Ministri i Punëve të Brendshme i Maqedonisë së Veriut, Oliver Spasovski, reagoi pas vrasjes së dyfishtë në Çellopek të Tetovës, ku një 60 vjeçar qëlloi me armë zjarri djalin e xhaxhait, nusen e këtij të fundit dhe djalin e tyre.about:blank

Sipas Spasovskit vrasja ka ndodhur për çështje të pronave dhe mosmarrëveshje në familje. Ai tha se për momentin policia po punon për zbardhjen e ngjarjes.

“Për momentin, kolegët po punojnë për zbardhjen e kësaj ngjarjeje, bëhet fjalë për mosmarrëveshje mes familjeve në lidhje me pronat, sipas informacioneve të para. Presim që së shpejti të përfundojë i gjithë procesi dhe do të kemi informacione të detajuara”, tha Spasovski.

Pasditen e sotme dy persona kanë mbetur të vdekur dhe një i plagosur në Çellopek të Tetovës. SVR Tetovë ka bërë të ditur se i dyshuari është arrestuarit.

Policia e Maqedonisë së Veriut konfirmon se një person rreth moshës 60 vjeçare është i dyshuari për vrasjen e dy personave në Çellopek të Bërvenicës, rajoni i Tetovës.about:blank

“Është arrestuar një person rreth 60 vjeç me iniciale I.I. nga fshati Çellopek, pas një denoncimi rreth orës 14:10 se në këtë fshat ka vrarë 2 kushërinjtë e tij nga i njëjti fshat dhe një e ka plagosur”, thonë nga policia.

Sipas mediave vendase edhe i dyshuari për vrasjet ka plagë, me shumë gjasa nga arma e tij e zjarrit, dyshon policia. SPB-Tetovë tani për tani nuk mundi të konfirmojë identitetin dhe moshën e dy të vrarëve dhe të plagosurit, ndërsa thanë se po merren masa për zbardhjen e rastit dhe se në terren janë policia bashkë me ndihmën e shpejtë dhe ekipet e Prokurorisë.