Thatësirë e tmerrshme në Itali, gjendje e jashtëzakonshme në pesë rajone!

Jil — Fri, 08 Jul 2022 09:06:45 +0000

Rënie e nivelit të ujit në liqenet më të mëdha të Veriut, tharje e ujit në lumin Po: Për shkak të thatësirave, në pesë rajone të Italisë është vendosur tani gjendja e jashtëzakonshme. Këtë e bëri të ditur qeveria e kryeministrit Mario Draghi, pasi mbajti një takim të kabinetit në Romë. Gjendja e jashtëzakonshme në rajonet veriore të Italisë: Emilia-Romagna, Friaul-Venecia-Xhulia, Lombardi, Piemont dhe Venecia është në fuqi deri në fund të vitit. Qeveria i ka vënë në dispozicion rajoneve të prekura për të luftuar thatësirën, 36,5 milionë euro.

A view of low water level at Po

River, Ostiglia, Lombardy, northern Italy

Gjendja e ujit në Lumin Po, lumin më të gjatë të Italisë, është në disa pika aq e pakët sa nuk ka qenë për dekada të tëra. Në derdhjen në det lumi sjell aq pak ujë saqë uji i kripur i Adriatikut futet kilometra të tëra në rrjedhën e sipërme të lumit, duke ia shtuar problemet fshatarëve që vuajnë shumë nga thatësira. Fusha e rëndësishme për bujqësinë rreth lumit Po është duke përjetuar thatësirën më të rëndë në 70 vitet e fundit. Sipas Shoqatës më të madhe në vend të fshatarëve, Coldiretti, thatësira ka vënë në rrezik 30 përqind të prodhimit agrar të vendit dhe gjysmën e sektorit të shtimit të kafshëve në lumin Po. Atje prodhohet kryesisht proshuta Parma.

LIFE STYLE Lajme

Jeto I Lumtur.al

Thatësirë e tmerrshme në Itali – JiL.al | Informohu – Frymëzohu – Jeto i Lumtur

Thatësirë e tmerrshme në Itali, gjendje e jashtëzakonshme në pesë rajone!