Një aksident i rëndë me pasojë vdekje është regjistruar sot në rrugën Fushë Krujë-Thumanë, në afërsi të Borizanës.

Dy automjete tip “Mercedes” janë përplasur, e për pasojë një person ka humbur jetën, ndërsa 3 të tjerë janë plagosur.

Mësohet se drejtuesja e njërit prej mjeteve të përfshira në aksident është Malvina Kani, e cila u përplas me makinën tip “Benz” që drejtohej nga Idriz Saja, me të cilin udhëtonin pasagjeret Lindita Saja dhe Bedrie Saja.

Bedrie Saja ka humbur jetën në vend, ndërsa të tjerët janë nisur për në spitalin e Traumës, pasi disa prej tyre janë në gjendje të rëndë.

Një aksident i rëndë u regjistrua në aksin Milot-Thumanë, teksa u plagosën 4 persona të një familjeje, por njëri prej tyre humbi jetën rrugës për në spital.

Nga informacionet e para, mësohet se një automjet ka humbur kontrollin duke përfunduar në kanal.

Në kuadër të megaoperacionit kombëtar të koduar “Koordinata”, policia ka zbuluar një serë me bimë narkotike kanabis në fshatin Thumanë të Krujës.

Gjatë kontrollit të territorit me dronë dhe nga toka, shërbimet e Komisariatit të Policisë Krujë identifikuan një serë ku kultivoheshin bimët narkotike. Menjëherë u organizua ndërhyrja, ku u arrestua në flagrancë një 28-vjeçar, banues në Thumanë, teksa po kujdesej për bimët.

Sipas autoriteteve, bimët narkotike janë asgjësuar nëpërmjet djegies.

Gjithashtu, i riu rezulton të ketë qenë në kërkim nga drejtësia, pasi Gjykata e Tiranës i kishte caktuar më herët masën e sigurisë “Arrest në burg”, për veprën penale “Mbajtja pa leje dhe prodhimi i armëve, armëve shpërthyese dhe municionit.”

Vijojnë hetimet për dokumentimin e plotë të veprimtarisë kriminale.

Banorët e zonës pranë aksit Thumanë-Kashar kanë dalë sërish në protestë ditën e sotme, duke kërkuar akses në autostradë.

Qytetarë të shumtë janë vendosur pranë aksit, ndërsa forcat e policisë nuk kanë arritur t’i ndalojnë nga bllokimi i qarkullimit të mjeteve.

Ndonëse çështja e tyre u ngrit nga deputeti Gazment Bardhi edhe në ditën e parë të sesionit të ri parlamentar, banorët duket se nuk kanë marrë ende një përgjigje për kërkesën e tyre.

Ajo çka ata kërkojnë, është një hyrje-dalje në autostradën e re, duke thënë se u duhet të udhëtojnë dhjetra kilometra për të shkuar në banesat e tyre.

Banorët e Fushë Krujës, Krujës dhe të Thumanës kanë bllokuar qarkullimin në aksin rrugor Thumanë-Kashar.

Në protestë ka patur dhe prezencë të shtuar policore, me pjesëmarrjen e drejtuesve të Policisë së Tiranës, dhe pjesëtarë të FNSH-së. Incidente ka pasur vetëm në fillim, kur protestuesit kanë çarë kordonin e policisë dhe kanë bllokuar qarkullimin.

Banorët po protestojnë duke kërkuar hyrje-dalje në rrugën kryesore. Edhe deputetja demokrate Andia Ulliri ka bërë thirrje që t’i jepet zgjidhje problemit.

“Nuk na japin përgjigje. Të vijë gjithë kjo Polici e Shtetit këtu është turp. Ne kemi dalë për të drejtën tonë. Këtu është rotondë, nuk është pjesë e autostradës. Janë qindra biznese që janë bllokuar. Protesta nuk do ndalohet asnjëherë. Mua biznesin ma kanë ndarë në dy pjesë. Nuk kemi rrugë për të shkuar në punë. Le ta bëjë me pagesë, por vetëm duam hyrje-dalje në rrugë. Ne ketë gjë duam”, tha një prej

Një automjet është qëlluar me armë zjarri pranë Thumanës, fatmirësisht pa të lënduar.

