtarët e talebanëve afganë të cilët kanë parë organizatën e tyre si ekstreme.

Isis-K janë fajësuar për disa nga mizoritë më të këqija në vitet e fundit, duke synuar shkollat ??e vajzave, spitalet dhe madje edhe një maternitet ku ata thuhet se vranë gra shtatzëna dhe infermiere.

Ndryshe nga talebanët, interesi i të cilëve është i kufizuar në Afganistan, Isis-K janë pjesë e rrjetit global të IS-it që kërkon të kryejë sulme ndaj objektivave perëndimorë, ndërkombëtarë dhe humanitarë kudo që ata mund t’i arrijnë.

Grupi Isis-K, është i vendosur në provincën lindore të Nangarhar-it, pranë rrugëve të kontrabandës së drogës dhe njerëzve brenda dhe jashtë Pakistanit.

Në kulmin e tij grupi numëronte rreth 3 mijë luftëtarë, por ka pësuar viktima të konsiderueshme në përleshjet me forcat e sigurisë amerikane dhe afgane. Gjithashtu grupi ka pësuar humbje në luftimet me talebanët.

A janë ata të lidhur me talebanët?

Sipas studiuesve, ka lidhje të forta midis Isis-K dhe rrjetit Haqqani, i cili nga ana tjetër është i lidhur ngushtë me talebanët.

Njeriu përgjegjës për sigurinë në Kabul është Khalil Haqqani i cili ka pasur një shpërblim prej 5 milion dollarësh.

Doktor Sajjan Gohel, nga Fondacioni Azia Paqësori ka monitoruar rrjetet militante në Afganistan për vite me rradhë.

Ai thotë se “disa sulme të mëdha midis 2019 dhe 2021 përfshinin bashkëpunim midis Isis-K, rrjetit Haqqani të talebanëve dhe grupeve të tjera terroriste me bazë në Pakistan”.

Kur talebanët pushtuan Kabulin më 15 gusht, grupi liroi një numër të madh të burgosurish nga burgu Pul-e-Charki, mes të cilëve thuhet se përfshinin militantët e IS dhe al-Qaeda-s. Këta njerëz tani janë në arrati.

ISIS-K ka dallime të mëdha me talebanët, duke i akuzuar ata për braktisjen e xhihadit dhe fushën e betejës në favor të një zgjidhjeje të negociuar të paqes të arritur në “hotele të shtrenjta” në Doha, Katar.

Militantët e Shtetit Islamik tani përfaqësojnë një sfidë të madhe të sigurisë për qeverinë e ardhshme talebane, diçka që lidershipi i talebanëve e ndan me agjencitë perëndimore të inteligjencës.

Të paktën 12 persona raportohet se kanë humbur jetën nga të shtënat me armë zjarri në periferi të Moskës, ndërsa 35 të tjerë janë plagosur.

Mediat raportojnë se dyshohet se kanë qenë tre persona të maskuar që kanë hapur zjarri në Crocus City Hall, një vend i njohur koncertesh në periferi të Moskës.

“Evakuimi i njerëzve po vazhdon”, thanë shërbimet e urgjencës për agjencinë e lajmeve TASS.

Pamjet e publikuara në rrjetet sociale tregojnë edhe një zjarr masiv që shpërtheu brenda ndërtesës.

Sulmi terrorist në Moskë reagon Shtëpia e Bardhë: Dënojmë këtë sulm të tmerrshëm.

Policia holandeze ka njoftuar ditën e sotme se ka arrestuar një të dyshuar për hedhjen e një objekti flakërues në ambasadën e Izraelit në Hagë. Në njoftimin e policisë bëhet me dije se nuk ka asnjë të lënduar.

“Rreth orës 10:50. dikush hodhi një objekt të djegur… në ambasadën izraelite. Ne kemi një të dyshuar në paraburgim. Askush nuk u lëndua. Po kryejmë një hetim dhe rreth ambasadës ka një bllokadë të gjerë”, tha policia.

Autoritetet holandeze kanë shtuar masat e sigurisë në ambasadën izraelite në Hagë pas kërcënimeve.