Detaje tronditëse kanë dalë në dritë nga sulmi vdekjeprurës që ndodhi të enjten në mëngjes në një sinagogë në zonën Crumpsall të Mançesterit, në ditën më të shenjtë të kalendarit hebraik – Yom Kippur.

Sipas “Daily Mail” dhe “Sky News”, një burrë i armatosur me thikë dhe i veshur me një rrip që dyshohet se përmbante eksploziv, drejtoi makinën e tij drejt një turme njerëzish jashtë Sinagogës së Komunitetit Hebraik, përpara se të godiste me thikë një roje sigurie dhe të tjerë përreth.

Policia konfirmoi vdekjen e dy personave dhe të vetë sulmuesit, i cili u qëllua nga forcat speciale në vendngjarje. Katër të tjerë mbeten në gjendje të rëndë.

Një ngjarje e rëndë ka ndodhur këtë mbrëmje në Durrës, ku një person është gjetur i pajetë në shtëpinë e tij, në lagjen nr. 12.

Sipas të dhënave paraprake, dyshohet se është goditur me thikë dhe është identifikuar si Valbon Beqiraj, 51 vjeç.

Policia mbërriti menjëherë në vendngjarje pas njoftimit të marrë dhe ka rrethuar zonën ku po kryen veprimet e para hetimore. Grupi hetimor po punon për zbardhjen e rrethanave të ngjarjes.

Një ngjarje e tmerrshme ka ndodhur në një shkollë në Alsace, Francë, kur një nxënës 14-vjeçar sulmoi mësuesen e tij 66-vjeçare me thikë në fytyrë.

Sulmi ndodhi mëngjesin e së mërkurës, rreth orës 8, në Shkollën e Mesme Robert Schuman, në Benfeld, afër Strasburgut, vetëm disa kilometra larg kufirit gjerman.

Nxënësi goditi mësuesen në fytyrë, duke e plagosur rëndë, por fatmirësisht jeta e saj nuk është në rrezik. Pas sulmit, ai iku nga shkolla dhe u kap më vonë nga policia në një rrugë midis Benfeld dhe Huttenheim. Sipas raportimeve, gjatë arrestimit ai u plagos në qafë dhe u dërgua në spital me helikopter.

Autoritetet kanë nisur hetimet për të zbuluar motivin e këtij sulmi të dhunshëm, ndërsa një ekip emergjence psikologësh është dërguar në shkollë për të mbështetur nxënësit, mësuesit dhe familjet e përfshira. Hetuesit ende nuk kanë publikuar detaje të identitetit të nxënësit, i cili thuhet se është një djalë që është strehuar në një shtëpi. Ministrja e Arsimit e Francës ka njoftuar se do të udhëtojë në rajon për të monitoruar situatën.

Një ngjarje e rëndë ka ndodhur këtë të shtunë në fshatin Maqellarë të Dibrës, ku një 22-vjeçar ka plagosur me thikë nënën e tij.

Sipas informacioneve paraprake, konflikti mes të riut dhe nënës ka degraduar në dhunë fizike, duke çuar në përdorimin e armës së ftohtë. E plagosura është transportuar me urgjencë drejt Spitalit të Traumës në Tiranë, ku po merr ndihmën e nevojshme mjekësore. Ende nuk ka të dhëna për gjendjen e saj shëndetësore.

Policia ka shkuar menjëherë në vendngjarje dhe ka bërë të mundur ndalimin e autorit të dyshuar. Grupi hetimor po punon për zbardhjen e plotë të rrethanave të kësaj ngjarjeje të rëndë familjare.

Tropojë- Një 23-vjeçar është plagosur me thikë gjatë një konflikti për motive të dobëta në Tropojë. Sipas policisë, autori i dyshuar i ngjarjes është një 18-vjeçar i shpallur në kërkim. Ndërkohë, grupi hetimor, në drejtimin e Prokurorisë së Kukësit, vijon punën për zbardhjen dhe dokumentimin e rrethanave të këtij rasti.

Njoftimi i policisë:

Plagosi me mjet prerës, 23-vjeçarin, gjatë një konflikti për motive të dobëta, identifikohet autori i dyshuar dhe vijon puna për kapjen e tij. Në orët e para të mëngjesit, në spitalin e Tropojës, është paraqitur shtetasi A. B., 23 vjeç, banues në Dojan, me dëmtime që dyshohet se janë shkaktuar nga goditja me mjet prerës. Aktualisht ai po merr mjekim dhe është jashtë rrezikut për jetën.

Nga veprimet e para hetimore dyshohet se shtetasi A. B. është plagosur me mjet prerës gjatë një konflikti për motive të dobëta, nga shtetasi O. L., 18 vjeç, banues në Bajram Curri. Shtetasi O. L. është shpallur në kërkim dhe vijon puna për kapjen e tij.

Ndërkohë, grupi hetimor, në drejtimin e Prokurorisë së Kukësit, vijon punën për zbardhjen dhe dokumentimin e rrethanave të këtij rasti.

