Numri i personave që kanë humbur jetën nga tërmeti në Mianmar ka shkuar tashmë në 2719.

Lajmi u bë i ditur nga shefi ushtarak Min Aung Hlaing në një fjalim në televizionin shtetëror ku shtoi se 441 persona rezultojnë ende të zhdukur.

Ndërkohë në kryeqytetin e Tajlandës, Bangkok, një tjetër trup është nxjerrë nga rrënojat e një grataçele të shembur, duke e çuar numrin total të personave që kanë humbur jetën atje në 14.

Shkon në dy numri i viktimave në Klinë të Kosovës, pas të shtënave me armë në një lokal në sheshin Mujë Rugova, në Klinë.

Menjëherë policia dhe emergjenca ka dalë në vendin e ngjarjes, ndërsa është konstatuar vdekja e një personi ndërkohë që një tjetër, fillimisht është dërguar në qendrën e mjekësisë familjare në Klinë e pastaj në urgjencën e spitalit rajonal të Pejës, por ka humbur jetën

Sakaq, një i dyshuar është arrestuar, ndërsa policia po punon për sqarimin e rrethanave.

Numri i personave të vrarë në sallën e koncerteve në Moskë ka shkuar në 137, tha Komiteti Hetues i Rusisë. Në mesin e viktimave ishin tre fëmijë, duke shtuar se 62 trupa janë identifikuar deri më tani.

Njerëzit janë mbledhur pranë vendit të koncerteve duke vendosur lule, në veriperëndim të Moskës, në një ditë zie kombëtare në Rusi. Në një fjalim televiziv, Putin dënoi masakrën, më vdekjeprurëse e Rusisë në gati 20 vjet, si një “akt barbar terrorizmi” dhe përsëriti deklaratat e mëparshme nga shërbimet ruse të sigurisë se sulmuesit ishin përpjekur të iknin në Ukrainë.

Kievi hodhi poshtë pretendimin se ishte disi i përfshirë në sulm si “absurd”. Presidenti ukrainas Volodymyr Zelensky akuzoi të shtunën homologun e tij rus Vladimir Putin se po kërkon mënyra për të “fajësuar” Ukrainën për masakrën, për të cilën pretendohet se fshihet grupi i Shtetit Islamik.

Më shumë se 30.000 palestinezë janë vrarë në Rripin e Gazës prej fillimit të luftës mes Izraelit dhe Hamasit – grupit të shpallur terrorist nga SHBA dhe BE – që nisi para pesë muajve, thanë zyrtarët shëndetësorë në këtë territor.

Rritja e numrit të viktimave erdhi pasi, sipas dëshmitarëve, trupat izraelite shtinë mbi një turmë të njerëzve që po prisnin për të marrë ndihmë humanitare në Gaza City, duke i vrarë qindra dhe plagosur shumë të tjerë, raporton Associated Press.

Së paku 104 njerëz u vranë në turmën ku palestinezët u rreshtuan për të marrë ndihmë, tha zëdhënësi i Ministrisë së Shëndetësisë në Gazë, Ashra fal-Qidra. Rreth 760 u plagosën, tha ai.

Kjo luftë i ka detyruar 80 për qind të popullsisë së Gazës prej 2.3 milionë banorë të ikin nga shtëpitë e tyre, ndërsa zyrtarët e OKB-së thonë se një çerek i popullsisë po vuan urie.

Ministria e Shëndetësisë e Gazës – e cila tha të enjten se numri i përgjithshëm i palestinezëve të vdekur nga kjo luftë në këtë territor ka arritur në 30.035, ndërsa 70.457 të tjerë janë plagosur – nuk bën dallim mes luftëtarëve dhe joluftëtarëve në llogaritjet e saj.

Izraeli thotë se i ka vrarë 10.000 pjesëtarë të Hamasit, pa dhënë ndonjë dëshmi.

Ofensiva ajrore, detare dhe tokësore e Izraelit, e nisur si përgjigje ndaj sulmit të Hamasit më 7 tetor në Izrael, ka shkaktuar rrënim të madh në Gaza City, duke e izoluar atë nga pjesa tjetër e territorit tash e shumë muaj, duke bërë që shumë pak ndihma të futen brenda saj.

Lufta e ka shkaktuar një katastrofë të madhe humanitare në Gazë dhe ka nxitur shqetësime globale për situatën në Rafah, qytetin jugor të Gazës përgjatë kufirit me Egjiptin, ku 1.4 milion palestinezë kanë kërkuar strehim nga bombardimet e përditshme izraelite.

Lufta nisi pasi pjesëtarët e Hamasit u futën vrullshëm në jug të Izraelit më 7 tetor, duke i vrarë 1.200 njerëz, kryesisht civilë, dhe duke i rrëmbyer 250 pengje./REL