Ngjarja ka ndodhur në orët e para të mëngjesit të së dielës në aksin e rrugës Fushë Krujë-Milot.

Mësohet se janë shoqëruar disa persona, teksa ende nuk dihen shkaqet e kësaj ngjarjeje.

Automjeti që ishte në shënjestër ndodhet në komisariatin e Kurbinit ndërsa po hetohet ngjarja.

Policia arrestoi 4 persona, mes të cilëve edhe 1 punonjës policie, që u përfshinë në një përleshje e cila precipitoi edhe në përdorimin e armëve. Ngjarja ka ndodhur mbrëmjen e së enjtes, ndërsa si pasojë e të shtënave kanë mbetur të plagosur 3 persona. Policia njoftoi sot arrestimin e shtetasve:

VS. A., 55 vjeç, banues në Fushë-Krujë, i dyshuar për kryerjen e veprës penale “Vrasja me dashje”, mbetur në tentativë, kryer në bashkëpunim, parashikuar nga neni 76/22/25 i Kodit Penal;

– A. A., 45 vjeç, F. S., 33 vjeç, Y. S., 40 vjeç, të tre banues në Mamurras, të dyshuar për kryerjen e veprave penale “Vrasja me dashje”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 76/22/ 25 dhe 278 të Kodit Penal.

Njoftimi zyrtar nga policia

Në vijim të dy informacioneve paraprake të dhëna mbi ngjarjen e ndodhur mbrëmjen e djeshme, specialistët e Sektorit për Hetimin e Krimeve të Rënda në DVP Tiranë, në vijim të veprimeve hetimore dhe procedurale, arrestuan shtetasit:

– S. A., 55 vjeç, banues në Fushë-Krujë, i dyshuar për kryerjen e veprës penale “Vrasja me dashje”, mbetur në tentativë, kryer në bashkëpunim, parashikuar nga neni 76/22/25 i Kodit Penal;

– A. A., 45 vjeç, F. S., 33 vjeç, Y. S., 40 vjeç, të tre banues në Mamurras, të dyshuar për kryerjen e veprave penale “Vrasja me dashje”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 76/22/ 25 dhe 278 të Kodit Penal.

Arrestimi i këtyre shtetase u bë pasi mbrëmjen e djeshme, më datë 25.07.2024, rreth orës 21.30, në vendin e quajtur Shperdhet, Mamurras, (në kufirin administrativ ndarës me qytetin e Krujës), shtetasit S. A., (me detyrë punonjës Policie) A. A., dhe disa personave të tjerë lidhje të tyre të ngushta familjare, kanë debatuar dhe janë konfliktuar fizikisht me vëllezërit F. S. dhe Y. S., për shkak të një mosmarrëveshje lidhur me pronësinë e një sipërfaqe toke.

Me pas, konflikti midis tyre ka agravuar në përdorimin e armëve të zjarrit dhe si pasojë e të shtënave kanë mbetur të dëmtuar nga njëra palë shtetasit S. A., A. A., dhe nga pala tjetër shtetasi F. S., të cilët më pas janë transportuar në spital, për ndihmë mjekësore. Në cilësinë e provës materiale është sekuestruar arma e zjarrit tip pistoletë e shtetasit S. A., municion luftarak (2 fishekë) dhe gëzhoja, të gjetura gjatë këqyrjes së vendit të ngjarjes. Materialet i kaluan Prokurorisë.

Të shtëna me armë janë regjistruar mbrëmjen e sotme në Thumanë.

Nga raportimet e para dyshohet për një të plagosur. Gjithashtu mësohet se ngjarja ka ndodhur pas një konflikt mes kushërinjve.

I plagosuri ka mbërritur në Spitalin e Traumës, ndërsa policia është drejt vendit të ngjarjes.

Ende nuk dihen shkaqet dhe rrethanat që çuan në këtë konflikt.