Klos, 11 qershor 2025 – Një ngjarje e rëndë ka ndodhur mbrëmjen e sotme në fshatin Xibër-Murrizë të bashkisë Klos, ku një 65-vjeçar është gjetur i pajetë me plagë të shumta në trup.

Viktima është identifikuar si Selim Velsula, banor i zonës, i cili dyshohet se është goditur me thikë të paktën tre herë në gjoks. Trupi i tij është gjetur nga kalimtarë të rastësishëm, të cilët kanë njoftuar menjëherë policinë.

Pranë trupit të pajetë është gjetur edhe mjeti i krimit – një thikë e përgjakur, që dyshohet se është përdorur për goditjen e viktimës.

Forcat e policisë dhe grupi hetimor ndodhen në vendngjarje dhe po punojnë për zbardhjen e rrethanave. Deri tani, nuk ka të dhëna për autorin apo motivin e krimit, ndërsa po merren në pyetje banorë të zonës dhe persona të afërt me viktimën.

Nga ana e saj, Policia e Matit ka nisur hetimet nën drejtimin e Prokurorisë, ndërsa trupi i pajetë pritet t’i nënshtrohet ekspertizës mjeko-ligjore për të përcaktuar saktësisht orën dhe shkakun e vdekjes.

Klos / Informacion paraprak

Mbrëmjen e sotme, në fshatin Xibër, pranë pronës së tij, është gjetur pa shenja jete shtetasi S.V., rreth 65 vjeç.

Nga këqyrja paraprake, janë konstatuar dëmtime në trup, të shkaktuara dyshohet nga mjet prerës.

Grupi hetimor ndodhet në vendngjarje dhe, nën drejtimin e Prokurorisë, po punohet për sqarimin e rrethanave të kësaj ngjarjeje.

Një ngjarje e rëndë tronditi të martën fshatin Oltra, në komunën Lamon të Italisë.

Rreth orës 17:00, fqinjët dëgjuan të shtëna dhe lajmëruan autoritetet, të cilat gjetën të pajetë babain 50-vjeçar, Vladislav Gaio dhe djalin e tij 17-vjeçar, Riccardo, shkruan Rai.

Sipas hetimeve paraprake, Gaio e goditi djalin me thikë dhe më pas u vetëvra me armë zjarri. Në banesë jetonin edhe bashkëshortja dhe vajza e vogël e çiftit, të cilat ndodhen të sigurta. Ngjarja po hetohet nga autoritetet vendase.

Tentativë për vrasje në familje, burri plagos me thikë bashkëshorten

Sarandë – Një ngjarje e rëndë ka ndodhur mbasditen e sotme në qytetin e Sarandës. Mësohet se një burrë ka plagosur me thikë bashkëshorten e tij.

Ngjarja ka ndodhur në lagjen nr.4 të qytetit bregdetar, ndërkohë gruaja e identifikuar si Miranda Budini është qëlluar me thikë në bark.

Gjithashtu e plagosura është transportuar drejt spitalit të Sarandës ku po merr ndihmën e parë mjekësore dhe ndodhet jashtë rrezikut për jetën.

Sipas informacioneve paraprake, rreth orës 17:40, dyshohet se shtetasi A. B., 55 vjeç, ka goditur me mjet prerës (thikë) bashkëshorten e tij, shtetasen M. B., 51 vjeçe.

E plagosura është transportuar menjëherë në spital, ku ndodhet jashtë rrezikut për jetën.

Shërbimet e Policisë së Sarandës kanë rrethuar zonën dhe vijojnë punën për kapjen e autorit, i cili është larguar nga vendngjarja.

Ndërkohë, grupi hetimor po punon për zbardhjen e plotë të rrethanave të ngjarjes dhe për dokumentimin ligjor të saj. /noa.al

Një 40-vjeçar është vetëplagosur me thikë mesditën e sotme. Ngjarja ka ndodhur në lagjen “28 Nëntori” në Berat, në banesën ku jetonte 40-vjeçari i vetëplagosur Bledar Mbrakulli.

Dyshohet se Mbrakulli vuan nga probleme të shëndetit mendor dhe se kjo nuk është hera e parë që ai ka lënduar veten. Sipas burimeve nga vendngjarja, mësohet se mesditën e sotme ai ka marrë një thikë nga kuzhina dhe ka goditur veten në krah

Pas kësaj, familjarët e kanë transportuar drejt Spitalit Rajonal Berat, ku pasi ka marrë ndihmën mjekësore është larguar drejt banesës.

Policia e Tiranës njofton se ka arrstuar të dyshuarin e sulmit me thikë në Kryeqytet.

‘Specialistët për Hetimin e Krimit në Komisariatin e Policisë nr 6, bënë arrestimin në flagrancë të shtetasit A. P., 24 vjeç, banues në Tiranë.

Arrestimi i këtij shtetasi u bë pasi gjatë një konflikti për motive të dobëta ka plagosur me një mjet prerës shtetasin E. Rr., 53 vjeç, i cili ndodhet jashtë rrezikut për jetën.

Materialet procedurale do ti kalojnë Prokurorisë për veprime të mëtejshme’, citon policia.